தெலுங்கானாவில் புதுக்கட்சி துவக்கினார் ஷர்மிளா: ''ராஜண்ணா ராஜ்யம்'' அமைப்பேன் என சபதம்

-
ஐதராபாத்:
ஆந்திர முதல்வர் ஜெகன்மோகன் ரெட்டியின் இளைய சகோதரி
ஷர்மிளா,47 நேற்று ''ஓய்.எஸ்.ஆர்., தெலுங்கானா'' கட்சி
(ஓய்.எஸ்.ஆர்.டி.பி) என்ற புதிய அரசியல் கட்சியை துவக்கினார்.

தெலுங்கானாவில் ''ராஜண்ணா ராஜ்யம்'' அமைப்பேன் எனவும்
சூளுரைத்தார்.

ஆந்திரா முன்னாள் காங்.,முதல்வர் ராஜசேகர ரெட்டி மறைவுக்குப்
பின், அவரது மகன் ஜெகன் மோகன்ரெட்டி காங்கிரசில் இருந்து
பிரிந்து, ஒய்.எஸ்.ஆர்., - காங்., என்ற புதிய கட்சியை துவக்கினார்.

2019ல் பார்லி. லோக்சபா தேர்தலுடன் ஆந்திர சட்டசபைக்கும் நடந்த
தேர்தலில், ஓய்.எஸ்.ஆர். கட்சி பெரும்பான்மை பெற்றது.
ஜெகன் மோகன் முதல்வரானார். அந்த தேர்தலில், ஜெகன்மோகனின்
தங்கை ஷர்மிளா, 47 தீவிர பிரசாரத்தில் ஈடுபட்டார் .

இதையடுத்து ஷர்மிளா தீவிர அரசியலில் ஈடுபடப் போவதாகவும்
தெலுங்கானா மாநிலத்தில் புதிய அரசியல் கட்சி துவங்க
திட்டமிட்டுள்ளதாக செய்திகள் வெளியாயின.


இந்நிலையில் நேற்று (ஜூலை 8-ம் தேதி) தந்தை
ராஜசேகர ரெட்டியின் பிறந்த நாள் என்பதால் , ஐதராபாத்தில் நடந்த
பிரம்மாண்ட பொதுக்கூட்டத்தில் ''ஓய்.எஸ்.ஆர். தெலுங்கானா'' என்ற
பெயரில் புது அரசியல் கட்சி துவக்கி, கட்சி கொடியை
அறிமுகப்படுத்தினார் ஷர்மிளா.

அவருடன் தாயார் ஓய்.எஸ்., விஜயம்மாவும் உடனிருந்தார்.
2023-ல் தெலுங்கானா சட்டசபை தேர்தலை எதிர்நோக்கி ஆளும்
கட்சியான தெலுங்கானா ராஷ்ட்ரிய சமிதி கட்சிக்கு போட்டியாக
தனது கட்சியை வளர்த்திட ஷர்மிளா வியூகம் வகுத்து வருவதாக
கூறப்படுகிறது.

ராஜண்ணா ராஜ்யம்

இது குறித்து ஷர்மிளா கூறியது,
தெலுங்கானா மக்களுக்கு அளித்த தேர்தல் வாக்குறுதியை முதல்வர்
சந்திரசேகரராவ் நிறைவேற்றவில்லை. வரும் தேர்தலில்
தெலுங்கானாவில் எனது தந்தை கண்ட நல்லாட்சியான
'' ராஜண்ணா ராஜ்யம்'' அமைப்பேன் ( ராஜசேகர ரெட்டியை அவரது
ஆதரவாளர்கள் '' ராஜண்ணா''. என அழைப்பதால் ராஜண்ணா ராஜ்யம் )
என்றார்.

தினமலர்

ஷ்ர்மிளாவா?
நான் ஷகீலா எனப் படித்துவிட்டேன்

இப்போதெல்லாம் இன்ஜினியர் மகன்(ள் ) இஞ்சினீர் ஆவதும்
டாக்டர் மகன்(ள் ) டாக்டர் ஆவது போல்
அரசியல்வாதிகள் குலக்கொழுந்துகள் அரசியல்வாதியாக மாறுகின்றனர்.
ஆச்சர்யப்பட ஒன்றுமில்லை.
(ஓரிரு எண்ணக்கூடிய அளவில் சில தலைவர்கள் வாரிசு அரசியலுக்கு வருவதில்லை.)

லாபகரமான தொழில்தான்.