வந்தாச்சு Bharat Caller... இனிமேல் Truecaller-க்கு அவசியமில்லை!

**ayyasamy ram** · **ayyasamy ram** Mon 6 Sep 2021 - 18:22

TrueCaller செயலிக்கு மாற்றாக, இந்தியாவிலேயே உருவாக்கப்பட்டுள்ள Bharat Caller என்ற புதிய செயலி அறிமுகப்படுத்தப்பட்டுள்ளது.

அடையாளம் தெரியாத நபர்கள் மற்றும் மோசடி நபர்கள் குறித்து தகவல்களை தெரிந்து கொள்வதற்கும், நம்முடைய Contact List -ல் இல்லாதவர்கள் தொடர்பு கொள்ளும்போது அவர்களின் பெயர்களை அறிந்து கொள்வதற்கும் TrueCaller உதவுகிறது.

இந்த செயலி, உபயோகப்படுத்துபவர்களின் தகவல்களையும் சேகரித்து வைத்துக் கொள்ளும். மொபைலில் இருக்கும் தொடர்புகள், மெசேஜ்கள் ஆகியவற்றையும் சேகரிப்பதுடன், ஆன்லைன் பணப்பரிவர்த்தனையை மேற்கொள்ளும்போது, மொபைலுக்கு அனுப்பப்படும் ஓ.டி.பியை, மெசேஜ் வருவதற்கு முன்பே TrueCaller -செயலி காண்பித்துவிடும். அந்தளவுக்கு விரைவாக தகவல்களை கொண்டுவந்து சேர்க்கும்.

அதேநேரத்தில் இந்த செயலியைப் பயன்படுத்துபவர்களிடையே ஒருவிதமான அச்சமும் இருக்கிறது. நம்முடைய மொபைல் போனில் இருக்கும் அனைத்து தகவல்களை ஊருவி அலசி ஆராய்ந்து, அந்த தகவல்களை எடுத்துக்கொள்ளும் வாய்ப்பும் இருக்கிறது. இவை அனைத்தும் நீங்கள் கொடுக்கும் அணுகல் அனுமதியுடனேயே நடக்கும்.

பெரிய ஆபத்து இல்லை என்ற எண்ணத்தில் நீங்களும், அந்த செயலி கேட்கும் செட்டிங்ஸ் அணுகல்களை கொடுத்துவிடுவீர்கள். இந்நிலையில், அந்த செயலிக்கு போட்டியாக இந்தியாவிலேயே, மேட் இன் இந்தியா புரொஜெக்டில் தயாரிக்கப்பட்ட பாரத்காலர் (Bharat Caller) என்ற செயலி இப்போது அறிமுகம் செய்யப்பட்டுள்ளது.

பிளே ஸ்டோரில் அறிமுகப்படுத்தப்பட்டுள்ள இந்த செயலி, இந்தியர்களின் தனி நபர் தகவல் பாதுகாப்பு உத்திரவாதமானது என கூறப்படுகிறது. ஸ்வீடன் நாட்டைச் சேர்ந்த TrueCaller செயலில் இடம்பெற்றிருக்கும் வசதிகளுடன், இன்னும் சில கூடுதல் பாதுகாப்பு அம்சங்கள் சேர்க்கப்பட்டு, உருவாக்கப்பட்டுள்ளது.

இந்த செயலியை பெங்களுருவில் உள்ள இந்தியன் இன்ஸ்டிடியூட் ஆப் மேனேஜ்மென்ட்டின் முன்னாள் மாணவரான பிரஜ்வால் சின்ஹா மற்றும் குணால் பஸ்ரிச்சா ஆகியோர் இணைந்து தயாரித்துள்ளனர். இவர்கள் இருவரும் 2020 ஆம் ஆண்டு நேஷ்னல் ஸ்டார்ட்அப் விருதையும் பெற்றிருந்தனர்.

பிளே ஸ்டோரில் அறிமுகப்படுத்தப்பட்டுள்ள இந்த செயலி, இந்தியர்களின் தனி நபர் தகவல் பாதுகாப்பு உத்திரவாதமானது என கூறப்படுகிறது. ஸ்வீடன் நாட்டைச் சேர்ந்த TrueCaller செயலில் இடம்பெற்றிருக்கும் வசதிகளுடன், இன்னும் சில கூடுதல் பாதுகாப்பு அம்சங்கள் சேர்க்கப்பட்டு, உருவாக்கப்பட்டுள்ளது.

இந்த செயலியை பெங்களுருவில் உள்ள இந்தியன் இன்ஸ்டிடியூட் ஆப் மேனேஜ்மென்ட்டின் முன்னாள் மாணவரான பிரஜ்வால் சின்ஹா மற்றும் குணால் பஸ்ரிச்சா ஆகியோர் இணைந்து தயாரித்துள்ளனர். இவர்கள் இருவரும் 2020 ஆம் ஆண்டு நேஷ்னல் ஸ்டார்ட்அப் விருதையும் பெற்றிருந்தனர்.

பாரத் காலர் செயலி குறித்து பேசும்போது, இந்த செயலி 50 மில்லியன் யூசர்களின் டேட்டாக்களையும், உலகளவில் ஒரு பில்லியன் நம்பர்களின் டேட்டாக்களையும் கொண்டுள்ளது. பாரத் காலர் செயலி, யூசர்களின் கால் லாக்குள் (Call Logs), தொடர்புகளை சேகரிக்காது. இதனால், தனிநபர் பிரைவசி பாதுகாக்கப்படும். இந்த நிறுவனத்தின் பணியாற்றும் ஊழியர்களிடம் மொபைல் எண்கள் மற்றும் யூசர்களின் தரவுகள் இருக்காது.

என்கிரிப்டேட் பார்மேட்டில் செயலி உருவாக்கப்பட்டிருப்பதால், இந்தியாவிற்கு வெளியே இருப்பவர்கள், பாரத் காலரில் இருக்கும் தகவல்களை பெற முடியாது. மேலும், இந்த செயலி தற்போது தமிழ், ஆங்கிலம், இந்தி மற்றும் குஜராத் உள்ளிட்ட மொழிகளிலும் சேவைகளை வழங்குமாறு வடிவமைக்கப்பட்டுள்ளது.
-
-கந்தன்ஸ்ரீ
நன்றி-தமிழ் ‘கோரா’

**ஜாஹீதாபானு** · **ஜாஹீதாபானு** Mon 6 Sep 2021 - 18:39

வந்தாச்சு Bharat Caller... இனிமேல் Truecaller-க்கு அவசியமில்லை! 3838410834

வந்தாச்சு Bharat Caller... இனிமேல் Truecaller-க்கு அவசியமில்லை! 103459460

**T.N.Balasubramanian** · **T.N.Balasubramanian** Mon 6 Sep 2021 - 18:40

நன்றி தகவலுக்கு .. நல்லது என்றால் இணைக்க வேண்டியதுதான்

**Dr.S.Soundarapandian** · **Dr.S.Soundarapandian** Mon 6 Sep 2021 - 20:58

இன்றைய டிஜிட்டல் உலகு நம்மைச் சுலபமாக ஏமாற்றக் கூடியதாக அல்லவா இருக்கிறது? செய்திகள் இதைத்தானே நமக்குக் கூறுகின்றன!

**சிவா** · **சிவா** Mon 6 Sep 2021 - 22:22

இந்தியாவில் மட்டும் தான் பயன்படுத்த முடியுமாம். இன்னும் அப்ளிகேஷன் முழுமை பெறாததல் தற்பொழுது சிறு சிறு குறைகளுடன் உள்ளது. மக்கள் அதிகமாகப் பயனபடுத்தத் துவங்கி, அதன் குறைகளை தெரியப்படுத்தும் பொழுது அனைத்தும் சரி செய்யப்பட்டு சிறந்ததாக விளங்கும் என நினைக்கிறேன்.

ஆனால் அனைத்து நாட்டினரும் பயன்படுத்தும் வகையில் இருந்தால் இன்னும் சிறப்பாக இருக்கும்.

https://bharatcallerapp.com/