ஊரடங்கில் புதிய கட்டுப்பாடு: தமிழக அரசு திடீர் உத்தரவு!

ஊரடங்கு அமலுக்கு வரவுள்ள நிலையில், தொழிற்சாலைகளுக்கான புதிய கட்டுப்பாடுகளை விதித்து தமிழக அரசு உத்தரவிட்டுள்ளது

பொது முடக்கம்
ஹைலைட்ஸ்:
இரு சக்கர வாகனங்களில் பணியாளர்கள் பணிக்கு சென்றுவர அனுமதிக்கப்பட மாட்டார்கள்
பணிக்கு அழைத்து வர நான்கு சக்கர வாகனங்களை ஏற்பாடு செய்து கொள்ள வேண்டும்

கொரோனா பரவல் தடுப்பு நடவடிக்கையாக நாளை முதல் தமிழகத்தில் தளர்வுகளற்ற
ஊரடங்கு அமலுக்கு வரவுள்ளது. இந்த ஊரடங்கின்போது மிக இன்றியமையாத சில பணிகளுக்கு மட்டும் விலக்கு அளிக்கப்பட்டுள்ளது. தொழிற்சாலைகளைப் பொறுத்தவரை அத்தியாவசியப் பொருள்களைத் தயாரிக்கும் தொழிற்சாலைகள் மற்றும் தடையின்றி தொடர்ந்து செயல்பட வேண்டிய தொடர் செயல்முறைத் தொழிற்சாலைகள் ஆகியவை மட்டும் தடையின்றி செயல்பட அனுமதி அளிக்கப்பட்டுள்ளது.

அதேபோல், துறைமுகங்கள், விமான நிலையங்கள், சரக்கு கிடங்குகள், தொலை தொடர்பு சேவைகள், அத்தியாவசிய தரவு மையங்கள் பராமரிப்பு பணிகளும் அனுமதிக்கப்பட்டுள்ளன. இந்த தொழிற்சாலை பணியாளர்கள் பணிக்கு சென்றுவர ஏற்கெனவே இபதிவு முறையில் பதிவு செய்துள்ளார்கள்.

இந்த நிலையில், மேற்கண்ட தடையின்றி செயல்பட அனுமதிக்கப்பட்டுள்ள தொழிற்சாலைகளில், ஏற்கனவே பதிவு செய்துள்ள வாகனங்களில் நான்கு சக்கர வாகனங்கள் ஆகியவற்றுக்கு மட்டும் அனுமதி புதுப்பித்து அளிக்கப்படும். இரு சக்கர வாகனங்களில் பணியாளர்கள் பணிக்கு சென்றுவர 25ஆம் தேதி முதல் அனுமதிக்கப்பட மாட்டார்கள் என்று தமிழக அரசு உத்தரவிட்டுள்ளது.
எனவே, இத்தொழிற்சாலைகள் தங்கள் பணியாளர்களை பணிக்கு அழைத்து வர நான்கு சக்கர வாகனங்களை ஏற்பாடு செய்துகொள்ளுமாறு கேட்டுக் கொள்ளப்பட்டுள்ளனர். மேலும், இந்த நான்கு சக்கர வாகனங்களை இபதிவு முறையில்
https://eregister.tnega.org என்ற வலைதளத்தில் பதிவு செய்து கொள்ளலாம். இபதிவு செய்து அதனடிப்படையில் வழங்கப்பட்ட பாஸ்களின் அடிப்படையில் காவல்துறையினர் இவ்வாகனங்களை அனுமதிப்பர். இரு சக்கர வாகனங்களின் அனுமதிகளை தவிர மற்ற விலக்களிக்கப்பட்ட தொழிற்சாலைகளுக்கான இபதிவு தானாகவே புதுப்பிக்கப்படும் என்றும் தெரிவிக்கப்பட்டுள்ளது.

நன்றி சமயம்.

ஏனிந்த புதிய கட்டுப்பாடு?
இதனால் எதை சாதிக்கப்போகிறார்கள்?
எல்லோருக்கும் நான்கு சக்கர வண்டிகள் ஏற்பாடு செய்யமுடியுமா?
உதாரணமாக ஒரு நிறுவனத்திற்கு, தொண்டையார்பேட்டில் இருந்து சிலர் டீ நகரில் இருந்து சிலர் .பல்லாவரம் தாம்பரம் திசையில் இருந்து சிலர், இதை செய்ய முடியுமா? போறும்டா மக்கள் சேவை என்று எல்லோருக்கும் லீவு கொடுத்து விடவேண்டியதுதான் என்ற மனோ நிலைக்கு தள்ளப்படுவார்கள் என எண்ணுகிறேன்.

மாற்றம் வருமோ?

நேற்றும் இன்றும் மக்கள் சமூக இடைவெளியின்றி
காய்கறி வாங்கவும் மளிகை & ஜவுளி வாங்கவும்
சுற்றித் திரிந்துள்ளார்கள்!
-
நிரந்த தீர்வு தடுப்பூசி போடும் பணியை விரைவு
படுத்துவதுதான்!

நம் மக்களின் மனோநிலை கண்டு வெட்கம்தான் படவேண்டி உள்ளது.
அது ஒரு புறம் இருக்க இரு சக்கர வாகனத்தடை ஏன் என்பதே கேள்வி?