24 மணிநேரத்தில் 39.69 கி.மீ சாலை அமைத்து மஹாராஷ்டிரா சாதனை

by **ayyasamy ram** Thu Jun 03, 2021 6:14 am

-

மும்பை:
24 மணிநேரத்தில் 39.69 கி.மீ சாலை அமைத்து மஹாராஷ்டிரா
மாநில பொதுப்பணித்துறை சாதனை படைத்துள்ளது.

மஹாராஷ்டிரா மாநிலம் சத்தாரா மாவட்டத்தில்
பொதுப்பணித்துறை சார்பில் சாலை போடும் பணிகள் நடந்து
வந்தது. இதில் புனேவை சேர்ந்த தனியார் நிறுவனம்,
சத்தாராவில் உள்ள பால்தன் மற்றும் மாசூர்னே பகுதிகளுக்கு
இடையே 39.69 கி.மீ சாலையை 24 மணி நேரத்தில் போட்டு
சாதனை படைத்துள்ளது.

அதாவது, மே 30ம் தேதி காலை 7 மணிக்கு துவங்கிய சாலைப்
போடும் பணிகள், மே 31ம் தேதி காலை 7 மணி வரையில்
39.69 கி.மீ சாலை போடப்பட்டுள்ளது.

இது தொடர்பாக பொதுப்பணித்துறை அமைச்சர் அசோக் சவான்
தனது டுவிட்டர் பக்கத்தில், ‛சத்தாரா மாவட்டத்தில் பால்தன்
முதல் மசூர்னே வரை 39.69 கி.மீ தூரத்துக்கு தரமான கான்கிரீட்
சாலை 24 மணி நேரத்தில் போடப்பட்டு உள்ளது.

இது மாநில பொதுப்பணித்துறையினரின் சாதனையாகும்.
இந்த பணியில் ஈடுபட்ட அனைவருக்கும் வாழ்த்துக்கள். இந்த
சாதனை லிம்கா புத்தகத்தில் பதிவு செய்யப்பட்டுள்ளது,'
எனப் பதிவிட்டுள்ளார்.

அம்மாநில துணை முதல்வர் அஜித் பவார் கூறுகையில்,
‛சிரமங்கள் இருந்தபோதிலும், திட்டத்தை விரைவாக முடிக்க
முடியும் என்பதை இது காட்டுகிறது,' என்றார்.

சுமார் 474 தொழிலாளர்கள் மற்றும் 250 வாகனங்கள் மற்றும்
இயந்திரங்களின் உதவியுடன் பணிகள் நிறைவடைந்தன.

தினமலர்

by **T.N.Balasubramanian** Thu Jun 03, 2021 4:24 pm

சரியான திட்டமிடல்,
சரியான உபகரணங்கள்
தேவையான மூல பொருட்கள்
மேற்பார்வையாளர்கள்,
கை தேர்ந்த தொழிலாளிகள்
அடிப்படை வசதிகள்
அப்பழுக்கற்ற ஒப்பந்தக்காரர்கள் இருந்தால் ,
எதைத்தான் சாதிக்கமுடியாது?

(போட்ட ரோட் கான்க்ரீட் மாதிரி தெரியவில்லை. தார் ரோடு போன்றே தோற்றமளிக்கிறது .
எந்தன் கண்ணில் கோளாறோ?)

by **T.N.Balasubramanian** Thu Jun 03, 2021 4:24 pm

சரியான திட்டமிடல்,
சரியான உபகரணங்கள்
தேவையான மூல பொருட்கள்
மேற்பார்வையாளர்கள்,
கை தேர்ந்த தொழிலாளிகள்
அடிப்படை வசதிகள்
அப்பழுக்கற்ற ஒப்பந்தக்காரர்கள் இருந்தால் ,
எதைத்தான் சாதிக்கமுடியாது?

(போட்ட ரோட் கான்க்ரீட் மாதிரி தெரியவில்லை. தார் ரோடு போன்றே தோற்றமளிக்கிறது .
எந்தன் கண்ணில் கோளாறோ?)