எம்.பி / எம்.எல்.எ மீது நிலுவையில் உள்ள வழக்குகள்.

**T.N.Balasubramanian** · **T.N.Balasubramanian** Wed Aug 25, 2021 6:46 pm

புதுடில்லி: நாடு முழுவதும் எம்.பி., - எம்.எல்.ஏ.,க்களுக்கு எதிராக தொடரப்பட்ட ஏராளமான வழக்குகள் நிலுவையில் உள்ளதால், விசாரணை அமைப்புகளுக்கு உச்ச நீதிமன்றம் கண்டனம் தெரிவித்துள்ளது.

இதுகுறித்து உச்ச நீதிமன்ற தலைமை நீதிபதி ரமணா தெரிவித்து உள்ளதாவது: எம்.பி., - எம்.எல்.ஏ.,க்களுக்கு எதிரான வழக்குகளின் விசாரணையை, சி.பி.ஐ., மற்றும் அமலாக்கப் பிரிவு போன்ற விசாரணை அமைப்புகள் மிகவும் தாமதப்படுத்துகின்றன. 10 - 15 ஆண்டுகள் வழக்குகள் நிலுவையில் உள்ளன. குற்றப் பத்திரிகைகள் தாக்கல் செய்யப்படவில்லை. அமலாக்கப் பிரிவினர், தொடர்புடைய பல வழக்குகளில் சொத்துக்களை மட்டுமே பறிமுதல் செய்துள்ளார்கள்; வேறு எதுவும் செய்யவில்லை.
மக்களுக்கு நீதி வழங்க விரைவான விசாரணைகள் தேவை. வழக்குகளை இப்படி இழுத்தடிக்காதீர்கள், குற்றப்பத்திரிகை தாக்கல் செய்யுங்கள்.இவ்வாறு அவர் தெரிவித்தார்.

அப்போது பேசிய மூத்த வழக்கறிஞர் விஜய் ஹன்சாரியா, ஒரு வழக்கு 2030ல் முடிவடையும் என எதிர்பார்ப்பதாக, விசாரணை அமைப்பு கூறிய தகவலை தெரிவித்தார். இதைக் கேட்ட நீதிபதி சந்திரசூட், 'அட கடவுளே' என, அதிருப்தி தெரிவித்தார்.

'எங்களைப் போலவே விசாரணை அமைப்புகளும், ஊழியர்களின் பற்றாக்குறையால் பாதிக்கப்படுகின்றன. ஆனால், சில வழக்குகளில் அவர்கள் சிறப்பு நடைமுறைகளை மேற்கொள்ள வேண்டும். நீதிமன்றங்கள் தொற்றுநோயால் பாதிக்கப்பட்டுள்ளன. புலனாய்வு நிறுவனங்கள் அதனால் பாதிக்கப்படவில்லை. ஏன் அவர்கள் தங்களால் முடிந்த அளவிற்கு வழக்குகளை விரைவாக விசாரிக்க முயற்சி செய்யவில்லை' என, நீதிபதிகள் கேள்வி எழுப்பினர்.

தினமலர் எம்.பி / எம்.எல்.எ மீது நிலுவையில் உள்ள வழக்குகள். 1571444738

எம்.பி / எம்.எல்.எ மீது நிலுவையில் உள்ள வழக்குகள். 1571444738

**T.N.Balasubramanian** · **T.N.Balasubramanian** Wed Aug 25, 2021 7:04 pm

தேர்தல் வழக்குகளில் குற்றவாளி என பிற்காலத்தில் நிரூபிக்கும் போது
அவர் உயிருடன் இருப்பாரா இல்லையா என்பது சந்தேகம்.
குறிப்பிட்ட ஐந்து ஆண்டுகளில் மந்திரியாகி /சட்டங்கள் இயற்றி /நடைமுறைக்கு
கொண்டு வந்து பிறகு அவர் குற்றவாளியாக முடிவாகும் போது குற்றவாளியால்
இயற்றப்பட்ட சட்டம் என பெயர் இடப்படுமா?
வழக்கு /விசாரணை 10 /15 ஆண்டுகள் போகும் என்றால் தேர்தல்களை 10/15 ஆண்டுகளுக்கு ஒரு முறை நடத்தலாமே!

இந்தியாவில் இதெல்லாம் சகஜமப்பா என்று குரல் ஒலிக்கிறது.

எம்.பி / எம்.எல்.எ மீது நிலுவையில் உள்ள வழக்குகள்.

எம்.பி / எம்.எல்.எ மீது நிலுவையில் உள்ள வழக்குகள்.

Re: எம்.பி / எம்.எல்.எ மீது நிலுவையில் உள்ள வழக்குகள்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக