டோக்கியோ பாராலிம்பிக்

**ayyasamy ram** · **ayyasamy ram** Thu Aug 26, 2021 6:21 am

First topic message reminder :

டோக்கியோ பாராஒலிம்பிக்; முதல் தங்கப்பதக்கத்தை ஆஸ்திரேலிய வீராங்கனை வென்றார்!

-

டோக்கியோ பாராலிம்பிக் - Page 3 202108260357379549_Tokyo-Paralympic-The-Australian-athlete-won-the-first-gold_SECVPF

-
டோக்கியோ,

மாற்றுத்திறனாளிகளுக்கான 16-வது பாராஒலிம்பிக் போட்டி
ஜப்பான் தலைநகர் டோக்கியோவில் நேற்று முன்தினம்
கோலாகலமாக தொடங்கியது.

இதில் 162 நாடுகளைச் சேர்ந்த 4,403 வீரர், வீராங்கனைகள்
பங்கேற்றுள்ளனர். முதல் நாளில் தொடக்க விழா மட்டுமே
நடந்தது.

2-வது நாளான நேற்று இந்த பாராஒலிம்பிக்கின் முதலாவது
தங்கப்பதக்கத்தை ஆஸ்திரேலிய வீராங்கனை பேஜ் கிரிகோ
சொந்தமாக்கினார். அவர் சைக்கிள் பந்தயத்தில் 3 ஆயிரம்
மீட்டர் பர்சுயிட் தனிநபர் பிரிவில் (உடல் பாதிப்பில் சி1 பிரிவு)
3 நிமிடம் 50.815 வினாடிகளில் இலக்கை கடந்து புதிய உலக
சாதனையுடன் தங்கப்பதக்கத்தை முகர்ந்தார்.

சீனாவின் வாங் ஸியாவ்மி வெள்ளிப்பதக்கமும், ஜெர்மனியின்
டெனிஸ் ஸ்சின்ட்லர் வெண்கலப்பதக்கமும் பெற்றனர்.

சைக்கிள் பந்தயத்தில் சி5 பிரிவில் 3 ஆயிரம் மீட்டர் தூரத்தை
இங்கிலாந்து வீராங்கனை சாரா ஸ்டோரி
3 நிமிடம் 27.057 வினாடிகளில் எட்டி தங்கப்பதக்கத்தை தட்டிச்
சென்றார்.

1992-ம் ஆண்டில் இருந்து பாராஒலிம்பிக்கில் பங்கேற்று வரும்
43 வயதான சாரா ஸ்டோரி ஆரம்பத்தில் நீச்சல் பந்தயத்தில்
திறமையை காட்டினார். அதன் பிறகு சைக்கிளிங் போட்டிக்கு
மாறி தொடர்ந்து கலக்கி வருகிறார். பாரா ஒலிம்பிக்கில் அவர்
ருசித்த 15-வது தங்கப்பதக்கம் இதுவாகும்.
இவர் இடது கை ஊனமானவர் என்பது குறிப்பிடத்தக்கது.

தினத்தந்தி

**ayyasamy ram** · **ayyasamy ram** Sat Sep 04, 2021 1:10 pm

டோக்கியோ பாராலிம்பிக் - Page 3 ELARGE_20210903173206453428

-
டோக்கியோ பாராலிம்பிக்கில் 100 மீட்டர் ஒட்டப்பந்தயத்தில் வென்ற
வீராங்கனைகள்
இடமிருந்து கனடா மாரிசா (வெண்கலம்) நெதர்லாந்து மர்லினா (தங்கம்)
ஜெர்மனி இர்ம்காடு (வெள்ளி)

தினமலர்

**T.N.Balasubramanian** · **T.N.Balasubramanian** Sat Sep 04, 2021 3:31 pm

தங்கம் வென்ற மனிஷ் நார்வேலுக்கு வாழ்த்துகள்.

**T.N.Balasubramanian** · **T.N.Balasubramanian** Sat Sep 04, 2021 3:44 pm

பாராலிம்பிக்ஸ்: துப்பாக்கி சுடுதலில் இந்திய வீரர் மணிஷுக்குத் தங்கம்; அதானாவுக்கு வெள்ளி
டோக்கியோ பாராலிம்பிக் - Page 3 712511

பாராலிம்பிக்ஸில் துப்பாக்கி சுடுதலில் தங்கம் வென்ற மணிஷ் நார்வால் | படம் உதவி: ட்விட்டர்.

டோக்கியோ

டோக்கியோவில் நடந்து வரும் பாராலிம்பிக்ஸ் விளையாட்டுப் போட்டியில் துப்பாக்கி சுடுதலில் இந்திய வீரர் மணிஷ் நார்வால் தங்கப் பதக்கத்தை வென்றார். சிங்ராஜ் அதானா வெள்ளிப் பதக்கத்தை வென்றார்.
இதன் மூலம் பாராலிம்பிக்ஸ் போட்டியில் இந்தியாவுக்கு 3 தங்கப் பதக்கங்கள் கிடைத்துள்ளன.
இந்தியாவுக்கு இதுவரை 14 பதக்கங்கள் கிடைத்துள்ளன. 3 தங்கம், 7 வெள்ளி, 4 வெண்கலம் என மொத்தம் 14 பதக்கங்கள் கிடைத்துள்ளன.

நன்றி தமிழ் ஹிந்து

**T.N.Balasubramanian** · **T.N.Balasubramanian** Sat Sep 04, 2021 5:35 pm

இந்தியா பாராலிம்பிக்கில் 3 தங்கம், 7 வெள்ளி, 5 வெண்கலம் என 15 பதக்கங்களுடன் 34வது இடத்தில் உள்ளது.

டோக்கியோவில் நடந்து வரும் பாராலிம்பிக்ஸ் போட்டியில் உலக நாடுகள் பல பங்கேற்று வருகின்றன. இந்த போட்டியில் இந்திய வீரர்கள், வீராங்கனைகள் பலர் பல பதக்கங்களை வென்று வருகின்றனர்.

ஆடவர் ஒற்றையர் பேட்மின்டனில் இந்தியாவின் பிரமோத் பகத் இறுதிப்போட்டிக்கு தகுதி பெற்றுள்ளார்.

ஆடவர் எஸ்.எல்.4 பிரிவு ஒற்றையர் அரையிறுதி போட்டியில் இந்தியாவின் சுஹாஸ் யாதிராஜ் வெற்றி பெற்று இறுதிப்போட்டிக்கு தகுதி பெற்றுள்ளார்.

50 மீட்டர் துப்பாக்கி சுடுதல் போட்டியின் ஒரே பிரிவில் இந்திய வீரர் மணீஷ் நர்வால் தங்க பதக்கமும், சிங்க்ராஜ் வெள்ளி பதக்கமும் வென்றுள்ளனர்.

இதன் மூலம் இந்தியா பாராலிம்பிக்கில் 3 தங்கம், 7 வெள்ளி, 5 வெண்கலம் என 15

பதக்கங்களுடன் 34வது இடத்தில் உள்ளது.
நன்றி வெப் துனியா

**ayyasamy ram** · **ayyasamy ram** Sun Sep 05, 2021 12:37 pm

நிறைவு விழாவில் அவனி லெகராவுக்கு கவுரவம்

-

டோக்கியோ பாராலிம்பிக் - Page 3 Image-174

-
தினத்தந்தி

**ayyasamy ram** · **ayyasamy ram** Sun Sep 05, 2021 1:18 pm

டோக்கியோ பாராலிம்பிக்ஸ்: பேட்மின்டனில் உ.பி ஐஏஎஸ் அதிகாரிக்கு வெள்ளிப் பதக்கம்

-

டோக்கியோ பாராலிம்பிக் - Page 3 Main-qimg-b0f796cff0312382a4554a977431366a-mzj

-
டோக்கியோ, செப்டம்பர் 5,

டோக்கியோ நகரில் நடைபெறும் பேட்மின்டன் ஆண்கள்
ஒற்றையர் போட்டியில் பிரதேச மாநில அதிகாரி
சுகாஷ் லலின் நகரே யத்திராஜ் வெள்ளிப் பதக்கம் வென்றார்.

சுகாஷ் இறுதிப்போட்டியில் பிரான்ஸ் நாட்டை சேர்ந்த
லூகாஸ் யஜுர் என்பவரிடம் தோல்வியடைந்தார்.

லூகாஸ் ஐரோப்பிய சாம்பியன்ஷிப் போட்டிகளில் மூன்று
முறை தங்கம் வென்றவர்.

அவருடன் சுகாஷ் கடுமையாகப் போராடினார் 62 நிமிடங்கள்
நடந்த ஆட்டத்தில் மிகக்குறைவான வித்தியாசத்தில் சுகாஷ்
தோற்றுப்போனார்.

உத்தரப்பிரதேச மாநிலம் நொய்டாவில் மாவட்ட
மாஜிஸ்திரேட்டாக சுகாஷ் பணிபுரிகிறார்.

தினமலர்-நெல்லை

**T.N.Balasubramanian** · **T.N.Balasubramanian** Sun Sep 05, 2021 6:25 pm

19 பதக்கங்கள் 5 தங்கம் 8 வெள்ளி 6 வெண்கலம்.

நல்ல அறுவடை. வாழ்த்துவோம் நம் வெற்றியாளர்களை.
அன்பு மலர்

**ayyasamy ram** · **ayyasamy ram** Sun Sep 05, 2021 7:14 pm

பாராலிம்பிக் 2020: 19 பதக்கங்களுடன் வரலாறு காணாத சாதனை படைத்திருக்கும் இந்தியா!

-

டோக்கியோ பாராலிம்பிக் - Page 3 Main-qimg-ac50c4cc2aebeeb40c99bf3f3719ece5

-

டோக்கியோ பாராலிம்பிக் - Page 3 Main-qimg-caa1d63397f6cb36c2b12f0a5b35505b

-

டோக்கியோ பாராலிம்பிக் - Page 3 Main-qimg-b5d214a03bb50bf65f48bf154022493e

-
டேபிள் டென்னிஸில் பவினா படேலின் போராட்டத்தோடு
தொடங்கிய இந்தியா, பிரமோத் பகத் மற்றும்
பாலக் கோலியின் போராட்டத்தோடு டோக்கியோ
பாராலிம்பிக்கை முடித்திருக்கிறது.

பாராலிம்பிக் போட்டிகள் இன்றுடன் முடிவடைகின்றன.
இந்திய வீரர்/வீராங்கனைகள் தங்களுடைய போட்டிகள்
அனைத்தையும் முடித்திருக்கின்றனர்.
இன்று மேலும் இரண்டு பதக்கங்களை வென்றிருக்கின்றனர்.

SL4 பிரிவின் இறுதிப்போட்டியில் இந்திய வீரர் சுஹாஸ் யத்திராஜ்
பிரான்ஸ் வீரர் மசூர் லூகாஸுடன் மோதியிருந்தார். முதல் செட்டை
கொஞ்சம் எளிமையாகவே 21-15 என வென்றிருந்தார் சுஹாஸ்.
ஆனால், அடுத்தடுத்த செட்களில் லூகாஸ் மீண்டு வந்து மிரட்டினார்.
சுஹாஸ் போராடி 17-21 என வீழ்ந்தார்.

முடிவை தீர்மானிக்கும் இறுதிப்போட்டியில் இருவரும் மாறி மாறி
புள்ளிகளை எடுத்ததால் ஆட்டம் பரபரப்பாக சென்றது. ஆனால்,
இந்த செட்டிலும் 15-21 என லூகாஸ் வென்றார். இதனால்
சுஹாஸ் யத்திராஜுக்கு வெள்ளிப்பதக்கமே கிடைத்தது.

SH6 பிரிவு இறுதிப்போட்டியில் இந்திய வீரர் கிருஷ்ணா நாகரும்
ஹாங்காங் வீரர் ஜூ மானும் மோதியிருந்தனர். இந்தப் போட்டியும்
மூன்றாவது செட் வரை சென்றிருந்தது. முதல் செட்டை 21-17 என
வென்றிருந்த கிருஷ்ணா மூன்றாவது செட்டையும் 21-17 என
வென்றிருந்தார். இதனால் 2-1 என போட்டியை வென்று தங்கப்
பதக்கத்தையும் வென்றார்.

பேட்மிண்டனில் மட்டும் 2 தங்கப்பதக்கங்களுடன் மொத்தமாக
4 பதக்கங்களை வென்றிருக்கிறது இந்தியா.

தனிநபர் பிரிவில் வெண்கல பதக்கத்திற்காக நடைபெற்ற
போட்டியில் இந்திய வீரர் தருண் தோல்வியை தழுவியிருந்தார்.
பிரமோத் பகத் மற்றும் பாலக் கோலி இணை ஆடிய வெண்கல
பதக்கத்திற்கான போட்டியிலும் தோல்வியே ஏற்பட்டிருந்தது.
ஆனால், இவர்கள் இருவரும் போராடிய விதம் ஊக்கம் அளிக்கக்
கூடியதாக இருந்தது.
21-23, 19-21 என நெருங்கி வந்தே தோல்வியை தழுவியிருந்தனர்.

1968 முதல் 2016 வரைக்குமே பாராலிம்பிக்கில் இந்தியா
4 தங்கங்களுடன் 12 பதக்கங்களை மட்டுமே வென்றிருந்தது.
ஆனால், இந்த டோக்கியோ பாராலிம்பிக்கில் மட்டும் 5 தங்கப்
பதக்கங்களோடு மொத்தமாக 19 பதக்கங்களை வென்றிருக்கிறது.
-
-உஸ்ரீ
நன்றி-விகடன்

**T.N.Balasubramanian** · **T.N.Balasubramanian** Sun Sep 05, 2021 10:16 pm

வென்று வருகின்ற மாற்று திறனாளிகளை மத்திய அரசும் /மாநில அரசும் சரியான வகையில்
ஊக்குவித்து அவர்கள் மேலும் பல சாதனைகளை புரிய வழிவகுக்கவேண்டும்.

இதை காணும் மற்ற மாற்று திறனாளிகளுக்கு அவர்களால் சாதிக்கமுடியும் என்கிற விளையாட்டில்
ஈடுபட்டு வெற்றி வாகை சூடவேண்டும்.

Sponsored content · Sponsored content

டோக்கியோ பாராலிம்பிக்

டோக்கியோ பாராலிம்பிக்

Re: டோக்கியோ பாராலிம்பிக்

Re: டோக்கியோ பாராலிம்பிக்

Re: டோக்கியோ பாராலிம்பிக்

Re: டோக்கியோ பாராலிம்பிக்

Re: டோக்கியோ பாராலிம்பிக்

Re: டோக்கியோ பாராலிம்பிக்

Re: டோக்கியோ பாராலிம்பிக்

Re: டோக்கியோ பாராலிம்பிக்

Re: டோக்கியோ பாராலிம்பிக்

Re: டோக்கியோ பாராலிம்பிக்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக