சிஎஸ்கே அணிக்காக புதிய மைல்கல் படைத்த தோனி

**ayyasamy ram** · **ayyasamy ram** Fri Oct 01, 2021 6:25 pm

-
சன்ரைசர்ஸ் அணிக்கு எதிராக நேற்று நடந்த ஆட்டத்தில் விருதிமான் சாஹா அடித்த ஷாட்டில் கேட்ச் பிடித்த தோனி | படம் உதவி ட்விட்டர்

ஐபிஎல் டி20 தொடரில் சிஎஸ்கே அணிக்காக அந்த அணியின் கேப்டன் மகேந்திர சிங் தோனி புதிய மைல்கல்லை எட்டியுள்ளார். சிஎஸ்கே அணிக்காக 100 கேட்சுகளை விக்கெட் கீப்பர் தோனி பிடித்துள்ளார்.

ஷார்ஜாவில் நேற்று நடந்த ஐபிஎல் டி20 போட்டியின் 44-வது லீக் ஆட்டத்தி்ல் சன்ரைசர்ஸ் அணியை 6 விக்கெட் வித்தியாசத்தில் வீழ்த்தியது சென்னை சூப்பர் கிங்ஸ் அணி.

இந்த வெற்றியின்மூலம் சிஎஸ்கே அணி 11 போட்டிகளி்ல் 9 வெற்றிகள், 2 தோல்விகள் 18 புள்ளிகளுடன் முதலிடத்தை தக்கவைத்து, ப்ளேஆஃப் சுற்றையும் உறுதி செய்துள்ளது. ஐபிஎல் தொடரில் 11-வது முறையாக சிஎஸ்கே அணி ப்ளே ஆஃப் சுற்றுக்குள் செல்கிறது.

இந்தப் போட்டியில் சிஎஸ்கே அணியின் கேப்டனும்,விக்கெட் கீப்பருமான தோனி 3 கேட்சுகளைப் பிடித்தார். தொடக்க வீரர்கள் விருதிமான் சாஹா, ஜேஸன் ராய், பிரியம் கார்க் ஆகியோரின் விக்ெகட்டுகளை கேட்ச் பிடித்து தோனி வெளிேயற்றினார். இதன் மூலம் ஐபிஎல் தொடரில்சிஎஸ்கே அணிக்காக விக்கெட் கீப்பராக இருந்து 100 கேட்சுகளை தோனி பிடித்துள்ளார்.
-
சிஎஸ்கே அணிக்காக புதிய மைல்கல் படைத்த தோனி 1633067046756

சிஎஸ்கே அணிக்காக புதிய மைல்கல் படைத்த தோனி 1633067046756

-
இதுதொடர்பாக ஐபிஎல் நிர்வாகம் ட்விட்டரில் பதிவிட்ட கருத்தில் “ ஸ்பெஷல் கிரிக்கெட் வீரர், ஸ்பெஷல் மைல்கல், சிஎஸ்கே அணிக்காக விக்கெட் கீப்பராகஇருந்து தோனி 100 ேகட்சுகளைப் பிடித்துள்ளார்”எனத் தெரிவித்துள்ளது.

ஐபிஎல் தொடரில் விக்கெட் கீப்பராக இருந்து அதிகமான டிஸ்மிசல்களைச் செய்தவகையில் தினேஷ் கார்த்திக்கின் சாதனையை சமீபத்தில் தோனி முறியடித்தார். தினேஷ் கார்த்திக்கைவிட 8 டிஸ்மிசல்கள் அதிகமாக தோனி செய்துள்ளார். தோனி 215 போட்டிகளில் 158 டிஸ்மிசல்களைச் செய்துள்ளார். அதில் 119 கேட்சுகள், 39 ஸ்டெம்பிங்அடங்கும்.

ஐபிஎல் தொடரில் அதிகமான கேட்ச் பிடித்த வீரர்களில் சிஎஸ்கே வீரர் சுரேஷ் ரெய்னா 98 கேட்சுகளையும், மும்பை இந்தியன்ஸ் வீரர் கெய்ரன் பொலார்ட் 94 கேட்சுகளையும் பிடித்து முன்னணியில் உள்ளனர்.

இந்து தமிழ் திசை

**T.N.Balasubramanian** · **T.N.Balasubramanian** Fri Oct 01, 2021 6:37 pm

நல்லதோர் தகவல் கிரிக்கெட் ரசிகர்களுக்கு.

கிரிக்கெட் ஆட்ட வர்ணனை செய்யும் சடகோபன் ரமேஷ்/முத்து /பத்ரிநாத் /முகுந்த் மற்றும் பலர்
நல்ல முறையில் ஆரவாரமின்றி வர்ணனை செய்கிறார்கள்.ஆனால் க்ருஷ்ணமாச்சாரி ஸ்ரீகாந்த்
ஏன் கையை ஆட்டிக்கொண்டும் முகத்தை சுளித்துக்கொண்டும் காட்டுக்கூச்சல் போடுகிறார் என தெரியவில்லை. ரசிக்க முடியவில்லை.

**ரா.ரமேஷ்குமார்** · 23/01/2011

சென்ற ஆட்டம் என நினைக்கிறேன் ஐய்யா .. முத்து ஏதோ அவர் வர்ணனையை கூற போக “என் வழி அப்படி தான், இப்படி தான் பேசுவேன்” என்பது போல் கூறினார் ஐய்யா.. ஆங்கில வர்ணனைக்கு இனையாக நமது தழிழ் மொழி வர்ணனையும் சிறப்பாக கிரிக்கெட் பற்றிய தகவல்களுடன் சிறப்பாக உள்ளது..

சில சமயம் கிரிஷ் மற்றும் R J பலாஜியின் வர்ணனைகள் ஆட்டத்துடன் ஒன்றுவது போல் இல்லை என்பது மறுக்கமுடியாத ஒன்று..

**T.N.Balasubramanian** · **T.N.Balasubramanian** Sat Oct 02, 2021 2:15 pm

இருவருமே காமெடிபீஸ்..
முடிவு செய்யவேண்டியது சேனல் அதிகாரிகள்.
நம் கையில் என்ன இருக்கிறது.....ரிமோட் ஒன்றுதான்.
கொக்கோகோலா விளம்பரத்தையும் ம்யூட் பண்ணிவிடுவேன்.

@ரா.ரமேஷ்குமார்

இந்த பதிவைத் துவங்கியவர் நன்றி கூறியுள்ளார் T.N.Balasubramanian

Sponsored content · Sponsored content

சிஎஸ்கே அணிக்காக புதிய மைல்கல் படைத்த தோனி

சிஎஸ்கே அணிக்காக புதிய மைல்கல் படைத்த தோனி

Re: சிஎஸ்கே அணிக்காக புதிய மைல்கல் படைத்த தோனி

Re: சிஎஸ்கே அணிக்காக புதிய மைல்கல் படைத்த தோனி

Re: சிஎஸ்கே அணிக்காக புதிய மைல்கல் படைத்த தோனி

Re: சிஎஸ்கே அணிக்காக புதிய மைல்கல் படைத்த தோனி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக