இந்த வார சினிமா செய்திகள்

by **ayyasamy ram** Mon 16 Aug 2021 - 14:03

First topic message reminder :

நிச்சயதார்த்தம் முடிந்ததும் மும்பைக்கு பறந்த நயன்தாரா!

-

இந்த வார சினிமா செய்திகள் - Page 2 202108151500372822_Nayanthara-flew-to-Mumbai-after-engagement_SECVPF

-
நயன்தாராவுக்கும், விக்னேஷ் சிவனுக்கும் கடந்த சில
வருடங்களாக காதல் இருந்து வருகிறது. இருவரும் சென்னை
எழும்பூரில் உள்ள ஆடம்பரமான சொகுசு குடியிருப்பில்
ஜோடியாக வசித்து வருகிறார்கள்.

திருமணம் செய்து கொள்ளாமலே கணவன்-மனைவி போல்
வாழ்ந்து கொண்டிருக்கிறார்கள்.

இந்த நிலையில், நயன்தாராவின் தந்தை குரியனின் உடல்நிலை
பாதிக்கப்பட்டது. அவர் படுத்த படுக்கையாக இருப்பதாக
பேசப்படுகிறது. மகள் திருமணத்தை பார்க்க அவர்
ஆசைப்படுகிறார். அதன் விளைவுதான், நிச்சயதார்த்தம்.
அந்த நிகழ்ச்சி கொச்சியில் நடந்தது.

குடும்பத்தினர் மற்றும் நெருங்கிய உறவினர்கள் மட்டும்
நிச்சயதார்த்த நிகழ்ச்சியில் கலந்து கொண்டார்கள். குரியன்
முன்னிலையில் நயன்தாராவும், விக்னேஷ் சிவனும் மோதிரம்
மாற்றிக்கொண்டார்கள்.

அப்போது இருவருக்கும் திருமண தேதி நிச்சயிக்கப்பட்டது.
அடுத்த மாதம் (செப்டம்பர்) நயன்தாரா-விக்னேஷ் சிவன்
திருமணம் நடைபெறும் என்று சினிமா வட்டாரத்தில்
பேசப்படுகிறது. ஆனால், நிச்சயதார்த்தம் முடிந்ததும்
நயன்தாரா மும்பைக்கு பறந்து விட்டார்.

ஷாருக்கான் ஜோடியாக நடிக்கும் இந்தி படப்பிடிப்பில், அவர்
கலந்து கொண்டார்.

தினத்தந்தி

by **ayyasamy ram** Tue 17 Aug 2021 - 19:10

மகிழ்ச்சியில் திளைக்கும் ஊர்வசி ரவ்துலா

-

இந்த வார சினிமா செய்திகள் - Page 2 Untitled-8-3

-
தமிழகத்தின் முன்னணி தொழிலதிபரான ‘லெஜண்ட்’
சரவணன் நடிக்கும் படத்தின் இரண்டாம் கட்டப் படப்பிடிப்பு
திட்டமிட்டபடி நடந்து முடிந்துள்ளதாக அப்படத்தின் நாயகி
ஊர்வசி ரவ்துலா தெரிவித்துள்ளார்.

இன்னும் தலைப்பு வைக்கப்படாத இந்தப் படத்தை இரட்டை
இயக்குநர்கள் ஜேடி, ஜொர்ரி இயக்கி உள்ளனர். இவர்கள்
ஏற்கெனவே ‘உல்லாசம்’, ‘விசில்’ உள்ளிட்ட படங்களை
இயக்கியுள்ளனர்.

யோகிபாபு, ரோபோ சங்கர், மயில்சாமி, பிரபு ஆகியோர்
முக்கிய கதாபாத்திரங்களில் நடிக்க, ஹாரிஸ் ஜெயராஜ்
இசையமைக்கிறார்.

நாயகனாக நடிப்பதுடன், இந்தப் படத்தை தயாரிப்பதும்
‘லெஜண்ட்’ சரவணன் தான். பெரும் தொகை கொடுத்து
இந்தி நடிகை ஊர்வசி ரவ்துலாவை நாயகியாக ஒப்பந்தம்
செய்துள்ளனர். அவரும் தன் பங்குக்கு படத்தை நன்றாக
விளம்பரப்படுத்தி வருகிறார்.

“இது நான் தமிழில் அறிமுகமாகும் படம். அதனால் மனதில்
பல்வேறு எதிர்பார்ப்புகள் உள்ளன. இரண்டாம் கட்ட படப்
பிடிப்பை வெற்றிகராக முடித்துள்ளோம். அதற்காகப் படக்
குழுவுக்கு நன்றி.

ஐந்து மொழிகளில் இந்தப் படத்தை வெளியிட உள்ளனர் என்பது
மகிழ்ச்சி அளிக்கிறது,” என சமூக வலைத்தளங்களில்
பதிவிட்டுள்ளார் ஊர்வசி ரவ்துலா.

தமிழ்முரசு-.sg

by **ayyasamy ram** Tue 17 Aug 2021 - 19:10

தெலுங்கில் அசத்தும் வரலட்சுமி

-

இந்த வார சினிமா செய்திகள் - Page 2 Varalakshmi4-1-1582980422

-
திடீரென தெலுங்குத் திரையுலகின் முன்னணி நாயகியாக உருவெடுத்துள்ளார் வரலட்சுமி சரத்குமார். அவர் நடிப்பில் வெளியான ஆறு படங்கள் வரிசையாக வெற்றி பெற்றுள்ளன.

படத்தின் வசூல் நிலவரம் தெலுங்கு திரையுலகத்தினரை ஆச்சரியப்படுத்தி உள்ளது. சூட்டோடு சூடாக தனது சம்பளத்தை உயர்த்திவிட்டார் வரலட்சுமி.

முன்பு ஐம்பது லட்சம் ரூபாய் பெற்று வந்தவர், அடுத்த படத்துக்கான சம்பளம் என குறிப்பிட்டு பத்து விரல்களை விரிக்கிறாராம். ஆனால் அதைக் கொடுக்க பல தயாரிப்பாளர்கள் முன்வந்துள்ளதாகத் தகவல்.

குறுகிய காலத்தில் தெலுங்கில் ஆறு, கன்னடத்தில் ஐந்து, மலையாளத்தில் இரண்டு என பதிமூன்று படங்களில் நடித்து முடித்திருக்கிறார் வரலட்சுமி. எனினும் தமிழில் இன்னும் பெரிதாகச் சாதிக்க முடியவில்லை என்ற ஏக்கம் உள்ளதாம்.

தற்போது, ‘பிறந்தாள் பராசக்தி,’ ‘கலர்ஸ்’ உள்ளிட்ட தமிழ்ப் படங்களில் நடித்து வருகிறார் வரலட்சுமி.

தமிழ்முரசு-.sg

by **ayyasamy ram** Wed 18 Aug 2021 - 22:27

ரஜினியின் டயலாக்கை பிடித்த சிவகார்த்திகேயன்..!

-

இந்த வார சினிமா செய்திகள் - Page 2 Image_600x460_61162be713837

-
சிவகார்த்தியேனின் புதிய படத்தை அறிமுக இயக்குநர்
அசோக் இயக்கவுள்ளார். இவர் இயக்குநர் அட்லீயிடம்
உதவி இயக்குநராக இருந்தவர்.

டி. இமான் இசையமைக்கும் இந்தப் புதிய படத்திற்கு
சூப்பர் ஸ்டார் ரஜினிகாந்த், சிவாஜி படத்தில் பேசும்
பிரபலமான பஞ்ச் டயலாக்கான சிங்க பாதை என
பெயரிடப்பட்டுள்ளது.

படத்தின் படப்பிடிப்பு விரைவில் துவங்கவுள்ள நிலையில்,
இதில் நடிக்கவிருக்கும் பிற நடிகர், நடிகைகள் குறித்த
விவரம் விரைவில் வெளியாகும் என எதிர்பார்க்கப்
படுகிறது.

மாலைமுரசு

by **ayyasamy ram** Thu 19 Aug 2021 - 13:19

பொன்னியின் செல்வன் படப்படிப்பு…

-

இந்த வார சினிமா செய்திகள் - Page 2 Image-329

-
தினத்தந்தி

by **ayyasamy ram** Thu 19 Aug 2021 - 16:30

மல்லிகைப்பூ கிரீடம் அணிந்த ராஷ்மிகா

-

இந்த வார சினிமா செய்திகள் - Page 2 202108180905312876_Viral-photo-Rashmika-wearing-jasmine-crown_SECVPF

-
தமிழில் கார்த்தி ஜோடியாக சுல்தான் படத்தில் நடித்து
பிரபலமான ராஷ்மிகா தெலுங்கிலும் அதிக படங்களில் நடித்து
முன்னணி நடிகையாக இருக்கிறார்.

தென்னிந்திய கதாநாயகிகளில் அதிக இளைஞர்களுக்கு பிடித்த
நடிகையாகவும் மாறி இருக்கிறார்.

சமீபத்தில் இன்ஸ்டாகிராம் பக்கத்தில் பின் தொடர்வோர்
எண்ணிக்கையில் 2 கோடி பேரை பெற்று முதல் இடம் பிடித்ததை
அவரது ரசிகர்கள் கொண்டாடினார்கள். இந்த நிலையில் ராஷ்மிகா
சேலை அணிந்து தலையில் மல்லிகைப்பூ கிரீடம் சூட்டிய புதிய
புகைப்படத்தை வெளியிட்டு இருக்கிறார்.

அதில் ராஷ்மிகா அழகாக இருப்பதாக பாராட்டிய ரசிகர்கள்
புகைப்படத்தை சமூக வலைத்தளத்தில் வைரலாக்கி வருகிறார்கள்.

மாலைமலர்