பாதுகாப்பு ஆலோசகர் நாராயணன் அந்தப் பதவியிலிருந்து தூக்கப்பட்டார்

இதுவரை இந்தியப் பிரதமரின் தேசியப் பாதுகாப்பு ஆலோசகராகப் பதவி வகித்து
வந்த எம்.கே.நாராயணன் அந்தப் பதவியிலிருந்து திடீரெனத் தூக்கப்பட்டு
மாநிலம் ஒன்றின் ஆளுநராக நியமிக்கப்படுகின்றார் எனப் புதுடில்லிச்
செய்திகள் தெரிவித்தன.
இந்திய மத்திய உள்துறை அமைச்சரான ப.சிதம்பரம்,
நாட்டின் தேசிய பாதுகாப்பு உட்பட்ட விவகாரங்களை தமக்கேற்ற முறையில்
கையாளுவதற்கு வசதியான சூழலை ஏற்படுத்திக்கொடுக்கும் நோக்கிலேயே இந்த
அதிரடி மாற்றம் செய்யப்படுவதாகப் புதுடில்லி வட்டாரங்கள்
தெரிவித்தன.
இதேசமயம்,
இந்தியப் பாதுகாப்பு அமைச்சின் செயலாளராக இருந்த சேகர் தத்தும் மாநிலம்
ஒன்றின் ஆளுநராக நிய மிக்கப்படுகின்றார் என்றும் கூறப்பட்டது.
எம்.கே.நாராயணனின்
தேசியப் பாது காப்பு ஆலோசகர் பதவிக்கு முன்னாள் வெளிவிவகார செயலாளர்களான
சியாம் சரண், சிவ்சங்கர் மேனன் ஆகிய இருவ ரில் ஒருவரே பெரும்பாலும்
நியமிக்கப்ப டுவர் என்று கூறப்படுகிறது.
கடந்த 2008 நவம்பர் 26 ஆம்
திகதி மும்பாய் மீது நடத்தப்பட்ட தீவிரவாத தாக் குதல்களை அடுத், அச்சமயம்
பிரதமரின் தேசிய பாதுகாப்பு ஆலோசகராக இருந்த எம்.கே. நாராயணன் தமது பதவியை
துறக்க முன்வந்தார்.
எனினும் அச்சமயம் உள்துறை அமைச் சராக இருந்த சிவராஜ் பட்டீலின் இராஜி னாமா மட்டுமே அப்போது ஏற்றுக்கொள்ளப் பட்டது.
அதனையடுத்து புதிய உள்துறை அமைச்சராக ப.சிதம்பரம் நியமிக்கப்பட்டார்.
இப்போது
உள்துறை தொடர்பான சகல கட்டமைப்புகளையும் புதிய உள்துறை அமைச்சர்
ப.சிதம்பரம் கையாளத்தக்க விதத்திலான ஏற்பாடுகளையும் ஒழுங்கு களையும்
பிரதமர் மன்மோகன் சிங் அரசு செய்து வருகிறது என்று கூறப்படுகிறது.
அதன்
ஒரு கட்டமாகவே தேசியப் பாது காப்பு ஆலோசகர் பதவியிலிருந்து எம்.கே.
நாரயணனை தூக்கி விட்டு அந்த இடத் துக்கு அமைச்சர் சிதம்பரத்துக்கு இணக்க
மான ஒருவரை நியமிக்க முடிவு செய்யப் பட்டிருப்பதாக அறியவந்தது.
நாராயணனை
மேற்படி பதவியிலி ருந்து நீக்குவதற்கான முடிவை மத்திய அரசுத் தலைமை
ஏற்கனவே எடுத்திருந்த போதும், அதற்குப் பொருத்தமான சந்தர்ப் பத்துக்கு
காத்திருந்தது என்றும்
இப்போது பல்வேறு மாநிலங்களுக் கும் புதிய
ஆளுநர்களை நியமிக்கும் சந் தடி சாக்கில், அவரை மேற்குவங்காள ஆளு நராக
நியமித்து அதன் மூலம் தேசிய பாது காப்பு ஆலோசகர் பதவியிலிருந்து அவர்
தூக்கப்படுவதை ஆராவாரமின்றி ஒப்பேற்ற வியூகம் வகுக்கப்பட்டது என்றும்
கூறப் பட்டது.
கடந்த வியாழனும் வெள்ளியும் தமிழ்த் தேசிய கூட்டமைப்பின்
நான்கு எம்.பிக்கள் குழு புதுடில்லியின் தங்கியிருந்து இந்திய மத்திய
அரசின் உயர்மட்டங்களுடன் பேச்சு நடத்திய சமயம், பிரதமரின் தேசிய பாதுக்
காப்பு ஆலோசகரையும் அவர்கள் சந்திக்கின்றமை அவர்களுக்கான நிகழ்ச்சி
நிரலில் அடங்கியிருந்தது என்றும்
எனினும் அச்சமயம் அப்பதவியிலிருந்த
நாராயணன் ஓரிரு தினங்களில் அப்பதவி யிலிருந்து தூக்கப்படும் நிலைமை இருந்
ததன் காரணமாக, அவருடனான கூட் டமைப்பினரின் சந்திப்பு ரத்துச் செய்யப்
பட்டது என்றும் புதுடில்லி வட்டாரங்கள் தெரிவித்தன்.
எட்டு
மாநிலங்களுக்குமான புதிய ஆளுநர் பட்டியலை இந்திய மத்திய அரசு இன்னும்
ஓரிரு தினங்களில் த்தியோகபூர் வமாக வெளியிடும் என எதிர் பார்க்கப்
படுகிறது.
புதிய ஆளுநர்கள்
உள்துறை அமைச்சர் பதவியிலிருந்து
முன்னர் இராஜினாமாச் செய்த சிவராஜ் பட்டீல் பஞ்சாப், எம்.கே.நாராயணன்
மேற்கு வங்காளம், தற்சமயம் சட்டீஸ்கா ஆளு நராக இருக்கும் ஈ.எஸ்.எல்.
நரசிம்மன் ஆந்திரா, காங்கிரஸ் கட்சியைச் சேர்ந்த மோசினா கிப் வாய்
ஜார்க்கண்ட், பாது காப்பு அமைச்சின் செயலாளராக இருந்த சேகர் தத்
சட்டீஸ்கா, முன்னாள் மத்திய அமைச்சர் ஊர்மிளா பென் பட்டேல் இமாஷல் பிர
தேசம் தற்போதைய ஜார்க்கண்ட ஆளு நரான கே.சங்கர நாரயணன் மகாராஷ்ட, தற்போது
இமாச்சல் பிரதேச ஆளுநர் பிரபாராவ் ராஜஸ்தான் மாநில ஆளு நராக
நியமிக்கப்படுகின்றனர்.