கேரளாவில் கறுப்பு பூஞ்சை என்ற புதிய வைரஸ்

**T.N.Balasubramanian** · **T.N.Balasubramanian** Mon May 17, 2021 9:49 pm

திருவனந்தபுரம் : கேரளாவில் ஏழு பேருக்கு கறுப்பு பூஞ்சை என்ற புதிய வைரஸ் பாதிக்கப்பட்டிருப்பது உறுதி செய்யப்பட்டுள்ளது.மியூகோமைகோசிஸ் எனப்படும் கறுப்பு பூஞ்சை தொற்று இந்தியாவின் சில மாநிலங்களில் கண்டறியப்பட்டுள்ளது.

காற்றில் உள்ள பூஞ்சை துகள்களால் ஏற்படும் இந்த நோய், புதிய அச்சுறுத்தலாக உருவெடுத்துள்ளது.ஏற்கனவே கொரோனா தொற்று பாதிப்பால் நாடு மிகவும் அபாயகரமான சூழலில் இருக்கும் நிலையில், இந்த கறுப்பு பூஞ்சை தொற்றும் பரவி வருகிறது. கேரள மாநிலம் திருவனந்தபுரம் மருத்துவக் கல்லூரி மருத்துவமனையில் நோயாளிகள் ஏழு பேருக்கு, இத்தொற்று உறுதியாகியுள்ளது.அவர்களில் மூன்று பேர் தமிழகத்தைச் சேர்ந்தவர்கள். கொரோனா தொற்று ஏற்பட்டவர்கள், நீரிழிவு நோயாளிகள், நோய் எதிர்ப்பு ஆற்றல் குறைவாக உள்ளவர்களை எளிதில் தாக்கக் கூடியது இந்த வைரஸ். இந்த நோயால், மஹாராஷ்ட்டிராவில் 50 க்கும் மேற்பட்டோரும், டில்லி எய்ம்ஸ் மருத்துவமனையில் 23 பேரும் பாதிக்கப்பட்டுள்ளனர்.

நன்றி தினமலர்

Guest · Guest Mon May 17, 2021 11:40 pm

நோய்கள் கட்டுப்பாடு மற்றும் தடுப்புக்கான அமெரிக்க மையம் ஒட்டுமொத்த இறப்பு விகிதத்தில் 54 சதவீதம் கருப்பு பூஞ்சையால் இருக்கும் என கணித்துள்ளது.

மியூகார்மைகாசிஸ் (Mucormycosis) என்னும் கருப்பு பூஞ்சையானது கொரோனா பாதித்தவர்களிடையே மெல்ல பரவி வருகிறது.

இந்த பூஞ்சையானது (கருப்பு பூஞ்சை -Black Fungus) ஒரு குழுவாக இணைந்த அச்சு வடிவில் உருவாகக்கூடிய மியூகார்மைகாசிஸ். அழுகிய காய்கறிகள், பழங்கள் என சுற்றுசூழலில் எங்கும் காணக்கூடியது.

இந்த மியூகார்மைகாசிஸ் நோயால் பாதிக்கப்பட்டவர்கள் , நோய் எதிர்ப்பு சக்தி குறைவானர்கள், அதிக மருந்து , மாத்திரைகளை உட்கொள்வர்களையே அதிகம் தாக்குகிறது.
(இணையம்)

கேரளாவில் கறுப்பு பூஞ்சை என்ற புதிய வைரஸ்

கேரளாவில் கறுப்பு பூஞ்சை என்ற புதிய வைரஸ்

Re: கேரளாவில் கறுப்பு பூஞ்சை என்ற புதிய வைரஸ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக