அதிமுக அவைத்தலைவர் மதுசூதனன் காலமானார்

**ayyasamy ram** · **ayyasamy ram** Thu Aug 05, 2021 8:16 pm

சென்னை: உடல் நலக்குறைவால் சென்னை அப்பல்லோ மருத்துவமனையில் சிகிச்சை பெற்றுவந்த அதிமுக அவைத்தலைவர் மதுசூதனன் இன்று (ஆக.,5) காலமானார். அவருக்கு வயது 80.

அதிமுகவில் தற்போது அவைத்தலைவராக உள்ள மூத்த தலைவர் மதுசூதனன். கடந்த சில ஆண்டுகளாக உடல் நலக்குறைவால் அவ்வபோது சிகிச்சை பெற்றுவந்துள்ளார். இந்நிலையில் கடந்த ஜூலை மாதம் மதுசூதனனுக்கு, திடீரென மூச்சுத்திணறல் பிரச்னையை ஏற்பட்டது. இதையடுத்து அவர் சிகிச்சைக்காக சென்னை ஆயிரம் விளக்கு பகுதியிலுள்ள அப்பல்லோ மருத்துவமனையில் ஜூலை 18-ம் தேதி அனுமதிக்கப்பட்டார். அவரது உடல்நிலை மேலும் மோசமானதுடன், வென்டிலேட்டர் உதவியுடனும் தொடர்ந்து சிகிச்சை அளிக்கப்பட்டது.

இந்நிலையில் சிகிச்சை பலனின்றி உடல்நலக்குறைவால் இன்று மாலை காலமானார். அவருக்கு அதிமுக எம்எல்ஏ.,க்கள், எம்.பி.,க்கள் மற்றும் தொண்டர்கள் இரங்கல் தெரிவித்து வருகின்றனர்.

கடந்த 2007 ம் ஆண்டு முதல் அதிமுக அவைத்தலைவராக மதுசூதனன் செயல்பட்டு வருகிறார். அவர் இருக்கும் வரை அவர் தான் அவைத்தலைவர் என, முன்னாள் முதல்வர் ஜெயலலிதா அறிவித்திருந்தார். அதன்படி அவைத்தலைவர் மாற்றப்படவில்லை. கடந்த 1991ல் நடந்த சட்டசபை தேர்தலில் ஆர்கே நகர் தொகுதியில் வெற்றி பெற்ற மதுசூதனன், அப்போதைய ஜெயலலிதா அமைச்சரவையில் கைத்தறி மற்றும் ஜவுளித்துறை அமைச்சராக பணியாற்றினார்.

கடந்த 2017 ம் ஆண்டு, அதிமுக இரண்டாக பிரிந்த போது, பன்னீர்செல்வத்திற்கு ஆதரவாக இருந்தார். இரு அணிகள் இணைந்த போது, அதிமுக சின்னத்தை மதுசூதனனிடம் தேர்தல் ஆணையம் வழங்கியது குறிப்பிடத்தக்கது.

**T.N.Balasubramanian** · **T.N.Balasubramanian** Thu Aug 05, 2021 9:02 pm

அதிமுகவிற்கு மேலும் ஒரு இழப்பு

அதிமுக அவைத்தலைவர் மதுசூதனன் காலமானார்

அதிமுக அவைத்தலைவர் மதுசூதனன் காலமானார்

Re: அதிமுக அவைத்தலைவர் மதுசூதனன் காலமானார்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக