யூரோ கோப்பை கால்பந்து- டென்மார்க்கை வீழ்த்தி இறுதிப்போட்டிக்கு நுழைந்தது இங்கிலாந்து

**ayyasamy ram** · **ayyasamy ram** Thu Jul 08, 2021 5:36 pm

-
வெற்றியை கொண்டாடும் இங்கிலாந்து வீரர்கள்
-------------------------
லண்டன்:

ஐரோப்பிய கால்பந்து சாம்பியன்ஷிப் (யூரோ) போட்டி
விறுவிறுப்பான இறுதிக்கட்டத்தை எட்டியிருக்கிறது.
நேற்று லண்டனில் நடந்த முதலாவது அரையிறுதிப்
போட்டியில் உலக தரவரிசையில் 7-வது இடத்தில்
உள்ள இத்தாலி, 6-வது இடத்தில் இருக்கும் ஸ்பெயினை
வீழ்த்தி இறுதிப்போட்டிக்கு முன்னேறியது.

இந்நிலையில், இன்று இரண்டாவது அரையிறுதி ஆட்டம்
நடைபெற்றது. இதில், இங்கிலாந்து-டென்மார்க் அணிகள்
பலப்பரீட்சை நடத்தின.

துவக்கம் முதலே இரு அணிகளும் சம பலத்துடன் ஆடியதால்
ஆட்டம் விறுவிறுப்பாக இருந்தது. ஆட்டநேர முடிவில் இரு
அணிகளும் தலா ஒரு கோலுடன் சமநிலையில் இருந்தன.

இதனால் கூடுதலாக 30 நிமிடங்கள் ஒதுக்கப்பட்டது.
அதில் பெனால்டி கிக்கை டென்மார்க் கோல் கீப்பர் தடுக்க
முயன்றபோது, திரும்பி வந்த பந்தை இங்கிலாந்தின்
ஹாரி கேன் கோலாக மாற்றினார்.

எனவே, 2-1 என்ற கோல் கணக்கில் இங்கிலாந்து வெற்றி பெற்றது.
இதன்மூலம், 55 ஆண்டுகளுக்குப் பிறகு மிகப்பெரிய கால்பந்து
தொடரின் இறுதிச் சுற்றுக்குள் நுழைந்துள்ளது.
இந்த வெற்றியை இங்கிலாந்து ரசிகர்கள் கொண்டாடி வருகின்றனர்.

ஐரோப்பிய கால்பந்து சாம்பியன்ஷிப் கோப்பைக்கான இறுதிப்
போட்டி 12ம் தேதி நடைபெறுகிறது. இதில், இத்தாலி, இங்கிலாந்து
அணிகள் மோதுகின்றன.

மாலைமலர்

**சிவா** · **சிவா** Thu Jul 08, 2021 6:35 pm

டென்மார்க் மிக அருமையான ஆட்டத்தை வெளிப்படுத்தியது, ஆனால் அதிஷ்டம் இங்கிலாந்தை வெற்றி பெற வைத்துள்ளது...

இந்த பதிவைத் துவங்கியவர் நன்றி கூறியுள்ளார் சிவா

**T.N.Balasubramanian** · **T.N.Balasubramanian** Fri Jul 09, 2021 5:54 pm

கால் பந்தாட்டம் பார்ப்பதில்லை.
கிரிக்கெட் /டென்னிஸ் பார்க்கப்பிடிக்கும்.
கிரிக்கெட்டிலோ /டென்னிஸிலோ அம்பயர் / சேர் அம்பயர்களுக்கு
ஓடும் அவசியம் இருக்காது.
ஆனால் கால் பந்தாட்டத்தில் ரேஃப்ரீ ஒடித்தான் ஆகணும் .
பாவம். சோகம்

**சிவா** · **சிவா** Fri Jul 09, 2021 7:40 pm

T.N.Balasubramanian wrote:கால் பந்தாட்டம் பார்ப்பதில்லை.
கிரிக்கெட் /டென்னிஸ் பார்க்கப்பிடிக்கும்.
கிரிக்கெட்டிலோ /டென்னிஸிலோ அம்பயர் / சேர் அம்பயர்களுக்கு
ஓடும் அவசியம் இருக்காது.
ஆனால் கால் பந்தாட்டத்தில் ரேஃப்ரீ ஒடித்தான் ஆகணும் .
பாவம்.

மேற்கோள் செய்த பதிவு: 1348134

காற்பந்து பார்க்கத் துவங்கிவிட்டால் அதன்பிறகு கிரிக்கெட்டை திரும்பிக்கூடப் பார்க்க மாட்டீர்கள்!

வளர்ந்த நாடுகள் அனைத்திலும் காற்பந்து மட்டும் தான் பிரபலமாக இருக்கும், வளராத அதாவது அதிகமான மக்கள் வேலைக்குப் போகாத நாடுகள் அனைத்திலும் கிரிக்கெட் பிரபலமாக இருக்கும்.

கிரிக்கெட் ஒளிபரப்பப்பட்டால் ஒரு ஓவருக்கு ஒருமுறை விளம்பரங்களை ஒளிபரப்பி பணம் அள்ளலாம், ஆனால் காற்பந்தில் முதல் 45 நிமிடங்களுக்கு விளம்பரம் செய்ய முடியாது, இரண்டாவது 45 நிமிடம் முடிந்ததும் விளையாட்டு முடிவு பெற்றுவிடும். எனவே தான் இந்திய ஊடகங்கள் கிரிக்கெட்டை தாங்கிப் பிடித்து தேசிய விளையாட்டான ஹாக்கியைக் கூட பின்னுக்குத் தள்ளி விட்டது.

**T.N.Balasubramanian** · **T.N.Balasubramanian** Fri Jul 09, 2021 9:18 pm

நீங்கள் சொல்வதை ஒத்துக்கொள்கிறேன்.
மேலை நாடுகளில் கால் பந்து மோகம் அதிகம்.
டல்லாஸ் ஸில் AT &T ஸ்டேடியத்தில் பெரிய திரையில்
யூரோ இறுதி ஆட்டத்தை 2017 இல் பெரிய திரையில் live ஆக
பார்ததுஉண்டு..எவ்வளவு பெரிய ஸ்டேடியம்.
அதை பார்க்க வந்த கூட்டம் ..அப்பப்ப.
கிரிக்கெட் வீரர்களை விட அதிக வருமானம் வரும் என்று மகன் கூறினான்.

கால்பந்து நகைச்சுவை ஒன்று கூறட்டுமா?

கால்பந்து போட்டி நடந்து கொண்டு இருக்கிறது.
கடைசி 10 நிமிடங்கள்தான் இருக்கின்றன.
ஒரு பெண்மணி காலியாக இருந்த இடத்தில அமர்ந்து
பக்கத்தில் இருந்தவரிடம் ஸ்கோர் என்ன என்று கேட்கிறார்,
அவரும் 0-0 என்கிறார்.
அதற்கு அந்த பெண்மணி 0-0 தானா?
அப்பிடி என்றால் நான் அதிகம் மிஸ் பண்ணவில்லை.

**சிவா** · **சிவா** Fri Jul 09, 2021 10:21 pm

T.N.Balasubramanian wrote:கால்பந்து போட்டி நடந்து கொண்டு இருக்கிறது.
கடைசி 10 நிமிடங்கள்தான் இருக்கின்றன.
ஒரு பெண்மணி காலியாக இருந்த இடத்தில அமர்ந்து
பக்கத்தில் இருந்தவரிடம் ஸ்கோர் என்ன என்று கேட்கிறார்,
அவரும் 0-0 என்கிறார்.
அதற்கு அந்த பெண்மணி 0-0 தானா?
அப்பிடி என்றால் நான் அதிகம் மிஸ் பண்ணவில்லை.

ஹா ஹா ஹா... அருமை...!

Sponsored content · Sponsored content

யூரோ கோப்பை கால்பந்து- டென்மார்க்கை வீழ்த்தி இறுதிப்போட்டிக்கு நுழைந்தது இங்கிலாந்து

யூரோ கோப்பை கால்பந்து- டென்மார்க்கை வீழ்த்தி இறுதிப்போட்டிக்கு நுழைந்தது இங்கிலாந்து

Re: யூரோ கோப்பை கால்பந்து- டென்மார்க்கை வீழ்த்தி இறுதிப்போட்டிக்கு நுழைந்தது இங்கிலாந்து

Re: யூரோ கோப்பை கால்பந்து- டென்மார்க்கை வீழ்த்தி இறுதிப்போட்டிக்கு நுழைந்தது இங்கிலாந்து

Re: யூரோ கோப்பை கால்பந்து- டென்மார்க்கை வீழ்த்தி இறுதிப்போட்டிக்கு நுழைந்தது இங்கிலாந்து

Re: யூரோ கோப்பை கால்பந்து- டென்மார்க்கை வீழ்த்தி இறுதிப்போட்டிக்கு நுழைந்தது இங்கிலாந்து

Re: யூரோ கோப்பை கால்பந்து- டென்மார்க்கை வீழ்த்தி இறுதிப்போட்டிக்கு நுழைந்தது இங்கிலாந்து

Re: யூரோ கோப்பை கால்பந்து- டென்மார்க்கை வீழ்த்தி இறுதிப்போட்டிக்கு நுழைந்தது இங்கிலாந்து

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக