பள்ளித்தலைமையாசிரியருடன் ஓடிய மாணவி நீதிபதியிடம் ரகசிய வாக்குமூலம்

rikniz · rikniz Sun 17 Jan 2010 - 19:12

சென்னையில் பள்ளித்தலைமையாசிரியருடன் மாயமான பிளஸ்2 மாணவி இன்று நீதிபதியிடம் ரகசிய வாக்குமூலம் கொடுத்துள்ளார்.
கொடுங்கையூர் எத்திராஜ் சாமி சாலையில் தனியார் பள்ளியில் தலைமையாசிரியராக இருப்பவர் எம்கேபி நகர் 10வது தெருவை சேர்ந்த அமலன் (45). இவரது மனைவி சகாயமேரியும் அதே பள்ளியில் ஆசிரியை.

இங்கு பிளஸ் 2 படிக்கும் மாணவி ஒருவர் 3 மாதத்துக்கு முன்பு அமலன் வீட்டுக்கு டியூஷனுக்கு சென்றார். அப்போது, இருவருக்கும் பழக்கம் ஏற்பட்டு காதலாக மாறியது.

இந்நிலையில், கடந்த 7ம் தேதி மாலை டியூஷனுக்கு போவதாக வீட்டில் கூறிவிட்டு வந்த மாணவி வீடு திரும்பவில்லை. மாணவியின் தந்தைக்கு போன் செய்த அமலன், ‘உங்க பெண்ணை நான் திருமணம் செய்துகொள்கிறேன்’ என்று கூறினார்.

இதுகுறித்து அவர் கொடுங்கையூர் போலீசில் புகார் செய்தார். இதற்கிடையே, கணவரை காணவில்லை என எம்கேபி நகர் போலீசில் சகாயமேரி புகார் செய்திருந்தார். இரண்டு போலீஸ் நிலையங்களிலும் வழக்கு பதிவு செய்த போலீசார் காணாமல் போன தலைமையாசிரியரையும், பிளஸ் 2 மாணவியையும் தேடினர்.

அமலன் மாணவியுடன் புதுச்சேரியில் பதுங்கி இருப்பதாக கிடைத்த தகவலையடுத்து, போலீசார் புதுச்சேரி விரைந்தனர். அங்கு அமலனின் உறவினர் மற்றும் நண்பர் வீடுகளில் தேடினர். இந்நிலையில் நேற்று முன்தினம் இரவு 12 மணிக்கு மாயமான மாணவி, தனது வீட்டுக்கு வந்தார்.

தகவல் அறிந்த போலீசார் அந்தப் பெண்ணை போலீஸ் நிலையம் அழைத்து வந்து விசாரித்ததில், அமலன் தன்னை வேளாங்கண்ணிக்கு அழைத்துச் சென்றதாகவும், வீட்டுக்குப் போக வேண்டும் என்று வற்புறுத்தியதால் மாதவரம் போஸ்ட் ஆபிஸ் அருகே விட்டுச் சென்றதாகவும் கூறினார்.

இதையடுத்து போலீசார் அந்த மாணவியை எழும்பூர் நீதிமன்றத்தில் ஆஜர்படுத்தினர். மாணவி, மாஜிஸ்திரேட்டிடம் ரகசிய வாக்குமூலம் கொடுத்தார். பின்னர், ராயபுரம் ஆர்.எஸ்.ஆர்.எம் மருத்துவமனையில் பரிசோதனைக்காக மாணவி அனுப்பப்பட்டார்.

தலைமையாசிரியர் அமலன் செங்கல்பட்டில் பதுங்கி இருப்பதாக கிடைத்த தகவலையடுத்து, போலீசார் அங்கு விரைந்துள்ளனர்.