அரசியல் இருக்கும் வரை மக்கள் நீதி மய்யம் இருக்கும் -- கமல்ஹாசன்

என் உயிருள்ளவரை அரசியலில் இருப்பேன். அரசியல் இருக்கும் வரை மக்கள் நீதி மய்யம் இருக்கும் என்று கமல்ஹாசன் தெரிவித்துள்ளார்

உருமாறிய மக்கள் நீதி மய்யத்தை அனைவரும் விரைவில் காண்பார்கள்
விதை வீழ்ந்தாலும் மண்ணை பற்றி விட்டால், விரைவில் அது காடாகும்
கூட்டணி வைத்துக் கொள்வதில் நாம் காட்டிய வெளிப்படைத்தன்மை அனைவரும் அறிந்ததே
மக்கள் நீதி மய்யம் கட்சியின் துணைத் தலைவராக இருந்த ஆர்.மகேந்திரன், பொதுச்செயலர் குமரவேல், நந்தகுமார், முன்னாள் ஐஏஎஸ் அதிகாரி சந்தோஷ்பாபு, மதுரவாயல் தொகுதியில் போட்டியிட்ட பத்மபிரியா உள்ளிட்ட பலர் அக்கட்சியில் இருந்து விலகியுள்ளனர். கட்சி வெளிப்படைத்தன்மை இல்லாமல், ஜனநாயக விரோத முறையில் செயல்பட்டு வருவதாகவும், கமல் ஒரு சில நபர்களால் தவறாக வழிநடத்தப்படுவதாகவும் கட்சியில் இருந்து விலகிய சிலர் குற்றம் சாட்டியுள்ளனர்.

இந்த நிலையில் இவற்றுக்கெல்லாம் விளக்கம் அளிக்கும் வகையில் மக்கள் நீதி மய்யம் கட்சித் தலைவர் கமல்ஹாசன் வீடியோ ஒன்றை தனது ட்விட்டர் பக்கத்தில் வெளியிட்டுள்ளார். அதில், பொய்க் குற்றச்சாட்டுகளை சுமத்துபவர்களுக்கு பதில் சொல்ல வேண்டிய அவசியமில்லை. அவர்களுக்கு காலம் பதில் சொல்லும். தோல்வியை ஆராய்ந்து அதில் வெற்றிப் பாடம் கற்பது நாம் கண்ட சரித்திரம். கூட்டணி வைத்துக் கொள்வதில் நாம் காட்டிய வெளிப்படைத்தன்மை அனைவரும் அறிந்ததே என்று கமல்ஹாசன் தெரிவித்துள்ளார்.

ஊரடங்கினாலும்,வாய் அடங்காது என்பதற்கு பல உதாரணங்கள் உண்டு. அது உதாரணமாக நாம் ஆகிவிடக்கூடாது. அவற்றில் ஒன்றாக நாம் ஆகிவிடக்கூடாது என்று அறிவுறித்தியுள்ள கமல்ஹாசன், “மாற்றங்கள் என்றும் மாறாமல் நடந்து கொண்டே இருக்கும். அரசியல் மாற்றம் நாட்டில் ஏற்பட நாம் ஏற்றிய கொடி பறந்து கொண்டிருக்கிறது. நேர்மை வழியில் மாற்றத்தை தேடுபவர்களாய், நாம் உள்ளவரையில் நம் கொடி புத்தொளியுடன் பறந்து கொண்டே இருக்கும். மூச்சுள்ளவரை அதன் பாதுகாவலராய் நான் இருப்பேன். நான் ஒரு விதைதான். இந்த விதை வீழ்ந்தது வீழ்த்துவோம் என்று கொக்கரிக்கும் பழைய புள்ளிகளுக்கும், சுள்ளிகளுக்கும் ஒரு செய்தி. விதை வீழ்ந்தாலும் மண்ணை பற்றி விட்டால், விரைவில் அது காடாகும். நாளை நமதாகும்” என்றும் தெரிவித்துள்ளார்.

நன்றி சமயம்

"தோல்வியை ஆராய்ந்து அதில் வெற்றிப் பாடம் கற்பது நாம் கண்ட சரித்திரம்." -
நூற்றில் ஒரு வார்த்தை !

Code:

நான் ஒரு விதைதான். இந்த விதை வீழ்ந்தது வீழ்த்துவோம் என்று கொக்கரிக்கும் பழைய புள்ளிகளுக்கும், சுள்ளிகளுக்கும் ஒரு செய்தி. விதை வீழ்ந்தாலும் மண்ணை பற்றி விட்டால், விரைவில் அது காடாகும். நாளை நமதாகும்” ----கமல்ஹாசன்

மண்ணை பற்றிவிட்டால்.........சரிதான்.
விழுமிடம் நல்ல மண்ணாக இருக்கவேண்டும்.
நீர் வசதி செய்யவேண்டும்
பாலைவனமாக இருக்கக்கூடாது.