1 வது டோஸ் கோவிஷீல்டு, 2 வது டோஸ் கோவாக்சின் - மாற்றி கொடுத்ததால் அச்சத்தில் உ.பி கிராமம்

-
உத்தரப் பிரதேச மாநிலத்தில் உள்ள ஒரு கிராமத்தில்
கிட்டத்தட்ட 20 பேருக்கு முதல் டோஸாக கோவிஷீல்டையும்
2 வது டோஸாக கோவாக்சினையும் கொடுத்த சம்பவம்
பரபரப்பை ஏற்படுத்தியுள்ளது.

லக்னோவில் இருந்து 270 கிலோமீட்டர் தொலைவில் உள்ள
ஆரம்ப சுகாதார மையத்தில் இந்தச் சம்பவம் அரங்கேறியுள்ளது.
அங்கு வசிக்கும் கிராமவாசிகளுக்கு ஏப்ரல் முதல் வாரத்தில்
முதல் டோஸாக கோவிஷீல்டு தடுப்பூசி போடப்பட்ட நிலையில்,
மே 14 ஆம் தேதி 2 வது டோஸாக கோவாக்சின் தடுப்பூசி
போடப்பட்டுள்ளது.

இந்தச் சம்பவம் குறித்து சித்தார்த் நகர் தலைமை மருத்துவ
அதிகாரி சந்தீப் கூறும் போது, “இது முழுக்க முழுக்க
அலட்சியத்தால் நிகழ்ந்திருக்கிறது. இவ்வாறு செயலாற்ற அரசு
தரப்பில் இருந்து எந்த உத்தரவும் வழங்கவில்லை.

இது குறித்து விசாரணை நடத்த உத்தரவிடப்பட்டுள்ளது.
அவர்கள் மீது நடவடிக்கை எடுக்கப்படும். தடுப்பூசி செலுத்திக்
கொண்டவர்களை எங்களது குழு தொடர்ந்து தொடர்பு கொண்டு
பேசி வருகிறது. அவர்கள் நலமாக உள்ளனர்” என்றார்.

தடுப்பூசிகளை எடுத்துக்கொண்ட கிராமவாசி ராம் சுரத் கூறும்
போது, “ஏப்ரல் 1 ஆம் தேதி முதல் டோஸாக கோவிஷீல்டை
எடுத்துக்கொண்ட நான் மே 14 ஆம் தேதி 2 வது டோஸாக
கோவாக்சினை எடுத்துக்கொண்டேன். யாரும் அதனை சரிபார்க்க
வில்லை. பயமாக இருக்கிறது.. இது கவலையளிப்பதாக இருக்கிறது.
இதுவரை யாரும் எங்களை தொடர்பு கொள்ளவில்லை” என்றார்.

-புதியதலைமுறை

கொரோனாவைக் கையாள்வதில் மிகவும்தான் சொதப்பல்!

பொறுப்பற்ற மருத்துவர்கள்.
மேலும் வடநாட்டில் ஆங்கில பிரயோகம் அதிகம் இல்லை.
குஜராத்திலும் ஆங்கில அறிவு உள்ள மருத்துவர்களை
காண்பது அறிதல்.(நாற்பது ஆண்டுகளுக்கு முன்பு .
இப்போது எப்பிடி என தெரியாது)
கோவாக்ஸின் /கோவிஷீல்ட் படிக்க தெரியாத குறையா?
அல்லது கணினியில் சரியாக பதிவேற்றவில்லையா?
இதற்கெல்லாம் மக்கள் தீர்ப்பளிப்பார்கள்.

1.டெல்லி: உத்தரப் பிரதேசத்தில் உள்ள ஒரு கிராமத்தில் மக்களுக்கு 2 டோஸ்களில் இரு வேறு கொரோனா தடுப்பூசிகள் அளிக்கப்பட்ட நிலையில், இதன் காரணமாக எவ்வித மோசமான பாதிப்பும் ஏற்பட வாய்ப்பில்லை என மத்திய அரசு தெரிவித்துள்ளது.
2.பாதிப்பு ஏற்படாது
இதன் காரணமாக அந்த 20 பேருக்கு உடல்நிலை பாதிக்கப்படுமோ என்ற அச்சமும் எழுந்திருந்தது. இந்நிலையில், இது குறித்து நிதி ஆயோக் உறுப்பினர் வி கே பால் கூறுகையில்,"இது கவனத்தில் எடுக்கப்பட வேண்டிய ஒரு விஷயம். இது குறித்துக் கூடுதல் புரிதலுக்கு நாம் சற்று காத்திருக்க வேண்டும். ஆனால் இரண்டு வெவ்வேறு தடுப்பூசிகள் அளிப்பதால் எந்த பிரச்சினையும் ஏற்படாது. இருப்பினும் இது குறித்துக் கூடுதல் ஆய்வுகள் தேவை" என்று அவர் தெரிவித்தார்.
3.நடவடிக்கை
தடுப்பூசியை இப்படி மாற்றி அளிக்குமாறு அரசு எவ்வித உத்தரவையும் பிறப்பிக்கவில்லை என்று தெரிவித்த மாவட்ட தலைமை மருத்துவ அலுவலர் சந்தீப் சவுத்ரி, இது குறித்துச் சம்பந்தப்பட்ட அதிகாரிகளிடம் விளக்கம் கோரப்பட்டுள்ளதாகவும் தவறு செய்தவர்கள் மீது நிச்சயம் நடவடிக்கை எடுக்கப்படும் என்றும் அவர் தெரிவித்தார். முன்னதாக, கடந்த வாரம் மகாராஷ்டிராவிலும் 72 வயது முதியவருக்கு முதல் டோஸில் கோவாக்சின், 2ஆவது டோஸில் கோவிஷீல்டு அளிக்கப்பட்டது பெரும் பரபரப்பை ஏற்படுத்தியது.
4.சர்வதேச ஆய்வு
தடுப்பூசிகளை இப்படி மிக்ஸ் செய்து அளிப்பதால் தடுப்பாற்றல் அதிகரிக்கிறதா என்பது குறித்த சோதனைகளை உலகின் பல்வேறு நாடுகளிலும் நடைபெற்று வருகிறது. இரண்டு வாரங்களுக்கு முன்பு இப்படி மிக்ஸ் செய்து தடுப்பூசி அளிப்பது குறித்து தி லான்செட்டில் ஆய்வு இதழில் கட்டுரை ஒன்று வெளியிடப்பட்டது. அதில் முதல் டோஸ் கோவிஷீல்ட் மற்றும் இரண்டாவது டோஸ் பைசர் தடுப்பூசிகளை எடுத்துக் கொள்பவர்களுக்குக் குறுகிய கால பக்க விளைவுகள் அதிகமாக இருப்பதாக கூறப்பட்டுள்ளது.
5.இந்தியாவுக்கு லாபம்
இருப்பினும், அவை தடுப்பாற்றலை எந்தளவு அதிகரிக்கிறது என்பது குறித்து அதில் எதுவும் கூறப்படவில்லை. இருப்பினும், இப்படி மிக்ஸ் செய்து தடுப்பூசிகளை அளிக்கும்போது தடுப்பாற்றல் அதிகமாவது தெரியவந்தால், அது இந்தியாவுக்கு பெரும் பலனைத் தரும். நாட்டில் தற்போது தடுப்பூசிக்குப் பற்றாக்குறை ஏற்பட்டுள்ள நிலையில், அதைச் சமாளிக்க இது உதவும்.

நன்றி தட்ஸ்தமிழ்.
சுருக்கப்பட்ட பதிவு.