Latest topics

ஆகஸ்டு 1-ந் தேதி முதல் சவுதி அரேபியாவில் அனைத்து பணிகளுக்கும் கொரோனா தடுப்பூசி கட்டாயம் - அரசு அதிரடி உத்தரவு

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

ஆகஸ்டு 1-ந் தேதி முதல் சவுதி அரேபியாவில் அனைத்து பணிகளுக்கும் கொரோனா தடுப்பூசி கட்டாயம் - அரசு அதிரடி உத்தரவு

Post by ayyasamy ram Thu May 20, 2021 6:39 am

சவுதி அரேபியாவில் கடந்த ஆண்டு டிசம்பர் 18-ந் தேதி
முதல் கொரோனா தடுப்பூசி செலுத்தும் பணிகள்
தொடங்கின. கொரோனாவை ஒழிப்பதற்கான ஒரே
ஆயுதம் தடுப்பூசி போட்டுக் கொள்வது தான் என்பதால்
தடுப்பூசி செலுத்தும் பணிகளில் சவுதி அரேபியா அரசு
தீவிர கவனம் செலுத்தி வருகிறது.

அந்த வகையில் 3 கோடியே 40 லட்சத்துக்கும் அதிகமான
மக்கள் தொகை கொண்ட சவுதி அரேபியாவில்
இதுவரையில் 1 கோடியே 10 லட்சத்து 80 ஆயிரத்துக்கும்
அதிகமானோருக்கு குறைந்தது ஒரு தவணை
தடுப்பூசியாவது செலுத்தப்பட்டு விட்டது.

தடுப்பூசியின் பலனாக சவுதி அரேபியாவில் கொரோனா
வைரஸ் பரவல் ஓரளவுக்கு கட்டுக்குள் கொண்டு
வரப்பட்டுள்ளது. இதையடுத்து தடுப்பூசி போட்டுக்
கொண்டவர்களுக்கு கொரோனா கட்டுப்பாடுகளில் ஒரு
சில தளர்வுகளை அரசு அறிவித்து வருகிறது.

இந்த நிலையில் வருகிற ஆகஸ்டு 1-ந் தேதி முதல்
பணியிடங்களுக்கு செல்லுதல், பொது போக்குவரத்துகளில்
பயணித்தல், அரசு அலுவலகங்களுக்கு செல்லுதல் உள்ளிட்ட
அனைத்து பணிகளுக்கும் கொரோனா தடுப்பூசி
கட்டாயமாக்கப்படுவதாக சவுதி அரேபிய அரசு
அறிவித்துள்ளது.

சவுதி அரேபியாவில் இதுவரையில் 4 லட்சத்து 35 ஆயிரத்து
27 பேருக்கும் கொரோனா வைரஸ் தொற்று
உறுதி செய்யப்பட்டுள்ளதும், 7 ஆயிரத்து 188 பேர்
கொரோனாவுக்கு பலியானதும் குறிப்பிடத்தக்கது.

தினத்தந்தி

ayyasamy ram: வழிநடத்துனர்; பதிவுகள் : 83936
இணைந்தது : 30/09/2013