கர்நாடகாவில் ஜூன் 7 க்குப் பிறகு ஊரடங்கை மேலும் ஒரு வாரம் நீட்டிக்க முடிவு

**ayyasamy ram** · **ayyasamy ram** Thu Jun 03, 2021 6:10 am

பெங்களூரு-
வரும் 7க்கு பின், மேலும் ஒரு வாரம் ஊரடங்கு நீட்டிக்க கர்நாடக அரசு முடிவு செய்துள்ளது. ஓரிரு நாளில் அதிகாரபூர்வமாக அறிவிக்கப்படவுள்ளது. கர்நாடகாவில் கொரோனாவை கட்டுப்படுத்த பிறப்பிக்கப்பட்ட முழு ஊரடங்கு, வரும், 7 வரை உள்ளது. அதை நீட்டிப்பதா, இல்லையா என்பது தொடர்பாக அரசு ஆலோசித்து வருகிறது.

கொரோனா, இரண்டாம் அலையில் உயிர் பலி எண்ணிக்கை அதிகமாகியுள்ளன. செப்டம்பர், அக்டோபரில் 3ம் அலை ஆரம்பிக்கவுள்ளதாகவும், குழந்தைகளை தான் அதிகம் பாதிக்கும் எனவும் மருத்துவ நிபுணர்கள் எச்சரித்தனர்.இந்நிலையில், 3ம் அலை குறித்து ஆராய்ந்து, அரசுக்கு பரிந்துரைகள் வழங்க, நாராயணா இருதாலயா நிறுவனர் தேவிபிரசாத் ஷெட்டி தலைமையில், நிபுணர்கள் குழு அமைக்கப்பட்டது.இந்த குழுவுடன், பெங்களூரு குமாரகிருபா சாலையில் உள்ள கிருஷ்ணா இல்லத்தில், முதல்வர் எடியூரப்பா, நேற்று ஆலோசனை நடத்தினார்.

கூட்டத்தில், குழந்தைகளுக்கு சிகிச்சை அளிக்க தேவையான படுக்கைகள், ஆக்சிஜன், மருந்து என அனைத்து வசதிகளும் தயார் நிலையில் வைத்து கொள்ளும்படி அரசுக்கு குழு பரிந்துரைத்தது.கொரோனா, மூன்றாம் அலைக்கு அரசு தயாராவது குறித்து, உள்துறை அமைச்சர் பசவராஜ் பொம்மை கூறியதாவது:மூன்றாம் அலையை எதிர்கொள்ள அரசு தயாராகி வருகிறது.

24 ஆயிரத்துக்கும் அதிகமான ஆக்சிஜன் படுக்கைகள், வென்டிலேட்டர் படுக்கைகள் தயார் நிலையில் வைத்துள்ளோம்.குழந்தைகளுக்காக சிறப்பு ஐ.சி.யூ.,க்கள் தயாராகின்றன. அனைத்து மாவட்ட மற்றும் தாலுகா அரசு மருத்துவமனைகளிலும் ஆக்சிஜன் உற்பத்தி செய்ய உத்தரவிடப்பட்டு உள்ளது.இவ்வாறு அவர் கூறினார்.

மருத்துவ நிபுணர்கள் குழுவின் ஆலோசனைக்கு பின், கொரோனா தொற்று பரவல் தடுப்பு பொறுப்பு அமைச்சர்களுடன், முதல்வர் எடியூரப்பா ஆலோசனை நடத்தினார்.அப்போது, ஜூன், 7 வரை ஊரடங்கு நீட்டிக்கப்பட்டுள்ளதால், மேலும் ஒரு வாரம் நீட்டிக்கப்பட வேண்டும் என்று பெரும்பாலான அமைச்சர்கள் முதல்வரை வலியுறுத்தினர்.

இதே வேளையில், மருத்துவ நிபுணர்கள் பரிந்துரைத்தப்படி, ஒரு வாரம் முதல், 10 நாட்கள் வரை நீட்டிப்பது குறித்தும் ஆலோசிக்கப்பட்டது.இறுதியில் ஜூன், 15 வரை நீட்டிக்க முதல்வர் சம்மதம் தெரிவித்ததாக கூறப்படுகிறது. அதன் பின் நீட்டிப்பதா, வேண்டாமா என்று அப்போதைய சூழ்நிலை பொறுத்து முடிவு செய்ய தீர்மானிக்கப்பட்டது.ஊரடங்கு நீட்டிப்பது குறித்து ஓரிரு நாளில் அதிகாரபூர்வமாக அறிவிக்க, மாநில தலைமை செயலர் ரவிகுமாருக்கு, முதல்வர் அறிவுறுத்திஉள்ளார்.

தினமலர்

**T.N.Balasubramanian** · **T.N.Balasubramanian** Fri Jun 04, 2021 4:34 pm

மருத்துவ நிபுணர்கள் குழுவின் ஆலோசனைக்கு பின், கொரோனா தொற்று பரவல் தடுப்பு பொறுப்பு அமைச்சர்களுடன், முதல்வர் எடியூரப்பா ஆலோசனை நடத்தினார்.அப்போது, ஜூன், 7 வரை ஊரடங்கு நீட்டிக்கப்பட்டுள்ளதால், மேலும் ஒரு வாரம் நீட்டிக்கப்பட வேண்டும் என்று பெரும்பாலான அமைச்சர்கள் முதல்வரை வலியுறுத்தினர்.

இதே வேளையில், மருத்துவ நிபுணர்கள் பரிந்துரைத்தப்படி, ஒரு வாரம் முதல், 10 நாட்கள் வரை நீட்டிப்பது குறித்தும் ஆலோசிக்கப்பட்டது.இறுதியில் ஜூன், 15 வரை நீட்டிக்க முதல்வர் சம்மதம் தெரிவித்ததாக கூறப்படுகிறது. அதன் பின் நீட்டிப்பதா, வேண்டாமா என்று அப்போதைய சூழ்நிலை பொறுத்து முடிவு செய்ய தீர்மானிக்கப்பட்டது.ஊரடங்கு நீட்டிப்பது குறித்து ஓரிரு நாளில் அதிகாரபூர்வமாக அறிவிக்க, மாநில தலைமை செயலர் ரவிகுமாருக்கு, முதல்வர் அறிவுறுத்திஉள்ளார்.

அவசியம் கருதி செய்யப்படுகிற முன்னெச்சரிக்கை நடவடிக்கை.
தமிழகத்திலும் அதே போல் நீட்டிக்கப்படுகிறது.
அவசியம் என்றால் செய்தே ஆகவேண்டும். மாற்று கருத்து கிடையாது.
ஆனால் ஆட்சியில் இல்லாத போது,தற்போதைய ஆளும் கட்சி,
நாங்கள் ஜெயிக்கிறோம். மே 2 முதல் ஊரடங்கே இருக்காது என்று
கூறினார்கள்.அவர்கள் கணக்கில் அன்றைய ஆளும் கட்சி வேண்டுமென்றே
ஊரடங்கை கொண்டுவந்தார்கள் என்பதே. சிரி

கர்நாடகாவில் ஜூன் 7 க்குப் பிறகு ஊரடங்கை மேலும் ஒரு வாரம் நீட்டிக்க முடிவு

கர்நாடகாவில் ஜூன் 7 க்குப் பிறகு ஊரடங்கை மேலும் ஒரு வாரம் நீட்டிக்க முடிவு

Re: கர்நாடகாவில் ஜூன் 7 க்குப் பிறகு ஊரடங்கை மேலும் ஒரு வாரம் நீட்டிக்க முடிவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக