இயற்கை விவசாய ஆட்களை கிண்டல் செய்றேனா... இதான்.

**ayyasamy ram** · **ayyasamy ram** Fri 9 Jul 2021 - 13:05

@Vinayaga Murugan -
நான் ஏன் இந்த இயற்கை விவசாய ஆட்களை கிண்டல்
செய்றேனா... இதான்.

ஆறேழு வருடங்கள் முன்பு ஐடி வேலையை விட்டுட்டு
ஆர்கானிக் விவசாயம் செய்யப்போறேன்னு ஒரு நண்பர்
போனார். நான் கொஞ்சம் ஏமாந்திருந்தால் என்னையும்
வேலையை விடவைத்து அதில் கோர்த்துவிட்டிருப்பார்.

திருவள்ளூர் தாண்டி செம்மண் நிலம் வாங்கிப்போட்டு
ஆர்கானிக் விவசாயத்துடன் கூடவே பரண்மேல ஆட்டுப்
பண்ணை வைத்தார். பரண்மேல ஆட்டுப்பண்ணை
வைப்பதால் தினமும் கூட்டிப் பெருக்க வேண்டாம். வாரம்
ஒருமுறை கூட்டலாம். ஆடுகளும் வரிசையாக ஐடி
கம்பெனிபோல அதனதன் கேபினில் உட்கார்ந்திருக்கும்.
வேலைப்பளு இல்லை என்று ஏழு லட்சம் செலவு செய்து
பரண்போட்டார்.

பக்கத்தில் அரை ஏக்கருக்கு வேலிமசால் போட்டார்.
இரண்டு வருடம் கழித்து ஆர்கானிக் முறையில் லாபம்
இல்லை. பூச்சி நிறைய வருதுன்னு ஆர்கானிக்கை கைவிட்டு
சாதாரண விவசாயத்துக்கு மாறினார்.

காலை போன் செய்து விசாரித்ததில் கோவிட்டுக்குப் பிறகு
ஆட்கள் வேலைக்கு வரமாட்டேங்கிறாங்க. நானே எல்லா
வேலையும் செய்யவேண்டி இருக்கு. மனைவி, பிள்ளைகளைக்
கூப்பிட்டால் உதவிக்கு வரமாட்டேங்கிறாங்க.
இதுக்கு பேசாம ஐடி வேலையியிலேயே இருந்திருக்கலாம்
என்று புலம்புறார்.

என்னங்க செய்றது? நாம வளர்க்குற ஆடு, மாடு எல்லாம்
அதுங்களே ஓரமா போய் சாணியைப் போட்டுட்டு அதுங்களே
தண்ணியை ஊற்றி குளிச்சு சுத்தமா பால்கறந்துட்டு வேளைக்கு
தீவனம் சாப்பிட்டு மாசமானா அதுங்களே இறைச்சிக்கடைக்கு
போய் வெட்டுவாங்கிட்டு நம்ம கூகிள் பேவுக்கு பணத்தை
மட்டும் அனுப்பி வச்சா நல்லாத்தான் இருக்கும்.
ஆனா, இயற்கை அப்படி படைக்கலையேன்னு சொன்னேன்.

-குங்குமம்

**krishnaamma** · **krishnaamma** Fri 9 Jul 2021 - 21:56

**Dr.S.Soundarapandian** · **Dr.S.Soundarapandian** Fri 9 Jul 2021 - 22:20

பொதுவாகச் சில , சிலருக்குத்தான் ஒத்துவரும்!
‘கடை வைத்துச் சம்பாதிக்கலாம்’ என்பது பொதுவான சொல்! ஆனால் , கடை வைத்துப் பார்த்தால்தான் தெரியும்!
இதுபோன்றே, மாடு வளர்ப்பு, இயற்கை வேளாண்மை எல்லாம் எல்லோருக்கும் ஒத்துவராது! நமக்கு எது ஒத்துவரும் என்று பார்த்து அதில் இறங்கவேண்டும்!
எனவே ‘இயற்கை வேளாண்மை கூடாது’ என்று ஒருதலையாக நினைத்துவிட வேண்டாம்!

**krishnaamma** · **krishnaamma** Fri 9 Jul 2021 - 22:42

Dr.S.Soundarapandian wrote:பொதுவாகச் சில , சிலருக்குத்தான் ஒத்துவரும்!
‘கடை வைத்துச் சம்பாதிக்கலாம்’ என்பது பொதுவான சொல்! ஆனால் , கடை வைத்துப் பார்த்தால்தான் தெரியும்!
இதுபோன்றே, மாடு வளர்ப்பு, இயற்கை வேளாண்மை எல்லாம் எல்லோருக்கும் ஒத்துவராது! நமக்கு எது ஒத்துவரும் என்று பார்த்து அதில் இறங்கவேண்டும்!
எனவே ‘இயற்கை வேளாண்மை கூடாது’ என்று ஒருதலையாக நினைத்துவிட வேண்டாம்!

மேற்கோள் செய்த பதிவு: 1348171

உண்மை ஐயா.... ‘இயற்கை வேளாண்மை" தானே நம்முடைய பாரம்பரிய முறை.... நீங்கள் சொல்வது போல யார் யார் எதை செய்ய வேண்டும் என்று ஒரு நியதி உள்ளதே .... ஒரு வேலை என்றால் அதன் நெளிவு சுளிவுகள் தெரியவேண்டுமே புன்னகை

**T.N.Balasubramanian** · **T.N.Balasubramanian** Fri 9 Jul 2021 - 22:50

முனைவர் அவர்களின் கருத்துடன் இணைகிறேன்.

@Dr.S.Soundarapandian

Sponsored content · Sponsored content

இயற்கை விவசாய ஆட்களை கிண்டல் செய்றேனா... இதான்.

இயற்கை விவசாய ஆட்களை கிண்டல் செய்றேனா... இதான்.

Re: இயற்கை விவசாய ஆட்களை கிண்டல் செய்றேனா... இதான்.

Re: இயற்கை விவசாய ஆட்களை கிண்டல் செய்றேனா... இதான்.

Re: இயற்கை விவசாய ஆட்களை கிண்டல் செய்றேனா... இதான்.

Re: இயற்கை விவசாய ஆட்களை கிண்டல் செய்றேனா... இதான்.

Re: இயற்கை விவசாய ஆட்களை கிண்டல் செய்றேனா... இதான்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக