பிரிட்டனில் பிறந்த 2 அடி உயர குழந்தை

**ayyasamy ram** · **ayyasamy ram** Mon May 31, 2021 7:59 am

லண்டன் :
பிரிட்டனில் இளம்பெண் ஒருவர் 2 அடி உயரமுள்ள குழந்தையை
பெற்றெடுத்த சம்பவம், அனைவரையும் வியக்க வைத்துள்ளது.

ஐரோப்பிய நாடான பிரிட்டனின் பக்கிங்கம்ஷைர் பகுதியில்
ஜாக் - ஏமி என்ற தம்பதியினர் வசித்து வருகின்றனர். கர்ப்பம்
தரித்திருந்த 27 வயதான ஏமி, சமீபத்தில் லண்டன் மருத்துவ
மனையில் ஓர் ஆண் குழந்தையை பெற்றெடுத்தார்.

அந்த குழந்தை 2 அடி உயரமும் 5.5 கிலோ எடையுடனும் பிறந்தது.
சராசரி குழந்தையைவிட இந்த குழந்தை இரண்டு மடங்கு
பெரியதாக இருந்தது.

அறுவை சிகிச்சையின்போது இந்த குழந்தையை, இரண்டு
மருத்துவர்கள் சேர்ந்து வெளியே எடுத்ததாகவும், எடை
பார்க்கும் இயந்திரத்தின் மீது வைக்க முடியாத அளவுக்கு
அந்த குழந்தை பெரிதாக இருந்ததாகவும் கூறப்படுகிறது.
இந்த குழந்தைக்கு, ஜாக்ரிஸ் என பெயர் சூட்டப்பட்டுள்ளது.

இதுகுறித்து ஏமி கூறியதாவது:
என் குழந்தை உயரமாக பிறக்கும் என்பதை, முன்பே 'ஸ்கேன்'
வாயிலாக அறிந்தேன். எனினும், இவ்வளவு உயரமாக பிறக்கும்
என நாங்கள் எதிர்ப்பார்க்கவில்லை. இவ்வாறு அவர் கூறினார்.

5 கிலோ எடையில் குழந்தை

மத்திய பிரதேசத்தின் மாண்ட்லா மாவட்டத்தில் உள்ள ஆரம்ப
சுகாதார மையத்தில், பிரசவத்திற்காக ரக்ஷா குஷ்வாஹா, 29,
என்ற பெண் அனுமதிக்கப்பட்டிருந்தார். இந்நிலையில், இவர்
நேற்று ஒரு பெண் குழந்தையை பெற்றெடுத்தார்.

அந்த குழந்தை 5.1 கிலோ எடையில் இருந்தது. இது மிகவும்
அரிதான ஒன்று. சராசரி குழந்தை 2.5 - 3.7 கிலோ எடையில்
இருக்கும் என்பது குறிப்பிடத்தக்கது.

தினமலர்

பிரிட்டனில் பிறந்த 2 அடி உயர குழந்தை

பிரிட்டனில் பிறந்த 2 அடி உயர குழந்தை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக