கோவையில் 'கொரோனா தேவி' சிலை: 48 நாட்கள் சிறப்பு பூஜை!

by **ayyasamy ram** Thu May 20, 2021 6:48 am

-
கொரோனாவிலிருந்து தப்பிக்க, கோவையில்
, 'கொரோனா தேவி' சிலையை உருவாக்கி அதற்கு
பூஜைகள் செய்ய துவங்கியுள்ளனர்.கோவை
காமாட்சிபுரி பகுதியிலுள்ள 51வது சக்தி பீடத்தில்
இந்த சிலை வைக்கப்பட்டுள்ளது.

இது தொடர்பாக காமாட்சிபுரி ஆதீனம்
ஸ்ரீசிவலிங்கேஸ்வரா ஊடகங்களுக்கு அறிக்கை
வெளியிட்டுள்ளார். அந்த அறிக்கையில்
தெரிவித்துள்ளதாவது:

கோவிட்19 என்ற வைரஸ், மக்களின் வாழ்க்கையை
பெரிதும் பாதித்துள்ளது. இதை மனதில் வைத்து,
கொரோனா தேவி சிலையை வடித்துள்ளோம்.

பிளேக் நோய் பரவியபோது, பிளேக் மாரியம்மன்
சிலை வடிவமைக்கப்பட்டு வழிபடப்பட்டது.
காலரா, பிளேக் போன்ற கொள்ளை நோய்களின்
போது, தங்களை காப்பாற்ற, அம்மனை வழிபட்டது
வரலாறு.

கடவுள் மட்டுமே ஒரே நம்பிக்கை என்ற நிலையில்,
இதுபோல சிலைகள் வடிக்கப்பட்டு வழிபாடுகள்
நடந்துள்ளன. அதே மாதிரிதான், கொரோனாவின்
கோரத் தாண்டவத்தை நிறுத்த, கொரோனா தேவி
சிலையை வடித்துள்ளோம்

.48 நாட்கள் மகா யக்ஞம் நடத்தி, வழிபடுவோம்.
பக்தர்களுக்கு இந்த காலகட்டத்தில் பூஜையில்
கலந்து கொள்ள அனுமதியில்லை.
கோவில் பூசாரிகள் மட்டுமே பூஜைகள்
நடத்துவார்கள்.

மாரியம்மன், மாகாளியம்மன் வழிபாட்டை போலவே,
கொரோனா தேவி வழிபாடும் முக்கியமானது.
இவ்வாறு அதில் தெரிவிக்கப்பட்டுள்ளது.

தினமலர்

by **Dr.S.Soundarapandian** Thu May 20, 2021 10:07 am

கொரோனாவுக்குத் தேவி அந்தஸ்து ........ ... ......!? அதிர்ச்சி

by Guest Thu May 20, 2021 11:15 am

வாழ்த்துகள். கத்தோலிக்க கடவுளான கொரொனா தேவிக்கு பூசை செய்து வழிபடும் இந்துக்கள்.
வாழ்க மதச்சார்பின்மை.

by **T.N.Balasubramanian** Fri May 21, 2021 3:18 pm

நல்ல வேளை .
1920-21 ஆக இருந்தால் ஸ்பானிஷ் ஃப்ளூவிற்கும் ஒரு கோயில் தோன்றி இருக்கும்.

by Guest Fri May 21, 2021 11:53 pm

கோவையில் 'கொரோனா தேவி' சிலை: 48 நாட்கள் சிறப்பு பூஜை! Plague-amman-temples-5

பெங்களூரில் உள்ள பிளேக் அம்மன்
கோவையில் 'கொரோனா தேவி' சிலை: 48 நாட்கள் சிறப்பு பூஜை! 17-1516190923-srivasavikannikaparameshwari1-1621671313

கோவையில் பிளேக் நோயால் இறந்ததை நினைவூட்டும் வகையில் 150 வருடங்களுக்கு முன்ன்ர் ஆரம்பிக்கப்பட்ட பிளேக் அம்மன் கோயில்.அதிகமானோர் அன்று இறந்தனர்.

ஆஸ்திரியா நாட்டில் உள்ள கொரொனா தேவி (saint corona-வாழ்ந்த காலம் கி.பி.176 ) தேவாலயம்.
சில கிறிஸ்தவர்கள் (இத்தாலி,ஆஸ்திரியா,ஜேர்மனி ..போன்ற ஐரோப்பிய-மற்றும் சில ஆசிய நாடுகளில்) தொற்று நோய்க்கான தெய்வமாக 400 ஆண்டுகளுக்கு மேலாக வணங்கி வருகிறார்கள்.

(இணையம்)

by **Dr.S.Soundarapandian** Sat May 22, 2021 10:05 am

by **T.N.Balasubramanian** Sat May 22, 2021 8:38 pm

திரு சக்தியின் பதிவில் இருந்த ஆங்கில தகவல் பதிவுகள் நீக்கப்பட்டன.
பெங்களூரு பிளேக் அம்மன் படம் --தட்ஸ்தமிழுக்கு நன்றி.

by Guest Sun May 23, 2021 11:34 am

நன்றி. அது ஒரு படக்கோப்பு (img file) அதில் இருக்கும் குறிப்பு தேவையற்றது.இப்படியான கோயில்கள் முன்னரே இருக்கின்றன என்பதை தெரியப்படுத்தும் வகையில் அப்படியே பதிவிடப்பட்டது.
படத்தை மட்டும் பிரதி எடுத்து பதிவேற்றும் வசதி சமீப காலமாக ஈகரையில் இயங்கவில்லை.
அதனால் அப்படியே இணைய பொது விதிகளை மீறாத வகையில் பதிவிடப்பட்டது.
ஆங்கிலப் பதிவுகளை ஏற்கனவே வெறுப்பவன் என்பது தெரிந்ததே. அதனால் நீக்கப்பட்டதற்கு எந்த வருத்தமும் கிடையாது.