கமல்ஹாசன் பகிர்ந்த 10 வேட அனுபவம்

by **ayyasamy ram** Sat Jun 19, 2021 6:36 am

-
கமல்ஹாசன் மைக்கேல் மதன காமராஜன் படத்தில்
4 வேடத்திலும் தசாவதாரம் படத்தில் 10 வேடங்களிலும்
நடித்து இருந்தார்.

இந்த படங்களில் கமலின் வித்தியாசமான கதாபாத்திரங்களும்
தொழில் நுட்பங்களும் ரசிகர்களை பெரிதும் கவர்ந்தன.

தசாவதாரம் படம் வெளியாகி 13 ஆண்டுகள் ஆவதை தொடர்ந்து
கமல்ஹாசன் அதில் நடித்த 10 தோற்றங்களையும் சமூக
வலைத்தளத்தில் பகிர்ந்துள்ளார்.

மலையாளத்தில் சாய்பல்லவி நடித்து பெரிய வெற்றி பெற்ற
பிரேமம் படத்தை இயக்கி பிரபலமான அல்போன்ஸ் புத்திரன்
அந்த தோற்றங்களை பார்த்து வியந்து ‘மைக்கேல் மதன
காமராஜன், தசாவதாரம் படத்தின் காட்சிகளை எப்படி
படமாக்கினீர்கள் என்று எனக்கு சொல்லித்தர முடியுமா?

படம் இயக்குவதில் தசாவதாரம் படம் பி.எச்.டி போன்றது.
மைக்கேல் மதன காமராஜன் டிகிரி படிப்பை போன்றது'' என்று
பதிவிட்டு இருந்தார்.

இதற்கு பதில் அளித்து கமல்ஹாசன் வலைத்தளத்தில்
வெளியிட்டுள்ள பதிவில், “நன்றி அல்போன்ஸ் புத்திரன்.
விரைவில் அதை நிறைவேற்றுகிறேன். அந்த படங்களில்
எவ்வளவு கற்றேன் என்பதை உங்களுக்கு எப்படி விளக்குவது
என்று தெரியவில்லை. படங்கள் வெளியாகி பல வருடங்களுக்கு
பிறகு அதை நான் விளக்குவது எனக்கு புதிய படிப்பினையை
கற்றுக்கொடுக்கும்.’’ என்று கூறியுள்ளார்.

தினத்தந்தி

by **Dr.S.Soundarapandian** Sat Jun 19, 2021 12:02 pm

கமல் - உண்மையில் உலகநாயகன்தான்!
ஒரு மலையாளிக்கு இருக்கும் கலை நுணுக்க அறிவு , தமிழருக்குக் கிடையாதா?
தமிழர்கள் தூங்கக் கூடாது!

by **T.N.Balasubramanian** Sat Jun 19, 2021 5:49 pm

சிறந்த நடிகர் -பன்முக கலைஞர்.
ஒவ்வொரு படத்திலும் புதிய புதிய உத்திகளை கையாண்டவர்.
பேசும் படம் என்ற பேசா படம் ஒரு மைல்கல்.
சலங்கை ஒலி என சொல்லிக்கொண்டே போகலாம்.
களத்தூர் கண்ணம்மாவில் ஆரம்பித்து
இவர் நடித்த படங்களை ஆராய்ந்து முனைவர் பட்டம் கூட பெறலாம்.

by Sponsored content

கமல்ஹாசன் பகிர்ந்த 10 வேட அனுபவம்

கமல்ஹாசன் பகிர்ந்த 10 வேட அனுபவம்

Re: கமல்ஹாசன் பகிர்ந்த 10 வேட அனுபவம்

Re: கமல்ஹாசன் பகிர்ந்த 10 வேட அனுபவம்

Re: கமல்ஹாசன் பகிர்ந்த 10 வேட அனுபவம்