சீன நதியின் குறுக்கே உலகின் 2வது பெரிய நீர் மின்சார இயந்திரம்..!

**ayyasamy ram** · **ayyasamy ram** Mon Jun 28, 2021 8:13 pm

-
தற்போது இந்த நீர் மின்சார இயந்திரம் பயன்படுத்த
சீன அரசு அனுமதி வழங்கியுள்ளது. அனல்மின் நிலையம்
மற்றும் அணுமின் நிலையம் ஆகியவற்றால் சுற்றுச்
சூழலுக்கு மாசு ஏற்படும் நிலையில் காற்றாலை,
நீர், சூரிய ஒளி ஆகிய இயற்கைக்கு மாசு ஏற்படுத்தாத,
மீண்டும் பெறத்தக்க முறைகள் மூலமாக மின்சாரம்
தயாரிக்க உலகம் முழுவதும் விஞ்ஞானிகளால்
வலியுறுத்தப்படுகிறது.

இந்த நீர் மின்சார இயந்திரம் 289 மீட்டர் (948 அடி) உயரம்
கொண்டது. தென்மேற்கு சீன பகுதியில் உருவாகியிருக்கும்
இந்த நீர் மின்சார இயந்திரம் ஐந்து லட்சம் கோடி மக்களின்
மின் தேவைகளைப் பூர்த்திசெய்யும் அளவுக்கு 16 ஆயிரம்
மெகாவாட் மின்சாரம் தயாரிக்கும் என கூறியுள்ளது சீன
அரசு தரப்பு.

அரசு தீவிர முயற்சி

உலகின் அதிக மக்கள் தொகைகொண்ட சீன நாட்டில்
நாளுக்குநாள் தொழிற்சாலைகள் மற்றும் குடிமக்களின்
தேவைக்காக அதிக அளவு மின்சாரம் தேவைப்படும்
நிலையில் கடந்த ஓராண்டாக நீர் மூலமாக மின்சாரம்
தயாரிக்க சீன கம்யூனிச அரசு தீவிர முயற்சி மேற்
கொண்டுள்ளது.

அதன் பயனாகவே தற்போது இந்த மின்சார இயந்திரம்
உருவாக்கப்பட்டுள்ளது. சீனாவின் யுனான் மற்றும்
சிச்சுவான் மாகாணங்களுக்கு இடையே உள்ள சீனாவின்
நீளமான நதியாகிய யாங்சே நதியின் குறுக்கே பிரம்மாண்ட
பாலம் அமைக்கப்பட்டு இந்த சுழலும் இயந்திரம்
பொருத்தப்பட்டுள்ளது.

தண்ணீர் இதன்மீது விழுந்து இயந்திரத்தை சுழற்றி,
அதன்மூலமாக மின்சாரம் தயாரிக்கப்படும்.

தண்ணீர் மூலமாக மின்சாரம் தயாரிக்கப்படுவதால்
சீன நாட்டில் காற்றில் பரவும் கார்பன் அளவு வெகுவாகக்
குறையும் என்று சீன அதிபர் ஜி ஜின்பிங் தெரிவித்துள்ளார்.

தினமலர்

சீன நதியின் குறுக்கே உலகின் 2வது பெரிய நீர் மின்சார இயந்திரம்..!

சீன நதியின் குறுக்கே உலகின் 2வது பெரிய நீர் மின்சார இயந்திரம்..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக