ஆக.23-ல் தியேட்டர்கள்,செப்.1 முதல் பள்ளி ,கல்லூரி திறக்க தமிழக அரசு அனுமதி

**ayyasamy ram** · **ayyasamy ram** Sat Aug 21, 2021 10:44 pm

-
சென்னை:
வரும் 23 ம் தேதி முதல் 50 சதவீத பார்வையாளர்களுடன்
தியேட்டர்களும், செப்., 1 முதல் பள்ளி, கல்லூரிகள் இயங்க
அனுமதித்து தமிழக அரசு இன்று (ஆக.21) உத்தரவிட்டுள்ளது.

இது குறித்து தமிழக அரசு வெளியிட்டுள்ள செய்தி குறிப்பில்
கூறி இருப்பதாவது:

கொரோனா தொற்று பரவலை கட்டுப்படுத்தும் விதமாக
தமிழக அரசு தளர்வுகளுடன் கூடிய ஊரடங்கை அறிவித்துள்ளது.
தற்போதைய ஊரடங்கு வரும் 23ம் தேதி உடன் முடிவடைய
நிலையில் மேலும் இரண்டு வாரங்களுக்கு வரும் செப்.,6-ம் தேதி
வரையில் தளர்வுகளுடன் கூடிய ஊரடங்கை நீட்டித்துள்ளது.

இது தொடர்பாக தமிழ அரசு பிறப்பித்துள்ள உத்தரவு வருமாறு,

தளர்வுகளுடன் கூடிய ஊரடங்கின் போது, வரும் 23 ம் தேதி
முதல் 50 சதவீத பார்வையாளர்களுடன் தியேட்டர்கள் திறக்க
அனுமதிக்கப்படுகிறது.

அனைத்து கடைகளும் இரவு 10 மணி வரையில் இயங்க அனுமதி

கடற்கரைக்கு செல்ல பொதுமக்களுக்கு அனுமதி. பூங்காக்கள்
படகு இல்லங்கள் இயங்க அனுமதி கடற்கரை கடைகளின்
பணியாளர்கள் சிறுவியாபாரிகளுக்கு தடுப்பூசி செலுத்த மாவட்ட
நிர்வாகம் நடவடிக்கை எடுக்க வேண்டும்.

செப்.,1 ம் தேதி முதல் அங்கன்வாடி மையங்கள் மதிய உணவு
வழங்குவதற்கு அனுமதி.மழலையர் காப்பகங்கள் செயல்பட
அனுமதி , பொறுப்பாளர்கள், மற்றும் பணியாளர்கள் தடுப்பூசி
போடப்பட்டிருக்க வேண்டும்.

உரிய வழிகாட்டு நெறி முறைகளின் படி மதிய உணவு திட்டம்
செயல்பட அனுமதி

ஆந்திரா கர்நாடகா மாநிலங்களுக்கு பொது போக்குவரத்திற்கு
அனுமதி. நிலையான வழிகாட்டு நடைமுறைகளை பின்பற்றி
பேருந்துகளை இயக்க வேண்டும்.

தங்கும் விடுதிகள் கேளிக்கை விடுதிகளில் உள்ள மது கூடங்கள்
செயல்பட அனுமதி

செப்., 1 -ம் தேதி முதல் கல்லூரி மற்றும் அனைத்து பட்டய
படிப்புகல்லூரிகள் சுழற்சி முறையில் நேரடி வகுப்புகளுக்கு
அனுமதி

செப்., 1-ம் தேதி முதல் 9,10,11,12 ம் வகுப்புகள் சுழற்சி முறையில்
நடத்தப்படும் ஆசிரியர்கள் கட்டாயம் தடுப்பூசி செலுத்தி இருக்க
வேண்டும்.

எல்.கே.ஜி., முதல் முதல் 8 வது வரையிலான வகுப்புகளை திறப்பது
குறித்து செப்.,15 ம் தேதிக்கு பின்னர் ஆலோசித்து அறிவிக்கப்படும்.

100 சதவீத பணியாளர்களுடன் ஐ.டி., நிறுவனங்கள் செயல்பட
அனுமதிக்கப்படுகிறது. இவ்வாறு அந்த செய்திக் குறிப்பில்
தெரிவிக்கப்பட்டுள்ளது

தினமலர்

**சிவா** · **சிவா** Sun Aug 22, 2021 7:03 am

எல்.கே.ஜி., முதல் முதல் 8 வது வரையிலான வகுப்புகளை திறப்பது
குறித்து செப்.,15 ம் தேதிக்கு பின்னர் ஆலோசித்து அறிவிக்கப்படும்

என் மகளுக்கு மகிழ்ச்சியான செய்தி. பள்ளி திறக்கப்படும் என்றதும், இன்னும் கொரோனா இருக்கு.... எப்படி திறப்பாங்க என்று கேட்கிறார்!

ஆக.23-ல் தியேட்டர்கள்,செப்.1 முதல் பள்ளி ,கல்லூரி திறக்க தமிழக அரசு அனுமதி

ஆக.23-ல் தியேட்டர்கள்,செப்.1 முதல் பள்ளி ,கல்லூரி திறக்க தமிழக அரசு அனுமதி

Re: ஆக.23-ல் தியேட்டர்கள்,செப்.1 முதல் பள்ளி ,கல்லூரி திறக்க தமிழக அரசு அனுமதி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக