கொரோனாவால் உயிரிழந்த 300 நபர்களுக்கு இறுதிச் சடங்குகள் செய்தவர் கொரோனாவால் மரணம்!

by **ayyasamy ram** Wed May 19, 2021 12:40 pm

கொரோனாவால் உயிரிழந்த நபர்களுக்கு இறுதிச் சடங்குகளை
செய்து வந்த நகராட்சி ஊழியர் ஒருவர் கொரோனா தொற்றால்
பாதிக்கப்பட்டு உயிரிழந்திருப்பது சோகத்தை ஏற்படுத்தியுள்ளது.

43 வயதாகும் பிரவீன் குமார், கொரோனாவால் உயிரிழப்போரின்
உடல்களை அடக்கம் செய்ய ஹிசார் நகராட்சியால் அமைக்கப்பட்ட
குழுவின் தலைவராக செயல்பட்டு வந்தார்.

ஹிசார் நகராட்சிக்கு உட்பட்ட சஃபாய் கரம்ச்சாரி ஒன்றியத்தின்
தலைவராக இருந்து வந்த பிரவீன் குமார், கடந்த ஆண்டு கொரோனா
பரவல் தொடங்கியதில் இருந்து தற்போது வரை கொரோனாவால்
உயிரிழந்த 300க்கும் மேற்பட்டோருக்கு இறுதிச் சடங்குகள்
செய்துள்ளார்.

கடந்த இரு தினங்களுக்கு முன்னர் பிரவீன் குமாருக்கு
கொரோனா தொற்று கண்டறியப்பட்ட நிலையில் அவர் தனியார்
மருத்துவமனை ஒன்றில் சிகிச்சை பெற்று வந்தார். இருப்பினும்
சிகிச்சை பலனின்றி அவர் பரிதாபமாக உயிரிழந்தது ஹிசார்
நகராட்சியினரை அதிர்ச்சிக்கு ஆளாக்கியுள்ளது.

ரிஷி நகரில் உள்ள மயானத்தில் பிரவீன் குமாரின் உடலுக்கு
கொரோனா வழிகாட்டு நெறிமுறைகளை பின்பற்றி நகராட்சியினர்
இறுதி சடங்குகளை மேற்கொண்டு நல்லடக்கம் செய்துள்ளனர்.

குடும்பத்தினர், உறவினர்களே தயங்கிய நிலையில் தாமாகவே
முன்வந்து மனிதநேயத்துடன் கொரோனாவால் உயிரிழந்தவர்களின்
சடலங்களுக்கு இறுதி சடங்கு செய்யும் பணியில் ஈடுபட்டிருந்த
பிரவீன் குமாரின் மறைவு செய்தி அப்பகுதி மக்களிடையே
சோகத்தை ஏற்படுத்தியுள்ளது.

தமிழ் நியூஸ் 18

by **Dr.S.Soundarapandian** Thu May 20, 2021 10:09 am

கொரோனாவால் உயிரிழந்த 300 நபர்களுக்கு இறுதிச் சடங்குகள் செய்தவர் கொரோனாவால் மரணம்!

கொரோனாவால் உயிரிழந்த 300 நபர்களுக்கு இறுதிச் சடங்குகள் செய்தவர் கொரோனாவால் மரணம்!

Re: கொரோனாவால் உயிரிழந்த 300 நபர்களுக்கு இறுதிச் சடங்குகள் செய்தவர் கொரோனாவால் மரணம்!