108 ஆண்டுக்கு பின் அதிசய நிகழ்வாக கங்கண சூரிய கிரகணம்

சூரிய கிரகணம் நிகழ்ச்சியை கன்னியாகுமரியில் இன்று ஆயிரக்கணக்கான மக்கள் கண்டு ரசித்தனர். நாடு முழுவதும் இருந்து விஞ்ஞானிகள், மாணவர்கள் 1000 பேர் கன்னியாகுமரியில் குவிந்துள்ளனர்.
சந்திரன் புவியை ஒரு நீள்வட்ட பாதையில் சுற்றுகிறது. இதனால் புவிக்கும், நிலவுக்கும் உள்ள தொலைவு 4 லட்சம் கி.மீ வரை மாறுபடுகிறது. வெகுதொலைவில் நிலவு இருக்கும்போது அதன் தோற்ற அளவு சூரியனின் தோற்ற அளவைவிட சற்று சிறியதாக இருக்கும். எனவே அப்போது கிர கணம் நேர்ந்தால் சூரியனை சந்திரனால் முழுமையாக மறைக்க இயலாது. ஒரு கங்கணம் (வளையம்) போல சூரிய னின் வெளிவிழிம்பு அதிக பட்ச கிரகணத்தின்போது வெளியே தெரியும். எனவே இதனை கங்கண சூரியகிரகணம் என்கி றோம். அதுபோன்ற ஒரு கங்கண சூரியகிரகணம் இன்று (15ம் தேதி) நிகழ்ந்தது.

இந்திய நேரப்படி இன்று (15ம் தேதி) காலை 10.44 மணிக்கு மத்திய ஆப்ரிக்காவில் துவங்கி 2.29 மணிக்கு சீனாவில் முடிவடைந்தது. அதிக பட்ச சூரியகிரகணம் உல கெங்கும் 12.36க்கு நிகழ்ந் தது என்று விஞ்ஞானிகள் தெரிவித்தனர்.

தமிழகத்தில் கன்னியா குமரி, நாகர்கோவில், திருநெல்வேலி, தென்காசி, தூத்துக்குடி, ராமேஸ்வரம், மதுரை, ராஜபாளையம், பரமக்குடி, சிவகங்கை, காரைக்குடி, புதுக் கோட்டை, பட்டுக் கோட்டை, வேதாரண்யம், நாகபட்டினம், தஞ்சாவூர், கும்பகோணம், மயிலாடு துறை மற்றும் சிதம்பரம் ஆகிய பகுதிகளில் கிர கணம் தெரிந்தது. சென்னையில் 82.33 சதவீதம் வரை சூரியனை சந்திரன் மறைத்து செல்லும்.

சென்னையில் கிர கணம் 11.25 மணிக்கு துவங்கி 3.15 மணி வரை நீடிக்கிறது. அதிகபட்ச கிரகணம் 1.30க்கு நிகழ்ந்த தாக ஆராய்ச்சியாளர்கள் தெரிவித்தனர். கன்னியா குமரியில் காலை 11.06க்கு துவங்கி மாலை 3.05 வரை நீடிக்கிறது. இதில் முழு கங்கண சூரியகிரகணம் பகல் 1.10 முதல் துவங்கி அதிகபட்சம் 9 நிமிடங்கள் 58 வினாடிகள் வரை நீடித்ததாக ஆராய்ச்சியா ளர்கள் தெரிவித்தனர். இந்தியாவில் வேறு எங்கும் இவ்வளவு நேரம் தெரிந்தி ருக்க வாய்ப்பு இல்லை என்றும் தெரிவித்தனர்