பெரியார் வாழ்வில் நடந்த சுவையான நிகழ்ச்சி…

by **ayyasamy ram** Mon May 17, 2021 7:45 am

ஒரு சமயம், விழா ஒன்றுக்கு, ஈ.வெ.ரா.,வை
அழைத்திருந்தனர். நிகழ்ச்சியின் துவக்கத்தில், கடவுள்
வாழ்த்து பாடலுக்கும் நேரம் ஒதுக்கப்பட்டிருந்ததால்,
ஈ.வெ.ரா., நிகழ்ச்சிக்கு தாமதமாக வந்தாலும் பரவாயில்லை
என, ஏற்பாட்டாளர்கள் நினைத்திருந்தனர்.

ஆனால், நிகழ்ச்சிக்கு சரியான நேரத்திற்கு வந்து விட்டார்,
ஈ.வெ.ரா.,

அவரை வைத்து, கடவுள் வாழ்த்து பாடலை எப்படி துவக்குவது
என்று, தயங்கினர்.

நிகழ்ச்சி நிரலை படித்த, ஈ.வெ.ரா., ‘கடவுள் வாழ்த்து பாடலை
துவக்குங்கள்…’ என, மற்றவர்கள் எழுந்து நிற்பதற்கு முன்,
தானும் எழுந்து நின்றார்.

தான், கடவுள் மறுப்பு கொள்கையில் இருந்தாலும், மற்றவர்களின்
மனதை, ஈ.வெ.ரா., புண்படுத்த விரும்பியதில்லை என்பதற்கு,
இந்த நிகழ்ச்சி ஒரு சான்று.

நடுத்தெரு நாராயணன்
திண்ணை-வாமலர்

by **Dr.S.Soundarapandian** Mon May 17, 2021 3:25 pm

by **T.N.Balasubramanian** Mon May 17, 2021 5:06 pm

இது மாதிரி பல நிகழ்ச்சிகள் உண்டு.
அதனால்தான் அவர் பெரியார்.
ஒரு முறை ஜெயகாந்தன் அவரை பார்க்க அவர் வீடு சென்றபோது,
நெற்றியில் இருந்த விபூதியை அழித்துவிட்டு அவருடன் பேச
போயிருக்கிறார். இருப்பினும் அவர் நெற்றியில் அதன் தடயம்
இருந்தது. பெரியார் அவரை பார்த்து ,என்னை பார்ப்பதற்கு துன்னூரை
துடைத்து விட்டு வந்தீங்களா அய்யா என்று கேட்க ,ஜெயகாந்தனும்
ஆமாம் என்று கூறியுள்ளார். அதற்கு பெரியார், நீங்கள் நீங்களாக இருங்கள்
மற்றவர்கள் ஏதாவது நினைப்பார்கள் என்று உங்களை மாற்றிக்கொள்ளாதீர்கள்.
துன்னூரை அழிக்காமல் வந்திருந்தாலும் உங்களுடன் பேசி இருப்பேன்
என்றாராம் . ஜெயகாந்தன் விடை பெறும் போது வாசல் வரை வந்து வழி அனுப்பினாராம்.
வீடு தேடி வந்தவர்களை வாசல் வரை வந்து வழி அனுப்புவது அவரது வழக்கம்.
அதனால்தான் அவர் பெரியார் என்று அழைக்கப்படுகிறார்.
ராஜாஜியும் பெரியாரும் மிக சிறந்த நண்பர்கள்.

by Sponsored content

பெரியார் வாழ்வில் நடந்த சுவையான நிகழ்ச்சி…

பெரியார் வாழ்வில் நடந்த சுவையான நிகழ்ச்சி…

Re: பெரியார் வாழ்வில் நடந்த சுவையான நிகழ்ச்சி…

Re: பெரியார் வாழ்வில் நடந்த சுவையான நிகழ்ச்சி…

Re: பெரியார் வாழ்வில் நடந்த சுவையான நிகழ்ச்சி…