3வது அலை தவிர்க்க முடியாதது: எய்ம்ஸ் இயக்குநர்

**T.N.Balasubramanian** · **T.N.Balasubramanian** Sat Jun 19, 2021 6:23 pm

புதுடில்லி: கோவிட்டின் 3வது அலை தவிர்க்க முடியாதது எனவும், அடுத்த 6 முதல் 8 வாரங்களில் அது துவங்க வாய்ப்பு உள்ளதாகவும் டில்லி எய்ம்ஸ் மருத்துவமனை இயக்குநர் ரன்தீப் குலேரியா தெரிவித்து உள்ளார்.
3வது அலை தவிர்க்க முடியாதது: எய்ம்ஸ் இயக்குநர் Gallerye_115614424_2787687

3வது அலை தவிர்க்க முடியாதது: எய்ம்ஸ் இயக்குநர் Gallerye_115614424_2787687

இது தொடர்பாக அவர் அளித்த பேட்டியில் கூறியுள்ளதாவது:
ஊரடங்கில் தளர்வு அளிக்கப்பட்டு வரும் நிலையில், கொரோனா தடுப்பு நடவடிக்கைகளில் சிக்கல் ஏற்பட்டுள்ளது. கடந்த முதல் மற்றும் இரண்டாவது அலையில் நாம் பாடம் கற்று கொண்டது போல் தெரியவில்லை. மீண்டும் கூட்டங்கள் கூடுகிறது. மக்கள் ஒரே இடத்தில் சேர்கின்றனர். இதனால், அடுத்த சில நாட்களில் பாதிக்கப்படுபவர்களின் எண்ணிக்கை தேசிய அளவில் அதிகரிக்கக்கூடும். 3வது அலை நமது நாட்டில் தவிர்க்க முடியாததாகி விட்டது. அடுத்த 6 அல்லது 8 வாரங்களில் 3வது அலை துவங்கும். இன்னும் சிறிது நாட்கள் கூட ஆகலாம். இது நாம் எப்படி தடுப்பு நடவடிக்கைகளை எடுக்கிறோம் என்பதை பொறுத்தது.

தடுப்பூசி போடுவது சவாலாக இருக்கும். ஒரு அலை உருவாக, பொதுவாக 3 மாதங்கள் ஆகும். ஆனால், பல காரணிகளை பொறுத்து குறைந்த காலத்திலும் அந்த அலை உருவாகலாம். கோவிட் நடைமுறைகளை தாண்டி, தீவிரமாக கண்காணிக்க வேண்டும். கடந்த முறை, புதிய உருமாறிய வைரஸ், வெளியில் இருந்து வந்து இங்கு பரவியது. இதனால், அதிகம் பேர் பாதிக்கப்பட்டு உள்ளனர். உருமாறிய வைரஸ் தொடர்ந்து இருக்கத்தான் செய்யும். இதனால், ஹாட்ஸ்பாட் பகுதிகளில் தீவிரமாக கண்காணிக்க வேண்டும். தடுப்பூசி போடாவிட்டால், நாம் எளிதில் பாதிக்கப்படுவோம். வைரஸ் தொடர்ந்து உருமாறுவதால், நாம் கவனமுடன் இருக்க வேண்டும். இவ்வாறு அவர் கூறினார்.

நன்றி தினமலர்.

3வது அலை தவிர்க்க முடியாதது: எய்ம்ஸ் இயக்குநர்

3வது அலை தவிர்க்க முடியாதது: எய்ம்ஸ் இயக்குநர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக