சசிகலாவுக்கு சொந்தமான ரூ.100 கோடி பையனூர் பங்களா முடக்கம்

**ayyasamy ram** · **ayyasamy ram** Thu Sep 09, 2021 6:13 am

சென்னை, செப்டம்பர் 8,

சென்னையை அடுத்த பையனூரில் உள்ள சசிகலாவுக்கு
சொந்தமான ரூ.100 கோடி மதிப்புள்ள பங்களாவை வருமான
வரித்துறை கையகப்படுத்தி உள்ளது.

பையனூர் பங்களாவை முடக்கி உள்ள விவரத்தை தெரிவிக்கும்
நோட்டீசையும் பங்களாவில் வரித்துறையினர் ஒட்டி உள்ளனர்.

2017-ஆம் ஆண்டு சசிகலா, ஜெயலலிதாவுக்கு சொந்தமான
157 இடங்களில் வருமான வரித்துறை அதிரடி சோதனை நடத்தியது.
சோதனையின் போது பினாமி சொத்துக்கள் என வகைப்படுத்தப்பட்ட
சொத்துக்களை கைப்பற்ற வருமான வரித்துறை முடிவு செய்தது.

அப்பொழுது ரூ.1430 கோடி அளவுக்கு வருமான வரி ஏய்க்கப்பட்டுள்ளது
என்ற முடிவுக்கு வருமான வரித்துறையினர் வந்தனர்.

அம்முடிவின்படி பினாமி சட்டத்தின்கீழ் சசிகலா தொடர்புடைய
ரூ.1,600 கோடி மதிப்புள்ள சொத்துக்கள் 2019ம் ஆண்டு முடக்கப்பட்டன.

அதேபோல், 2020-ஆம் ஆண்டு, கோடநாடு தேயிலை எஸ்டேட்,
சிறுதாவூரில் உள்ள உட்பட 65 சொத்துக்கள் முடக்கப்பட்டன.

சென்னையை அடுத்த பையனூரில் உள்ள சசிகலாவுக்கு சொந்தமான
ரூ.100 கோடி மதிப்புள்ள பங்களா தொடர் நடவடிக்கையாக இப்பொழுது
முடக்கப்பட்டிருக்கிறது.

தினமலர் நெல்லை

**சிவா** · **சிவா** Thu Sep 09, 2021 10:28 am

அனைத்து சொத்துக்களையும் அரசு கையகப்படுத்த வேண்டும். அனைத்துமே மக்களின் பணத்தில் வாங்கிக் குவிக்கப்பட்டது.

**Dr.S.Soundarapandian** · **Dr.S.Soundarapandian** Thu Sep 09, 2021 12:44 pm

சிவா சூப்பர்!
ஆனால்.. ......மக்கள்! ..... தேர்தல் நேரத்தில் ‘வாங்கிக்கொண்டு ஓட்டுப்போடுவோம்’ என்கிறார்களே? ‘பக்கத்துத் தெருவில் பணம் கொடுத்தார்கள்: எங்களுக்குக் கொடுக்கலை’ என்றல்லவா நிற்கிறார்கள்? ஆகவேதான், தேர்தல் முறையில் பெரும் திருத்தம் தேவை! நியாயமான தேர்தல் நடக்கவேண்டும்! கையும் களவுமாகப் பிடித்துக்கொடுத்தாலும் , தேர்தல் ஆணையம் ‘கம்’மென்று இருக்கிறதே!
யாரும் சிந்திக்கமாட்டார்களா?

**T.N.Balasubramanian** · **T.N.Balasubramanian** Thu Sep 09, 2021 5:35 pm

அடாவடியாக அரசியல்வாதிகள்/ பெரிய பதவி வகிக்கும் அதிகாரிகள் சேர்த்த சொத்துக்களை
அகில இந்திய அளவில் சட்ட ரீதியாக கையகப்படுத்தினால், இன்னும் பத்தாண்டுக்கு மக்கள் மீது வரியே விதிக்கவேண்டி இருக்காது.
நாளைக்கு நம் உயிர் போகும்போது இந்த பணமா கூட வரப்போகிறது?????
வீடியோ பரிவர்த்தனை செய்தவர்களும் டிக்கட் இன்றி பயணம் செய்தவர்களும் இவற்றை ஆதரித்த சில பெரிய புள்ளிகள் மக்களிடையே குறுக்கு வழியில் பணம் சேர்க்கும் வியாதியை /வைரஸ் கிருமியை உண்டாக்கி விட்டனர்.

**ராஜா** · **ராஜா** Fri Sep 10, 2021 10:15 am

ஊழல் செய்து சொத்து சேர்த்தவர்கள் , ஊழல் பணத்தை கொண்டு பினாமி பெயரில் தொழில் தொடங்கி இன்று பெரும் பணக்காரர்கள் ஆனவர்கள் போன்றோரின் சொத்துக்களையும் அரசு கையகபடுத்தவேண்டும் தல

Sponsored content · Sponsored content

சசிகலாவுக்கு சொந்தமான ரூ.100 கோடி பையனூர் பங்களா முடக்கம்

சசிகலாவுக்கு சொந்தமான ரூ.100 கோடி பையனூர் பங்களா முடக்கம்

Re: சசிகலாவுக்கு சொந்தமான ரூ.100 கோடி பையனூர் பங்களா முடக்கம்

Re: சசிகலாவுக்கு சொந்தமான ரூ.100 கோடி பையனூர் பங்களா முடக்கம்

Re: சசிகலாவுக்கு சொந்தமான ரூ.100 கோடி பையனூர் பங்களா முடக்கம்

Re: சசிகலாவுக்கு சொந்தமான ரூ.100 கோடி பையனூர் பங்களா முடக்கம்

Re: சசிகலாவுக்கு சொந்தமான ரூ.100 கோடி பையனூர் பங்களா முடக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக