4 ஆயிரம்‌ அடி உயர ஈஸ்வரன் கோயில்; பக்தர்கள் பரவசத்துடன்..சாமி தரிசனம்!

-
ஈரோடு மாவட்டம் நெரிஞ்சிப்பேட்டை அருகே அமைந்துள்ளது
பாலமலை. சேலம், ஈரோடு மாவட்டங்களில் சுமார் 30 கிலோ
மீட்டர் தூரத்துக்கு பரவியுள்ள இந்த மலையானது,
குறுங்காடுகளாகவும் சில பகுதிகளில் அடர்ந்த காடுகளாகவும்
அமைந்துள்ளது.

மேலும் கிழக்கு தொடர்ச்சி மலைத்தொடரானது மேற்கு தொடர்ச்சி
மலையுடன்‌ இணையும் பகுதியாகவும் இது உள்ளது.

இந்த மலையில் 5க்கும் மேற்பட்ட மலைக்கிராமங்களில்
3 ஆயிரம் பழங்குடியின மக்கள் வசித்து வருகின்றனர். இந்த
மலையின் மேல் பழங்குடிகளால் நிர்வகிக்கப்படும் அருள்மிகு
சித்தேஸ்வரன் ஆலயமானது கடல் மட்டத்தில் இருந்து சுமார்
3800 மீட்டர் உயரத்தில் அமைந்துள்ளது.

இந்த ஆலயத்துக்கு கடந்த 50 ஆண்டுகளுக்கு மேலாக புரட்டாசி
மாதத்தில் வரும் சனிக்கிழமைகளில் ஈரோடு, சேலம், நாமக்கல்,
திருப்பூர் மற்றும் கோவை மாவட்ட மக்கள் மலைப்பகுதி வழியாக
நடந்தே வந்து சாமியை தரிசனம் செய்ய ஆயிரக்கணக்கான மக்கள்
வருவர்.

இந்த ஆண்டு கொரோனா காரணமாக மக்கள் வருகை குறைந்து
காணப்பட்டாலும், ஏராளமான இளைஞர்கள் மலைப் பயணம்
செய்யவும் அதே நேரத்தில் சித்தேஸ்வரனை வருடத்தில் ஒருமுறை
தரிசிக்க சுற்று வட்டார பகுதியை சேர்ந்தவர்கள், குடும்பத்துடன்
குழுவாக வந்து தரிசனம் செய்து செல்கின்றனர்.

இந்த மலையில் ஏழு மலைகளை கடந்து ஏழாவது மலையின்
செங்குத்தான உச்சியில் இக்கோவிலானது அமைந்துள்ளது.
திருக்கோவில் உட்பிரகாரத்தில் மூலவராக சித்தேஸ்வரரும் உடன்
விஷ்ணுவும், மாதேஷ்வரரும் வீற்றிருந்து, வரும் பக்தர்கள் துயர்
தீர்க்கின்றனர்.

திருக்கோவில் பிரசாதமாக திருநீரும், மலையில் பூக்கும் பூக்களும்
தரப்படுகிறது. ஏழாவது மலையின் உச்சியில் தரிசனம் செய்ய
வசதியாக பாதுகாப்பாக திருக்கோவில் அமைந்துள்ளது.

இன்று புரட்டாசி மாத 4வது சனிக்கிழமை என்பதால் பக்தர்கள்
குறைந்தளவில் சாமி தரிசனம் செய்ய வந்திருந்தனர். இந்த மலையானது
ட்ரெக்கிங் விரும்பிகளுக்கும் ஏற்ற மலையாக அமைந்துள்ளதால் மற்ற
நாட்களில் வனத்துறை அனுமதியுடன் இந்த மலைக்கு அமைக்கப்பட்டு
உள்ள சாலை வழியாக வாகனங்களில் வந்து, அதன் பிறகு பழங்குடிகள்
உதவியுடன் மற்ற பகுதிக்கு செல்லலாம்

நன்றி-தமிழ்-சமயம்

நல்லதோர் தகவல். கேள்விபடாத ஒரு கோயில்.