உள்நாட்டு விமான கட்டணம்: நாளை மறுநாள் முதல் உயர்வு

**ayyasamy ram** · **ayyasamy ram** Sun May 30, 2021 5:49 am

-
புதுடில்லி:
உள்நாட்டு விமான சேவைகளின் குறைந்த பட்ச கட்டணம்,
13 சதவீதத்தில் இருந்து 16 சதவீதமாக உயர்த்தப்பட்டு உள்ளது;
இது, நாளை மறுநாள் முதல் அமலுக்கு வருகிறது.

கொரோனா வைரஸ் அச்சுறுத்தலுக்கு மத்தியில், உள்நாட்டு
விமானங்கள் மட்டும் இயக்கப்பட்டு வருகின்றன.
சர்வதேச விமான சேவைகள் இதுவரை துவங்கப்படவில்லை
விமான சேவை.

இந்நிலையில், உள்நாட்டு விமான சேவைகளின் கட்டணங்கள்
உயர்த்தப்பட்டுள்ளன. இது குறித்து, மத்திய விமான
போக்குவரத்துத் துறை வெளியிட்ட அறிக்கையில் கூறப்பட்டு
உள்ளதாவது:

உள்நாட்டு விமான சேவைகளின் குறைந்தபட்ச கட்டணம்,
13 சதவீதத்தில் இருந்து 16 சதவீதமாக உயர்த்தப்படுகிறது.

40 நிமிடங்களுக்கு குறைவான பயண நேரம் உடைய விமான
சேவைக்கு 2,300 ரூபாய் கட்டணமாக வசூலிக்கப்பட்டு வந்தது.
இனி, அது 2,600 ரூபாயாக உயர்த்தி வசூலிக்கப்படும்.

இதேபோல் 40 - 60 நிமிட பயண நேரம் உடைய விமான சேவைக்கு
2,900 ரூபாய் வசூலிக்கப்பட்டு வந்தது. இனி அதற்கு 3,300 ரூபாய்
வசூலிக்கப்படும்.

இதேபோல் 60 - 90 நிமிட பயண நேரம் உடைய விமான சேவைக்கு
4,000 ரூபாயும்; 90 - 120 நிமிடங்களுக்கு 4,700 ரூபாயும்;
150 - 180 நிமிடங்களுக்கு 6,100 ரூபாயும்; 180 - 210 நிமிட பயண நேரம்
உடைய விமான சேவைக்கு 7,400 ரூபாயும் வசூலிக்கப்படும்.

புதிய கட்டணம் உதாரணத்திற்கு, டில்லி - மும்பை இடையிலான
விமான சேவைக்கு, இனி கூடுதலாக 700 ரூபாய் கட்டணம்
வசூலிக்கப்படும். இந்த புதிய கட்டண விதிப்பு ஜூன் 1ம் தேதி முதல்
அமல்படுத்தப்படும்.இவ்வாறு அதில் கூறப்பட்டுள்ளது.

தினமலர்

உள்நாட்டு விமான கட்டணம்: நாளை மறுநாள் முதல் உயர்வு

உள்நாட்டு விமான கட்டணம்: நாளை மறுநாள் முதல் உயர்வு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக