ஐசிசி டெஸ்ட் தரவரிசை; அசைக்க முடியாத இடத்தில் அஸ்வின்: பேட்டிங்கில் 3 இந்திய வீரர்கள்

**T.N.Balasubramanian** · **T.N.Balasubramanian** Wed May 12, 2021 9:06 pm

சர்வதேச கிரிக்கெட் கவுன்சில் இன்று வெளியிட்ட டெஸ்ட் போட்டி வீரர்களுக்கான தர வரிசையில், இந்திய அணியின் சுழற்பந்துவீச்சாளர் ரவிச்சந்திரன் அஸ்வின் 2-வது இடத்துக்கு முன்னேறியுள்ளார்.
ஐசிசி டெஸ்ட் தரவரிசை; அசைக்க முடியாத இடத்தில் அஸ்வின்: பேட்டிங்கில் 3 இந்திய வீரர்கள் 670101

ஐசிசி டெஸ்ட் தரவரிசை; அசைக்க முடியாத இடத்தில் அஸ்வின்: பேட்டிங்கில் 3 இந்திய வீரர்கள் 670101

டெஸ்ட் போட்டிகளுக்கான பந்துவீச்சாளர் பட்டியலில் இந்திய வீரராக அஸ்வின் மட்டுமே இடம் பெற்றுள்ளார். 850 புள்ளிகளுடன் அஸ்வின் 2-வது இடத்தில் உள்ளார். 908 புள்ளிகளுடன் பாட் கம்மின்ஸ் முதலிடத்தில் உள்ளார்.

இந்திய அணியின் வேகப்பந்துவீச்சாளர் ஜஸ்பிரித் பும்ரா 11-வது இடத்துக்குச் சரிந்துள்ளார். பேட்ஸ்மேன்கள் வரிசையில் இந்திய வீரர்களில் விராட் கோலி 5-வது இடத்திலும், ரிஷப் பந்த் 6-வது இடத்திலும், ரோஹித் சர்மா 8-வது இடத்திலும் உள்ளனர்.

ஐசிசி டெஸ்ட் தரவரிசை; அசைக்க முடியாத இடத்தில் அஸ்வின்: பேட்டிங்கில் 3 இந்திய வீரர்கள் 1620819670756

ஐசிசி டெஸ்ட் தரவரிசை; அசைக்க முடியாத இடத்தில் அஸ்வின்: பேட்டிங்கில் 3 இந்திய வீரர்கள் 1620819670756

ஜிம்பாப்வேக்கு எதிரான டெஸ்ட் போட்டியில் பாகிஸ்தான் வேகப்பந்துவீச்சாளர் ஷாகீன் அப்ரிடி, ஹசன் அலி, நுமான் அலி ஆகியோர் சிறப்பான பந்துவீச்சை வெளிப்படுத்தினர். இதையடுத்து, 6 இடங்கள் நகர்ந்து 14-வது இடத்துக்கு ஹசன் அலி முன்னேறியுள்ளார். ஷாகீன் அப்ரிடி 9 இடங்கள் முன்னேறி 22-வது இடத்துக்குச் சென்றார். நுமான் அலி 54-வது இடத்திலிருந்து 46-வது இடத்துக்கு நகர்ந்துள்ளார். இந்த மூவருக்கும் இது சிறப்பான தரவரிசையாகும்.

ஜிம்பாப்வேக்கு எதிரான 2-வது டெஸ்ட் போட்டியில் இந்த மூவரும் தலா 5 விக்கெட்டுகளை வீழ்த்தினர். ஒரு டெஸ்ட்டில் 3 பந்துவீச்சாளர்கள் 5 விக்கெட்டுகளை வீழ்த்துவது 28 ஆண்டுகளுக்குப் பின் இதுதான் முதல் முறையாகும். இதற்கு முன் கடைசியாக 1993ஆம் ஆண்டு இங்கிலாந்துக்கு எதிராக பால் ரீபெல், ஷேன் வார்ன், டிம் மே ஆகியோர் தலா 5 விக்கெட்டுகளை வீழ்த்தினர்.

பாகிஸ்தான் பேட்ஸ்மேன் அபித் அலி 215 ரன்கள் சேர்த்ததையடுத்து தரவரிசையில் 38-வது இடத்துக்கு முன்னேறியுள்ளார். அசார் அலி 16-வது இடத்துக்கு முன்னேறியுள்ளார்.

நன்றி தமிழ் ஹிந்து

**ரா.ரமேஷ்குமார்** · 23/01/2011

சில ஆண்டுகள் அஸ்வின் முழுவதுமாக புறக்கணிக்கப்பட்டார் இல்லையெனில் டெஸ்ட் போட்டிகளில் பல சாதனைகளை முறியடித்திருப்பார்.. எனக்கு மிகவும் பிடித்த வீரர்.. இப்பொழுது ஆல்ரண்டர்கள் வரிசையிலும் வலுவாக உள்ளார்..

இன்னும் பல வெற்றி முகுடங்களை சூட வாழ்த்துக்கள்..

**T.N.Balasubramanian** · **T.N.Balasubramanian** Thu May 13, 2021 5:24 pm

இப்போது நல்ல பார்மில் இருக்கிறார்.
2/3 வருடங்களுக்கு முன் டெஸ்ட் விளையாட்டுகளில் அஸ்வின் அகில இந்திய அளவில் புறக்கணிக்கப்பட்டார் . தலைமை தோனி /சாஸ்திரி
நடுவில் யார்க்க்ஷைர் டீமிற்கும் விளையாட சென்றார் என எண்ணுகிறேன்.
CSK யிலும் தவிர்க்கப்பட்டார் .தலைமை கொடுக்கப்படவேண்டுமென இருக்குமோ.?
பஞ்சாப் ஐபிஎல் தலைமையில் அதிகம் சோபிக்கவில்லை.
சிலருக்கு சில காலங்கள் மங்கலாக இருக்கின்றன.
சில காலங்கள் மங்கலமாக இருக்கின்றன.
வாழ்த்துவோம்.
அஸ்வின் எங்கள் தெருக்காரர். 6 வீடு தள்ளி இருக்கிறார்.
அவரை நன்கு அறிவேன்

(அவருக்கு என்னை தெரியாது)

**ரா.ரமேஷ்குமார்** · 23/01/2011

சிறிய வயதில் தெருக்களில் அவர் விளையாடும் பொழுது அவரை மிரட்டியிருப்பீர்கள் என நினைக்கிறேன் அய்யா..

நிச்சயம் உங்களை அறிவார் .. இப்பொழுது இல்லையெனினும் சிறுவயதிலாவது உங்களை பார்த்திருப்பார் அறிந்திருப்பார்..

**T.N.Balasubramanian** · **T.N.Balasubramanian** Fri May 14, 2021 11:18 am

பார்த்திருக்கலாம் .
அவர்தாம் இவர் என அறியாமலும் இருந்திருக்கலாம்.
கிரிக்கெட் உலகத்திற்கு அவர் சேவை செவ்வனே வளர்க.
அவர் வாழ்க .

Sponsored content · Sponsored content

ஐசிசி டெஸ்ட் தரவரிசை; அசைக்க முடியாத இடத்தில் அஸ்வின்: பேட்டிங்கில் 3 இந்திய வீரர்கள்

ஐசிசி டெஸ்ட் தரவரிசை; அசைக்க முடியாத இடத்தில் அஸ்வின்: பேட்டிங்கில் 3 இந்திய வீரர்கள்

Re: ஐசிசி டெஸ்ட் தரவரிசை; அசைக்க முடியாத இடத்தில் அஸ்வின்: பேட்டிங்கில் 3 இந்திய வீரர்கள்

Re: ஐசிசி டெஸ்ட் தரவரிசை; அசைக்க முடியாத இடத்தில் அஸ்வின்: பேட்டிங்கில் 3 இந்திய வீரர்கள்

Re: ஐசிசி டெஸ்ட் தரவரிசை; அசைக்க முடியாத இடத்தில் அஸ்வின்: பேட்டிங்கில் 3 இந்திய வீரர்கள்

Re: ஐசிசி டெஸ்ட் தரவரிசை; அசைக்க முடியாத இடத்தில் அஸ்வின்: பேட்டிங்கில் 3 இந்திய வீரர்கள்

Re: ஐசிசி டெஸ்ட் தரவரிசை; அசைக்க முடியாத இடத்தில் அஸ்வின்: பேட்டிங்கில் 3 இந்திய வீரர்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக