ஆக்சிஜன் சப்ளையை கட் செய்த ஆம்புலன்ஸ் டிரைவர்: தெலுங்கானாவில் கொடூரம்

ஐதராபாத்;
கொரோனாவால் கடந்த சில நாட்களில் யாரும் உயிரிழக்காததால்,
வருமானம் கிடைக்காத கோபத்தில், ஆக்சிஜன் வினியோகத்தை
நிறுத்தி, கொலை முயற்சியில் ஈடுபட்ட கொடூர ஆம்புலன்ஸ்
டிரைவரை, போலீசார் கைது செய்துள்ளனர்.

தெலுங்கானாவில் உள்ள நிஜாமாபாத் மாவட்டத்தில் உள்ள
மருத்துவமனையில், கொரோனாவால் பாதிக்கப்பட்டோருக்கு
சிகிச்சை அளிக்கப்படுகிறது. சிகிச்சை பெற்று வந்தவர்களுக்கான
ஆக்சிஜன் வினியோகம் திடீரென தடைபட்டது.

இதனால், நோயாளிகளுக்கு மூச்சுத் திணறல் ஏற்பட்டது.
பதற்றமடைந்த டாக்டர்களும், நர்சுகளும் உடனடியாக செயல்பட்டு,
ஆக்சிஜன் வினியோகம் கிடைப்பதை உறுதி செய்தனர்.

நோயாளிகளுக்கான ஆக்சிஜன் வினியோகிக்கும் குழாயை
யாரோ நிறுத்தி வைத்திருந்தது தெரியவந்தது. போலீசில் புகார்
கொடுக்கப்பட்டது. மருத்துவமனையில் இருந்த கண்காணிப்பு
கேமராக்களை ஆய்வு செய்தபோது, அந்த மருத்துவமனையில்
பணியாற்றும் ஆம்புலன்ஸ் டிரைவர் ஒருவர், ஆக்சிஜன்
வினியோகத்தை நிறுத்தியது தெரியவந்தது.

'கடந்த சில நாட்களாக யாரும் இறக்கவில்லை. அதனால் எனக்கு
வருமானம் கிடைக்கவில்லை. அதற்காக இப்படி செய்தேன்' என,
அந்த டிரைவர் விசாரணையில் கூறியுள்ளார். போலீசார் உட்பட
அனைவரும் அதிர்ச்சி அடைந்தனர். அந்த டிரைவரை, போலீசார்
லத்தியால் அடித்து உதைத்து, கைது செய்தனர்.

இது தொடர்பான, 'வீடியோ' சமூக வலை தளத்தில் வெளியாகி
உள்ளது. கொரோனா வைரஸ் பரவலைத் தடுக்க, டாக்டர், நர்சுகள்,
ஆம்புலன்ஸ் டிரைவர்கள் என, முன்களப் பணியாளர்கள்
தங்களுடைய உயிரைப் பணயம் வைத்து சேவை செய்கின்றனர்.

ஆனால் பணத்துக்காக, ஒரு ஆம்புலன்ஸ் டிரைவர், இப்படி
செய்துள்ளது, அனைத்து தரப்பினரையும் அதிர்ச்சி அடைய
செய்துள்ளது.

தினமலர்

அடப்பாவி ......