விபரீதமா B.T. கத்திரிக்காய்?

- பி.எம்.தியாகராஜன்.
கோவை
விவசாயப் பல்கலைக்கழகம் வெளியிடும் மரபு அணு மாற்றக் கத்திரி இது.
கத்திரியைத் தாக்கும் குறிப்பிட்ட பூச்சியினங்கள் இதனைத் தாக்க இயலாது.
இது எப்படிச் சாத்தியம். இப்பூச்சியினங்களுக்கு எதிரான வேதியல் பொருளை
இப்பயிர் தன்னுள் கொண்டிருக்குமா ? அவ்வாறு கொண்டுள்ள வேதிப்பொருள், மனித
உடலுக்கு என்ன பக்க விளைவுகளைத் தரும் என்ற வினாவிற்கு விடை இல்லை.
இக்கத்திரியால்
விவசாயிகள் அதனைப் பயன்படுத்துவதில்லை. எனவே, பூச்சிகள் தாக்கிய
கத்திரிக்கு உரிய விலை கிடைப்பதுமில்லை. எனவே, மரபு மாற்ற கத்திரி, பூச்சி
மருந்து தேவையின்றிப் பயிரிடப்படுவதால், விவசாயிகள் அதிக பலன்
பெறுகின்றனர்.
அது சரி, தாவர இயல் கத்திரி குறித்து சொல்வது யாது?
சோலனேஜி என்ற குடும்பத்தைச் சார்ந்தது, தக்காளி குடும்பம். இருவித்திலை
தாவரம், வெப்பம் சார்ந்த சமவெளிப் பிரதேசங்களில் பயிரிடக் கூடியது. எல்லா
மண் ரகத்திலும், எல்லாப் பருவ காலங்களிலும் பயிரிட ஏற்றது. நீர் வசதி
குறைந்த நிலத்திலும் பயிரிடலாம்.
சந்தை வசதி அதிகம் உள்ள இந்திய இருவித்திலைத் தாவரம் இது.
ஏற்கனவே,
அண்ணாமலைப் பல்கலைக்கழகம், ""அண்ணாமலை கத்தரி'' எனும் புதிய பெரிய வகை
கத்தரியை வெளியிட்டது. மிகப் பெரிய கத்தரி வகையாக இருந்த காரணத்தால்
இதனைச் சந்தைப்படுத்த இயலவில்லை.
இதுவரை பல புதிய வகையினை விரும்பி வரவேற்ற விவசாயிகள் மரபு மாற்ற பயிரினை எதிர்க்க என்ன காரணம்?
1.மரபு
மாற்ற பயிர்கள் காலநிலை மாற்றத்தினைத் தாங்கும் சக்தியற்று இருப்பதால், பல
சமயங்கள் விவசாயிகள் பாதிப்பு அடைகிறார்கள் ( ஆந்திர விவசாயிகள் மரபு
மாற்ற பருத்திப் பயிரால் நஷ்டம் அடைந்து தற்கொலை செய்து கொண்டார்கள் )
2. மரபு மாற்ற பயிர்கள் உணவாகப் பயன்படுத்தும் போது பக்க விளைவுகள் ஏற்படுத்தலாம்.
3.இவை
எவ்வளவு உயிர்ச்சத்துக்களை உறிஞ்சும், எவ்வகை வேதியல் பொருளை மண்ணில்
வெளியிடும் என்ற விவர அறிக்கை ஏதுமின்மையாலும், மரபு மாற்றப் பயிர்கள் சில
வெளியிட்ட வேதியியல் பொருள்களால் நிலம் மலடாக மாறியது.
4. புதிய வகை மரபு மாற்ற தாவரங்கள் வாங்குவதைச் சில காலம் மக்கள் தவிர்ப்பர். இதனால் சந்தை வாய்ப்பு குறையும்.
5.புதிய
வகை பயிரிடப்படுவதால் நாட்டுப்புற ரகங்கள் மறைந்து விடும். நாட்டுப்புற
ரகங்கள் விளைச்சல் குறைவாக இருந்தாலும் பூச்சி, காளான் தாக்குதலையும்,
வறட்சி, வெள்ளம் ஆகிய மாறுபாட்டினைத் தாங்கும் சக்தி பெற்றவை. மேலும் மரபு
மாற்ற தாவரத்தினை ஒவ்வொரு முறையும் ஆராய்ச்சி நிறுவனம் தயாரிக்கும்
விதையினைத்தான் பயன்படுத்த வேண்டும். இதனால் விதை நிறுவனம் நிர்ணயித்த
விலையைத்தான் விவசாயிகள் தர வேண்டும். மேலை நாடுகள் பல மரபு மாற்றத்
தாவரங்கள் இறக்குமதி செய்வதைத் தவிர்க்கின்றன.
கத்தரியில் பலவகை தமிழகத்தில் பயிரிப்படுகிறது. அவை,
1. நீல குண்டு ரகம் - காம்பு மெல்லிய முட்கள் கொண்டது மக்கள் அதிகம் விரும்பும் ரகம்.
2. வெள்ளை குண்டு ரகம்.
3. நீண்ட பச்சை நிறம்.
4. நீண்ட வெள்ளை நிறம்.
ஆயுர்வேதம்,
சித்த வைத்தியத்தில் மருந்தாகப் பயன்படுகிறது. வைட்டமின்கள், தாது
உப்புகள் கொண்டது, நார்ச்சத்து மிகுந்தது, கொழுப்புச் சத்து குறைவானது.
இத்தகைய பயன்கள் கொண்ட கத்தரியை ஆராய்ச்சியாளர்கள் கவனம் செலுத்துவதில்
வியப்பு ஏதுமில்லை.
மரபணு மாற்றம் செய்யப்பட்டுள்ள கத்திரிக்காய்
உள்ளிட்ட உணவுப் பொருட்களை அமெரிக்கா ஆதரிக்கிறது. ஆனால், ஐரோப்பிய
நாடுகள் மரபணு மாற்றம் செய்யப்பட்ட பயிர்களால் ஏற்படும் பக்கவிளைவுகளைக்
கருத்தில் கொண்டு எதிர்ப்பு தெரிவிக்கின்றன. பிரான்ஸ் பல்கலைக்கழக
விஞ்ஞானி கில்லஸ் எரிக் என்பவர் இவ்வகைக் கத்திரிக்காயை இன்னும் நன்கு
பரிசோதிக்க வேண்டும் என்கிறார்.
- ""பசுமை இந்தியா''