முதல்வருக்கான பொருளாதார ஆலோசனை குழுவில் இடம் பெற்றுள்ள ஐந்து பேர்கள் இவர்கள் தான்!

-
தமிழக முதல்வருக்கான பொருளாதார ஆலோசனைக்
குழுவில் 5 பேர் இடம்பெற்றுள்ளனர் என்பதும் இந்த ஐந்து
பேர்களும் சர்வதேச அளவில் பொருளாதாரத்தில்
நிபுணர்களாக போற்றப்பட்டு வருகின்றனர் என்றும்
செய்திகள் வெளியாகி உள்ளது

இந்த பொருளாதார ஆலோசனை குழுவில் நோபல் பரிசு
பெற்ற அமெரிக்க பொருளாதார நிபுணர் எஸ்தர் டஃப்லோ,
ரிசர்வ் வங்கியின் முன்னாள் ஆளுநர் ரகுராம் ராஜன்,
மத்திய அரசின் முன்னாள் தலைமை பொருளாதார
ஆலோசகர் அரவிந்த் சுப்ரமணியம்,
டெல்லி ஸ்கூல் ஆஃப் எக்கனாமிக்ஸ் கல்வி நிறுவனத்தின்
பேராசிரியர் ஜீன் ட்ரீஸ், மத்திய அரசின் முன்னாள்
நிதித்துறை செயலாளர் டாக்டர் எஸ் நாராயண் ஆகியோர்
ருப்பார்கள் என ஆளுநர் தனது அறிக்கையில்
குறிப்பிட்டுள்ளார்

இந்த பொருளாதார ஆலோசனைக் குழுவில் இடம்
பெற்றுள்ள ஐவரும் உலக அளவில் புகழ்பெற்ற
பொருளாதார அறிஞராக இருந்து வருகின்றனர் என்பதால்
தமிழகத்தின் பொருளாதாரத்தை மேம்படுத்துவதில்
மிகுந்த முக்கியத்துவம் காட்டுவார்கள் என்று கூறப்படுகிறது

வெப்துனியா

பரவாயில்லையே !
இதுவரை யாரும் (எந்த முதல்வரும்) செய்யாத ஒன்று.

வாழ்த்துவோம்.

மேற்குறிப்புகள்


இந்திய ரிசர்வ் வங்கியின் முன்னாள் கவர்னர் ரகுராம் ராஜன் இந்த குழுவில் இடம்பெற்றுள்ளார். இவர், இந்தியப் பொருளாதாரத்தின் வளர்ச்சி, இந்திய நிதியியல் சேவைத் துறையில் பல புதுமைகள், சிறு, குறு, நடுத்தர நிறுவனங்களுக்கான முக்கியத்துவம் எனப் பல முக்கியப் பணிகளைச் செய்துள்ளார்.

எஸ்தர் டப்லோ

பொருளாதார நிபுணர் அபிஜித் பானர்ஜியின் மனைவியும், அவருடன் இணைந்து நோபல் பரிசு வென்றவருமான எஸ்தர் டப்லோ, புதிய பொருளாதார ஆலோசனை குழுவில் இடம்பெற்றுள்ளார். உலக நாடுகளில் இருக்கும் வறுமையைத் தீர்க்கும் வழிகளைக் கண்டறிந்ததற்கு நோபல் பரிசு பெற்றுள்ளதால், தமிழகத்தின் வறுமையை ஒழிக்க இவரின் பங்கு மிகவும் முக்கியமானதாக இருக்கும் என எதிர்பார்க்கப்படுகிறது.

அரவிந்த் சுப்பிரமணியன்


மத்திய அரசின் முன்னாள் தலைமை பொருளாதார ஆலோசகராக இருந்த அரவிந்த் சுப்பிரமணியன், தனது பதவியில் இருந்து விலகிய நிலையில் தற்போது தமிழக அரசு உருவாக்கியுள்ள புதிய பொருளாதார ஆலோசனை குழுவில் இடம்பெற்றுள்ளார். இந்தியப் பொருளாதார வளர்ச்சியில் பணியாற்றிய அனுபவம் தமிழகத்தின் பொருளாதாரத்தை மேலும் உயர்த்த உதவும் என கருதப்படுகிறது.

ஜீன் ட்ரெஸ்

இந்தியாவில் சமூக நலத்திற்காகவும், பாலின சமத்துவமின்மைக்கு எதிராகவும் பணியாற்றி வரும் ஜீன் ட்ரெஸ், பெல்ஜியம் நாட்டில் பிறந்தவராவார். இவர் அமர்தியா சென், ஆன்கஸ் டியாடன் போன்ற நோபல் பரிசு பெற்ற அறிஞர்கள் உடன் பணியாற்றியுள்ளார். மேலும், தற்போது டில்லி ஸ்கூல் ஆப் எக்னாமிக்ஸ், ராஞ்சி பல்கலைக்கழகத்தில் பணியாற்றி வருகிறார்.
எஸ்.நாராயணன்


மத்திய அரசின் முன்னாள் நிதித்துறைச் செயலர் எஸ். நாராயணன் சுமார் 40 வருடங்களாக மத்திய, மாநில அரசுகளுடன் பணியாற்றி வருகிறார். 2003 முதல் 2004 வரையில் இந்தியப் பிரதமருக்குப் பொருளாதார ஆலோசகராக இருந்தார். இதுமட்டும் அல்லாமல் நிதியமைச்சகம், வர்த்தகம் மற்றும் தொழிற்துறை, விவசாயம், பெட்ரோலியம் என 30க்கும் மேற்பட்டத் துறையில் பொருளாதாரக் கொள்கை நடைமுறைப்படுத்தும் பணியில் பணியாற்றியுள்ளார்.

அறிவாளிகளைக் கொண்டு குழு அமைத்துள்ளது பாராட்டத் தக்கது! வழக்கமாகக்
‘கட்சிக்காரர்களைத் தூக்கிவிடவேண்டும்’ என்று கட்சியில் தனக்கு வேண்டியவர்களுக்கே எல்லாப் பதவிகளையும் கொடுப்பர்!

ஒரு குழுவில் அதிகமாக அறிவாளிகள் இருந்தால் .............................??