வரலட்சுமி விரதம்

**ayyasamy ram** · **ayyasamy ram** Thu Aug 19, 2021 7:33 pm

-
வரலட்சுமி விரதத்தைக் கடைப்பிடிக்கும் இல்லத்தில் நான்
பூரணமாக, நிலையாக தங்குவேன் என்கிறாள் லட்சுமி!

வரங்களை அளிப்பதற்காகவே திருமகள் வரலட்சுமியாக,
அள்ளிக் கொடுக்கும் வள்ளலாக, எளியோர்களின் வாழ்வரசியாக,
ஆவணி மாத பௌர்ணமிக்கு முன்பு வரும் வெள்ளிக்கிழமை
அன்று வடிவம் எடுத்தாள்.

இந்த நாளில் வரலட்சுமி தாயை மனம் குளிர்ந்து வரவேற்று
அழைக்கும் தாய்மார்களின் வீட்டுக்கு அவள் எழில் ரூபிணியாக
எழுந்தருள்வாள் என்பது ஐதீகம்.

செல்வங்களோடு 16 விதமான பேறுகளையும் அவள் அமரும்
வீடுகளில் அள்ளிக் கொடுப்பாள் என்பதும் நம்பிக்கை.
சீதாதேவி, நளாயினி, அப்சரஸ் பெண்கள், சித்திரநேமி என்ற
தேவதை, சௌராஷ்டிர அரசி சுசந்திரா, கரசந்திரிகா, சாருமதி
ஆகிய தெய்வப் பெண்கள் அனுஷ்டித்த புனித விரதம் இது.

நாளை (20-8-21) வரவிருக்கும் வரலட்சுமி விரதத்தில்
திருமகளாகவோ, அம்பிகையாகவோ ஆவாஹனம் செய்து
வணங்கலாம் என்கிறது சாஸ்திரங்கள்.
-
வரலட்சுமி விரதம் Vikatan%2F2021-08%2F550b683c-26b5-4789-8cf0-b7dea683f178%2Fvikatan_2019_08_2a9990f6_009a_4abd_8353_e701032445d9_vikatan_2F2019_05_2Fb574fec7_10db_42c4_8426_536.png?auto=format%2Ccompress&w=700&dpr=1

வரலட்சுமி விரதம் Vikatan%2F2021-08%2F550b683c-26b5-4789-8cf0-b7dea683f178%2Fvikatan_2019_08_2a9990f6_009a_4abd_8353_e701032445d9_vikatan_2F2019_05_2Fb574fec7_10db_42c4_8426_536.png?auto=format%2Ccompress&w=700&dpr=1

**ayyasamy ram** · **ayyasamy ram** Thu Aug 19, 2021 7:34 pm

-
அம்பிகையை சிலையாகவோ, படமாகவோ, கும்பமாகவோ,
மஞ்சள் பூசியோ வணங்கலாம் என்கின்றன சாஸ்திரங்கள்.
வரலட்சுமி பூஜைக்கு முதல் நாளே வீட்டை சுத்தப்படுத்தி
அலங்கரித்து வைக்க வேண்டும்.

இப்போது முக்கியமாக ஒரு கும்பத்தில் புனித நீர் நிரப்பி அதில்
மஞ்சள், சந்தனம், நாணயங்கள், ஏலக்காய், ஜாதிக்காய், லவங்கம்,
பச்சைக் கற்பூரம், வில்வம், வாசனாதி திரவியங்களைச் சேர்த்து,
அந்தக் கலசத்தை மாவிலைகளால் மூடி அதன் மேலே மஞ்சள்
பூசிய மட்டைத் தேங்காயை வைக்க வேண்டும்.

இதற்கு மாலை சூட்டி, மஞ்சள் குங்குமம் சாத்தி, சிறிய பட்டு
வஸ்திரம் சாத்தி அலங்கரிக்க வேண்டும். இதுவே திருமகளாக,
அம்பிகையாக அன்றைய நாளில் வணங்கப்படும்.

கலசம் வைக்கும் பழக்கம் இல்லாதவர்கள் பூஜை அறை நடுவீட்டில்
மஞ்சளால் வட்டமாக மெழுகி அதில் குங்குமம் வைத்து அம்மனாக
வரைந்து அதில் ஆவாஹனம் செய்வது வழக்கம்.

எதுவுமே இல்லாதவர்கள் அம்பிகை அல்லது திருமகள் படம்
அல்லது சிலை வைத்தும் பூஜிக்கலாம்.

கணவனுக்கு நீண்ட ஆயுள் வேண்டியும், குலம் தழைக்கவும்,
அஷ்ட ஐஸ்வர்யங்கள் கிடைக்கவும், கீர்த்தியும் ஆரோக்கியமும்
பெறவும், நாளை வரலட்சுமி விரதம் இருக்கும் அனைத்து
மகளிரும் எல்லா சௌபாக்கியங்களும் பெற வேண்டுகிறோம்.

மு.ஹரிகாமராஜ்
நன்றி-விகடன்

சிவனாசான் · சிவனாசான் Thu Aug 19, 2021 7:50 pm

மிகநல்லகாப்பி பலே........................பலே ...........

Sponsored content · Sponsored content

வரலட்சுமி விரதம்

வரலட்சுமி விரதம்

Re: வரலட்சுமி விரதம்

Re: வரலட்சுமி விரதம்

Re: வரலட்சுமி விரதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக