அரசு ஊழியர்கள், ஆசிரியர்களுக்கு அகவிலைப்படி உயர்வு: முதல்வர்

by **ayyasamy ram** Tue Sep 07, 2021 5:26 pm

-
சென்னை:
அரசு ஊழியர்கள், ஆசிரியர்களின் அகவிலைப்படி வரும்
2022 ஜன., முதல் உயர்த்தப்படும் என 110வது விதியின் கீழ்
சட்டசபையில் முதல்வர் ஸ்டாலின் அறிவித்து உள்ளார்.

இது தொடர்பாக முதல்வர் ஸ்டாலின் வெளியிட்ட அறிவிப்புகள்:

* அரசு ஊழியர்கள், ஓய்வூதியதாரர்களுக்கு 2022 ஜன., முதல்
உயர்த்தப்படும். இதனால், 16 லட்சம் பேர் பயன்பெறுவார்கள்.

* அரசுக்கு 6,480 கோடி ரூபாய் கூடுதல் செலவு.

* அரசு பணியாளர்களுக்கான காப்பீடு திட்டத்தில் மகன், மகள்
ஆகியோர் சேர்க்கப்படுவார்கள்.

* ஓய்வு பெறும் நாளில் தற்காலிக பணியில் அமர்த்தப்படும்
முறை ஒழிக்கப்படும்.

* அரசு ஊழியர்களுக்கு கூடுதல் கல்வி தகுதிக்கான
ஊக்கத்தொகை விரைவில் அறிவிக்கப்படும்.

* சத்துணவு ஊழியர்கள் ஓய்வு வயது 60 ஆக அதிகரிக்கப்படும்.

* மருத்துவ காப்பீடு திட்டத்தின் கீழ் கோவிட் தொற்றுக்கு சிகிச்சை
அளிக்க நடவடிக்கை.

* அரசு பள்ளியில் இளநிலை உதவியாளர் காலி பணியிடங்கள்
நிரப்ப நடவடிக்கை எடுக்கப்படும்.

* அரசு பள்ளிகளில் மாணவர்களின் விகிதாச்சார எண்ணிக்கை
அடிப்படையில் ஆசிரியர்கள் பணி நியமனம் செய்யப்படுவார்கள்.

* கடந்த ஆட்சியில் அரசு ஊழியர்கள், ஆசிரியர்கள் வேலை
நிறுத்தத்தில் ஈடுபட்ட காலம் பணி நாட்களாக கருதப்படும்.

* பணியிட மாற்றம் செய்யப்பட்ட ஆசிரியர்கள் அதே இடத்தில்
பணியில் அமர்த்தப்படுவார்கள்.

* போராட்ட காலத்தில் அரசு ஊழியர்கள் மீது எடுக்கப்பட்ட
ஒழுங்கு நடவடிக்கை ரத்து செய்யப்படும்.

* ஆசிரியர்கள், அரசு ஊழியர்களின் நியாயமான கோரிக்கைகள்
நிறைவேற்றப்படும்.
-
தினமலர்