ஆன்மீக சிந்தனை - தொடர் பதிவு

-

இன்றைய சிந்தனை துளிகள்
1.துன்பத்துள்தான் இன்பம் இருக்கிறது.
எனவே துன்பத்தை எதிர்கொள்ள
தன்னை ஆயத்தப்படுத்திக்
கொள்பவனே சிறந்த மனிதன்.

2. எல்லோரிடமிருந்தும்
கற்றுக் கொள்பவனே
சிறந்த மனிதன்.

3. நமது மனிதநேயத்தின்
அளவை அளக்கும் கருவி..
நாம் பிறருக்கு உதவி செய்யும் போது
ஏற்படும் மகிழ்ச்சியின் அளவை
பொறுத்தது.

4. எதிலும் துணிந்து பங்கேற்று
பல்வேறு அனுபவங்களையும்
சுவைக்கத் தவறாதீர்.

5. இரத்த ஓட்டம் சீராக இருக்க வேண்டும்.
புகழ் ஓட்டமும் அதுபோலத்தான்.
அதுதான் சீரிய உடல் நலத்திற்கு
அடையாளம்.

6. உடல் நலம் பெரிதும்
மனநலத்தைப் பொறுத்தது.

7. நம்மால் முடியாதது யாராலும் முடியாது.
யாராலும் முடியாதது
நம்மால் மட்டுமே முடியும்.

8. மனிதன் அடக்கம் என்ற போர்வையில்
தன்னைப் போர்த்திக் கொள்ள வேண்டும்.

9. நோய்களில் கொடிய நோய்
மூடநம்பிக்கை என்ற நோய்தான்.

10. மணிக்கணக்கில் பேசாமல்,
மணிமணியாக பேசுதல்
சிறப்புடைத்து.

11. எல்லோருக்கும் தேவையானது
சிறந்த அறிவும்,
திறந்த இதயமும் ஆகும்.

12. மோசமான தோல்வியை
எதிர்கொள்ளும் தைரியம்
உடையவர்களே மிகப்பெரிய
வெற்றியைப் பெறமுடியும்.

13. சிக்கல்கள்தான் மிகப்பெரிய
சாதனைகளையும், மிக உறுதியான
வெற்றிகளையும் உருவாக்குகிறது.

14. வாழ்ந்து தீர வேண்டும் என்ற
மனோநிலைதான் வாழ்வின்
சிறந்த மருந்து.

15. ஓய்வை நாடியே மனிதர்கள்
களைத்துப் போய் விடுகிறார்கள்.

16. நாம் சந்தோஷமாய் இருப்பது
நம்மைப் பொறுத்தே உள்ளது.

17. வணங்கத் தொடங்கும்போதே
வளரத் தொடங்கிவிட்டோம்.

18. ஓர் இல்லத்தை இல்லமாக்க
ஒரு பெண்ணால் மட்டுமே
முடியும்.

19. கஷ்டத்திலிருந்து தப்பித்துக்
கொள்வது,
அதனை அனுபவித்து விடுவதுதான்.

20. நம்மால் முடியும் என்று எண்ணுவதே
முடிக்கும் ஆற்றலை அளிக்கும்.

21. பெரும் பொறுப்புகளை ஏற்க
முதன்மையாகத் தேவைப்படுவது
தன்னம்பிக்கை.

பிள்ளையார் பழமொழிகள்

-


-
மங்கையர்மலர்