ஜம்புலிங்கமே ஜடாதரா ஜோதிலிங்கமே அரோகரா

காசேதான் கடவுளடா.!

தமிழ் சினிமாவில் 1972ஆம் ஆண்டில் வெளியாகி வெற்றிகரமாக ஓடிய காமெடி படம் ‘காசேதான் கடவுளடா’. இதில் முத்துராமன், ஸ்ரீகாந்த், தேங்காய் சீனிவாசன், வெண்ணிற ஆடை மூர்த்தி, லட்சுமி, மனோரமா ஆகியோர் நடித்திருந்தார்கள்.

பெரும் நடிகர்களான எம்.ஜி.ஆர்., சிவாஜி கால கட்டத்தில் இருந்த சிறிய நடிகர்கள் மற்றும் காமெடியர்களை வைத்து எடுக்கப்பட்ட இப்படம் வசூலில் சாதனை படைத்தது.

இப்படத்தை ஏ.வி.எம். நிறுவனம் தயாரித்திருந்தது.


இப்படத்தில் வரும் ‘ஜம்புலிங்கமே ஜடாதரா ஜோதிலிங்கமே அரோகரா’ என்ற பாடல் இன்று வரை பிரபலமாக இருக்கின்ற ஒரு பக்திப்பாடல்.

ஒரு பக்திப்பாடலை யாருடைய மனதையும் புண்படுத்தாமலும் அதன் புனிதம் குலையாமலும் அதே நேரத்தில் கேட்பவர்கள் அதை ரசிக்கும்படியாக பாடலை அமைக்க‍ முடியுமா என்ற கேள்விக்கு பதிலாக கீழுள்ள‍ பாடலே சான்று!

இதோ அந்த நகைச்சுவை கலந்த பக்திப்பாடல்…

ஜம்புலிங்கமே ஜடாதரா ஜோதிலிங்கமே அரோகரா
ஜம்புலிங்கமே ஜடாதரா ஜோதிலிங்கமே அரோகரா
வாயுலிங்கமே அடா புடா பஞ்சலிங்கமே மடா படா
வாயுலிங்கமே சதாசிவா பஞ்சலிங்கமே மகாதேவா
ஜம்புலிங்கமே ஜடாதரா ஜோதிலிங்கமே அரோகரா

காலனை உதைத்த என்னப்பனே – உன்னை
காலால் உதைத்தான் கண்ணப்பனே… ஏ..ஏ… மகாதேவா
காலனை உதைத்த என்னப்பனே – உன்னை
காலால் உதைத்தான் கண்ணப்பனே

அதே அதே சபாபதே அதே அதே சபாபதே

பாம்பை அடிக்கும் ஆண்டவனே.. (அடேய்)
பம்பை அடிக்கும் ஆண்டவனே
உன்னை பிரம்பால் அடித்தான் பாண்டியனே
பம்பை அடிக்கும் ஆண்டவனே
உன்னை பிரம்பால் அடித்தான் பாண்டியனே

அதே அதே சபாபதே அதே அதே சபாபதே

சைவப்பொருளாய் இருப்பவனே…. ஏ..ஏ…
சைவப்பொருளாய் இருப்பவனே
அன்று ஓட்டல் கறியை கேட்டவனே
பிள்ளைக்கறியை கேட்டவனே…

அதே அதே சபாபதே அதே அதே சபாபதே

காட்சி பொருளாய் நின்றவனே
அன்று சாட்சியை சொல்ல வந்தவனே

அதே அதே சபாபதே அதே அதே சபாபதே

ஜம்புலிங்கமே ஜடாதரா ஜோதிலிங்கமே அரோகரா
ஹர ஹர சிவ சிவ அரோகரா…

மகனிடம் பாடம் படித்தவனே
அன்று காமனை கண்ணால் எரித்தவனே..ஏ..ஏ..
மகனிடம் பாடம் படித்தவனே
அன்று காமனை கண்ணால் எரித்தவனே

மல கசாயத்தை குடித்தவனே….
மகா விஷத்தை குடித்தவனே
தில்லை வெளியில் ஆடி முடித்தவனே
ஆனை முகத்தில் ஒரு பிள்ளை
இன்னும் ஆறு முகத்தில் ஒரு பிள்ளை
ஆனை முகத்தில் ஒரு பிள்ளை
இன்னும் ஆறு முகத்தில் ஒரு பிள்ளை
நானும் கூட உன்பிள்ளை
ஒரு ஞானம் இல்லாத சிறுபிள்ளை
ஒரு ஞானம் இல்லாத சிறுபிள்ளை

ஜம்புலிங்கமே ஜடாதரா ஜோதிலிங்கமே அரோகரா
வாயுலிங்கமே அடா புடா பஞ்சலிங்கமே மடா படா
வாயுலிங்கமே சதாசிவா பஞ்சலிங்கமே மகாதேவா
ஜம்புலிங்கமே ஜடாதரா ஜோதிலிங்கமே அரோகரா