கல்யாணந்தான் கட்டிகிட்டு ஓடிப்போலாமா?

by **சிவா** Sat Jan 16, 2010 3:16 am

முன்னொரு காலத்தில் மலையை அடுத்த அடர்ந்த காட்டில் ஒரு அண்டங்காக்கை வாழ்ந்து வந்தது. அதற்கு நீண்ட காலமாக திருமணம் ஆகவில்லை. எப்போதும் ஒரே இனத்திலேயே திருமணம் செய்ய வேண்டுமா? மாறி செய்தால்தானே அழகு அழகு குழந்தைகள் பிறக்கும். இந்தக் காட்டில் வசிக்கும் சிட்டுக் குருவி ரொம்ப க்யூட்டா இருக்கு. அதை கல்யாணம் செய்துகிட்டா எனக்கும் அழகு அழகா குழந்தைகள் பிறக்கும் என நினைத்தது.

ஒரு நாள் இரண்டு சிறு புழுக்களை அலகில் எடுத்துக் கொண்டு, சிட்டுக்குருவி இருக்கும் கொய்யாமரத்தை அடைந்தது. அண்டங்காக்கையின் ஆசையை சிட்டுக்குருவி வேறு பறவைகளின் மூலமாக அறிந்து இருந்தது. ஆகவே, அது அண்டங்காக்கையை அன்போடு வரவேற்றது. சிட்டுக்குருவிக்கு புழுக்களைப் பரிசாகக் கொடுத்தது. அதை ஏற்றுக் கொண்ட சிட்டுக்குருவி, அண்டங்காக்கைக்கு வேறு பல ஆகாரங்களைக் கொடுத்து உபசாரம் செய்தது. இரண்டும் சிறிது நேரம் பேசிக் கொண்டிருந்தன. அப்போது அண்டங்காக்கை, ""நீ ஏன் இவ்வளவு சிறியதாக இருக்கிறாய்?'' என்று கேட்டது.

""நான் மிகவும் இளையவள், எனக்கு இன்னும் வயதாகவில்லை. வயதாக வயதாக, உன் அளவிற்குப் பருத்துவிடுவேன்,'' என்றது சிட்டுக்குருவி. பரவாயில்லை, தனக்கு மனைவியாக வரும் சிட்டுக்குருவி மிகவும் சிறிய பெண் என்பதால், அண்டங்காக்கைக்கு குஷி தாங்கல. மதிய நேரம் நெருங்கியது. அண்டங்காக்கையின் அறுவையான பேச்சை பொறுத்துக்க முடியல... ஸோ இன்ட்ரஸ்டிங் மேட்டர் இருந்தா சொல் லுங்க,'' என்றது.

""இந்த மலையை அடுத்த கிராமத்தில் என் மாமாவுடன் ஒருநாள் இரை தேடிச் சென்றேன். அப்போது, ஓர் அவரைக் கொடியைப் பார்த்தேன். அடே அப்பா, எவ்வளவு உயரம் தெரியுமா? ஒரு நத்தை அதன் மீது ஏறிச் சென்றால் மேகத்திற்குள் ஒளிந்து கொள்ளலாம். அவ்வளவு உயரம்,'' என்றது காகம்.

""ப்பூ... இவ்வளவுதானா? இதை விட உயரமான அவரைக் கொடியை நான் சென்ற வருடம் மழைக்காலத்தில் பார்த்திருக்கிறேன். அந்தக் கொடியின் உச்சி ஆகாயத்தில் மறைந்து விட்டது. வெட்டுக்கிளி அதன் மீது தத்தி தத்தித் தாவிச் சென்றால் சூரியனின் பக்கத்தில் சென்று, தனது சுருட்டை கொளுத்திக் கொள்ளலாம். அவ்வளவு உயரம்,'' என்றது.

இதைக் கேட்டதும், அண்டங்காக்கைக்கு ஒரு மாதிரியாக ஆகிவிட்டது. உடனே அண்டங்காக்கை, ""ஆகா ஞாபகம் வந்துவிட்டது. மூன்று வருடங்களுக்கு முன்னால், அதோ தெரியும் கிராமத்தில் ஒரு புயல்காற்று அடித்தது. மரங்கள் விழுந்தன. மனிதர்களால் நடக்கவே முடியவில்லை. அவர்கள் குழந்தையைப் போல நான்கு கால்களால் தவழ்ந்தபடியே, ஒரு இடத்தில் இருந்து மற்றொரு இடத்திற்குச் சென்றனர். ஆறு மாதங்கள் அந்தப் புயல் விடாமல் அடித்தது,'' என்றது.
""ஓ நோ... ஐந்து வருடங்களுக்கு முன்னால் இதே கிராமத்தில் ராட்சதப் புயல் அடித்தது. அப்போது இந்த ஊரில் இருந்த சிறிய குன்று ஒன்று, பறந்து போய் பக்கத்து ஊரில் விழுந்தது. இப்போது கூட அந்தக் குன்றை நீ அடுத்த ஊருக்குச் சென்றால் பார்க்கலாம்,'' என்றது.

"நான் எதைச் சொன்னாலும், சிட்டுக்குருவி அதைவிடப் பெரியதாக ஒன்றை சொல்லி மட்டம் தட்டிவிடுகிறதே. இதை எப்படி மடக்குவது?' என்று அண்டங்காக்கை பலமாக யோசித்தது.

""பத்து வருடங்களுக்கு முன்னால், இந்த மலையடிவார கிராமத்தில் தங்க மழை பொழிந்தது. மக்கள் தங்கக் காசுகளை வாரிக் கொண்டு சென்றனர் தெரியுமா? அப்பா... அப்பா... எவ்ளோ தங்கம்... சான்சே இல்ல,'' என்றது.
"சிட்டுக்குருவியால் இதைவிடப் பெரிய நிகழ்ச்சியைக் கற்பனை செய்ய முடியாது' என்று அண்டங்காக்கை நினைத்தது. ஆனால் சிட்டுக்குருவி, ""இது என்ன பெரிய தங்க மழை? இருபது வருடங்களுக்கு முன்னால் நடந்த அந்த நிகழ்ச்சி, இன்னும் கூட என் மனதைவிட்டு மறையாமல் நேற்று நடந்ததைப் போல பசுமையாக நினைவில் இருக்கிறது. அது கிறிஸ்துமஸ் சீசன். அந்தக் குளிர் நேரத்தில் நவரத்தின மழை பொழிந்தது. ஊரெங்கும் நவரத்தினங்கள் கொட்டிக் கிடந்தன. அள்ள முடியாத அளவிற்கு மக்கள் அள்ளிக் கொண்டு சென்றனர்...'' என்றது.

இதற்கு என்ன பதில் சொல்வது என்று புரியாமல், ""ஆமாம், அந்தக் காலத்தில் என்ன வேண்டுமானாலும் நடந்திருக்கலாம்... ஓகே... எனக்கு ரொம்ப வேலை இருக்கு. நான் அப்புறம் வர்றேன்!'' என்றது.

சிட்டுக்குருவி காதலோடு அண்டங்காக்கையைப் பார்த்தது.

இந்தச் சிட்டுக்குருவியை கல்யாணம் கட்டிகிட்டு ஓடிப்போலாமான்னு கேட்க வந்தா இத்தனை பேச்சு பேசுறாளே... இருபது வருஷத்துக்கு முந்தைய கதையை எல்லாம் சொல்லும் இவ நிச்சயமா கெழவியாதான் இருப்பா... அத்துடன் என்ன பேச்சு பேசுறா... சுத்த வாயாடியா இருப்பா போலிருக்கே. புருஷன் என்ன சொன்னாலும் கேட்டுகிட்டு ஆமாம் போடுறவதான் உண்மையான மனைவி. இந்த வாயாடி நமக்கு சரிவர மாட்டா... நம்ப இனத்திலேயே ஒரு அண்டங் காக்கையை பிடிச்சிக்க வேண்டியதுதான்!'' என்று நினைத்தபடியே பறந்து சென்றது.

ஒரு மர்மப்புன்னகையுடன் சிட்டுக்குருவி தூங்கச் சென்றது.

by தாமு Sat Jan 16, 2010 4:56 am

இந்தச் சிட்டுக்குருவியை கல்யாணம் கட்டிகிட்டு ஓடிப்போலாமான்னு கேட்க வந்தா இத்தனை பேச்சு பேசுறாளே... இருபது வருஷத்துக்கு முந்தைய கதையை எல்லாம் சொல்லும் இவ நிச்சயமா கெழவியாதான் இருப்பா... அத்துடன் என்ன பேச்சு பேசுறா... சுத்த வாயாடியா இருப்பா போலிருக்கே. புருஷன் என்ன சொன்னாலும் கேட்டுகிட்டு ஆமாம் போடுறவதான் உண்மையான மனைவி. இந்த வாயாடி நமக்கு சரிவர மாட்டா... நம்ப இனத்திலேயே ஒரு அண்டங் காக்கையை பிடிச்சிக்க வேண்டியதுதான்!'' என்று நினைத்தபடியே பறந்து சென்றது....

கல்யாணந்தான் கட்டிகிட்டு ஓடிப்போலாமா? 838572