பாலியல் புகார்- சென்னை பத்ம சேஷாத்ரி பள்ளி ஆசிரியர் ராஜகோபாலன் சஸ்பெண்ட்

**T.N.Balasubramanian** · **T.N.Balasubramanian** Mon 24 May 2021 - 18:57

சென்னை: மாணவிகளிடம் பாலியல் அத்துமீறலில் ஈடுபட்ட சென்னை பத்ம சேஷாத்ரி பள்ளி வணிகவியல் ஆசிரியர் ராஜகோபாலன் பணியிடை நீக்கம் (சஸ்பெண்ட்) செய்யப்பட்டுள்ளார்.

சென்னை கே.கே.நகரில் பத்ம சேஷாத்ரி பள்ளி இயங்கி வருகிறது. இந்த பள்ளி அறக்கட்டளை உறுப்பினர்களில் ஒருவராக நடிகர் ஒய்.ஜி. மகேந்திரன் உள்ளார்.

இப்பள்ளியின் வணிகவியல் ஆசிரியர் ராஜகோபாலன் மீது மாணவிகள் பாலியல் தொல்லை புகார் கொடுத்தனர். ஆன்லைன் வகுப்புகளிலும் கூட ஆபாசமாக ராஜகோபாலன் நடந்து கொள்வதாகவும் குற்றச்சாட்டு எழுந்தது.
நடவடிக்கை எடுக்க கோரிக்கை
இதனையடுத்து ஆசிரியர் ராஜகோபாலன் மீது நடவடிக்கை எடுக்க வேண்டும் என்று பல்வேறு தரப்பினர் வலியுறுத்தினர். மேலும் ஆசிரியர் ராஜகோபாலனை பாதுகாக்க நினைத்தால் பத்ம சேஷாத்ரி பள்ளி நிர்வாகம் மீதும் நடவடிக்கை எடுக்க வேண்டும் என்றும் வலியுறுத்தப்பட்டது.

ஒய்ஜி மகேந்திரன் குடும்பம் விளக்கம்
இந்நிலையில் பத்ம சேஷாத்ரி பள்ளியின் அறக்கட்டளை உறுப்பினரான நடிகர் ஒய்.ஜி. மகேந்திரன், அவரது மகள் பாஜகவின் மதுவந்தி உள்ளிட்டோர் சமூக வலைதளங்களில் அடுத்தடுத்து விளக்கம் தந்து கொண்டே இருந்தனர். புகாரில் சிக்கிய ஆசிரியர் மீது பள்ளி நிர்வாகம் நடவடிக்கை எடுக்கும் எனவும் அவர்கல் உறுதி அளித்திருந்தனர்.

பள்ளியில் விசாரணை
இதனிடையே சென்னை .கே.கே.நகர் போலீசாரும் பத்ம சேஷாத்ரி பள்ளிக்குச் சென்று விசாரணை நடத்தினர். அதேபோல் குழந்தைகள் நல அலுவலரும் இந்த பள்ளியில் விசாரணை நடத்தி இருந்தார். தமிழக அமைச்சர் அன்பில் மகேஷும், இப்புகார் மீது உரிய நடவடிக்கை எடுக்கப்படும் என தெரிவித்திருந்தார்.

சர்ச்சை ஆசிரியர் சஸ்பெண்ட்
தற்போது பாலியல் புகாருக்கு உள்ளான பள்ளி ஆசிரியர் ராஜகோபாலன் சஸ்பெண்ட் (பணியிடை நீக்கம்) செய்யப்பட்டுள்ளதாக தெரிவிக்கப்பட்டுள்ளது. மேலும் ராஜகோபாலன் மீது போக்ஸோ சட்டத்தின் கீழ் போலீசார் நடவடிக்கை எடுக்க வாய்ப்புள்ளதாகவும் கூறப்படுகிறது.

நன்றி தட்ஸ்தமிழ்

**T.N.Balasubramanian** · **T.N.Balasubramanian** Mon 24 May 2021 - 18:59

IPS ஆபீசர் மீது ஒரு கேஸ் --இருந்ததே .......இருக்கிறதா?

சிவனாசான் · சிவனாசான் Tue 25 May 2021 - 20:53

மாணவிகள் மாணவர்கள் நன்கு படிக்க வேண்டி சில ஆசிரியர்கள் அதிக அக்கரை எடுக்கும் போது கண்டிக்கவேண்டி கட்டாயம் ஏற்பட்டு நடந்து கொண்டால் சில பெண்கள் ஒன்றுகூடி இப்படி ஓர் புகார் கொடுப்பதும் ஆசிரியரை சஸ்பெண்ட் செய்வதும் இடமாற்றம் செய்வதும் நடந்துவரும் செயல்கள் ஆனால் ஆசிரியரையே பயமுறுத்தும் பிள்ளைகளும் உண்டு கொலைசெய்வோரும் உண்டு இப்படிபட்ட பிள்ளைகளிடம் எப்படிபட்ட கல்வி திறன் இருக்கும். சில பெண்கள் கல்வி கற்க செல்வதில்லை ஆசிரியர் ஏதேனும் சிறு தவறு செய்கிறாரா அவரை எப்படியாவது அவர் கண்டிக்கும்போது அவரை இப்படி பட்ட வலையில் மாட்டி விட்டு வேடிக்கை பார்ப்பதும் உண்டு. எப்போ மாணவர்கள் ஆசிரியருக்கு மதிப்பு கொடுத்து கற்கிறார்களோ அப்போதான் ஆசிரியர் பணிக்கு மதிப்பும் மரியாதையும் ஏற்படும். கல்வி நிறுவணத்திற்கு கெட்டபெயர் ஏற்படுத்த எதிரிகள் மூலம் இதுபோன்ற பிரபகண்டா செய்வதும் உண்டு சரியாக விசாரித்து உண்மை அறியனும்.
எப்போ குருவை தெய்வமாக மதிக்கும் பிள்ளைகள் /பெண்கள் உருவாகுகிறார்களோ அப்போதான் கல்விதரம் உயரும் பண்பாடும் உயரும். ஆசியர்களும் தெய்வமாக மதிக்கப்படுவர்.

**Dr.S.Soundarapandian** · **Dr.S.Soundarapandian** Wed 26 May 2021 - 21:49

'சரியாக விசாரித்து உண்மை அறியனும்.' -

ஒருவரல்லர்! பலர் மணிக்கணக்கில் விசாரித்த பின்னரே, செல்போன், லேப்டாப் ஆகியவற்றையும் துருவிச் சான்றுகள் எடுத்த பின்னர்தான் , மேலும் பல மாணவியர் புகார் சொன்ன அடிப்படையில்தான் தண்டிக்கப்பட்டு:ள்ளார் கேகே நகர் பத்மா சேஷாத்ரி பள்ளி ராஜகோபாலன்!

‘IPS ஆபீசர் மீது ஒரு கேஸ் --இருந்ததே .......இருக்கிறதா?’ - ஒரு பதிவு!
இதனைக் கேகே நகர் பத்மா சேஷாத்ரி பள்ளி ராஜகோபன ‘கேஸ்’ வருவதற்கு முன் கேட்டிருந்தால் , பாராட்டியிருக்கலாம்! இப்போ கேட்பது , பிரச்சினையைத் திசைதிருப்ப என்பது எல்லோருக்கும் தெரிந்துவிடாதா என்ன?