Latest topics

மத்திய அரசு பணியாளர்களுக்கு கூடுதலாக 3% அகவிலைப்படி உயர்வு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

மத்திய அரசு பணியாளர்களுக்கு கூடுதலாக 3% அகவிலைப்படி உயர்வு

Post by ayyasamy ram Sun Aug 29, 2021 5:20 pm

புதுடில்லி:
மத்திய அரசு பணியாளர்களுக்கு மேலும் 3 சதவீத அகவிலைப்படி
உயர்வு அளிக்கப்பட உள்ளது. ஏற்கனவே, 28 சதவீதம் அகவிலைப்படி
(டி.ஏ.,) அளிக்கப்படும் என அறிவிக்கப்பட்டிருந்தது. தற்போது மேலும்
கூடுதலாக 3 சதவீதம் அதாவது 31 சதவீதம் அகவிலைப்படி
அளிக்கப்படும் என தெரிகிறது.
-
இதற்கு முன் 17 சதவீத அகவிலைப்படி வழங்கப்பட்டு வந்தது.
அது 28 சதவீதமாக உயர்த்தப்பட்டது. ஜூலை 2021 முதல் இது நடை
முறைப்படுத்தப்படும் என அறிவிக்கப்பட்டது. தற்போது மேலும்
கூடுதலாக 3 சதவீதம் அகவிலைப்படி வழங்கப்பட உள்ளது.
இது மத்திய அரசு பணியாளர்கள் மற்றும் ஓய்வூதியம் பெறுவோர்
அனைவருக்கும் பொருந்தும்.
-
கடந்த 2020ம் ஆண்டு ஜனவரி மாதம் அகவிலைப்படி உயர்த்தப்பட்டது.
அப்போது 4 சதவீதம் வழங்கப்பட்டது. அதைத் தொடர்ந்து ஜூன் மாதம்
3 சதவீதம் வழங்கப்பட்டது. இந்த ஆண்டு ஜனவரி மாதம் 17 சதவீத
அகவிலைப்படி அறிவிக்கப்பட்டது. அத்துடன் 11 சதவீதம் கூடுதலாக
சேர்க்கப்பட்டு 28 சதவீதம் வழங்கப்படும் என அறிவிக்கப்பட்டது.
தற்போது ஜூன் மாதம் முதல் 3 சதவீதம் கூடுதலாக வழங்கப்படும்
என மத்திய அரசு தெரிவித்துள்ளது.
-
அகவிலைப்படி உயர்வு அறிவிப்பால் மத்திய அரசு பணியாளர்கள்,
ஓய்வூதியம் பெறும் குடும்பத்தினர் மகிழ்ச்சியில் உள்ளனர்.
-
தினமலர்

ayyasamy ram: வழிநடத்துனர்; பதிவுகள் : 82741
இணைந்தது : 30/09/2013