வந்த நாள் முதல் இந்த நாள் வரை

**ayyasamy ram** · **ayyasamy ram** Tue Jun 22, 2021 5:00 pm

**ayyasamy ram** · **ayyasamy ram** Tue Jun 22, 2021 5:02 pm

வந்த நாள் முதல் இந்த நாள் வரை [
படம் : பாவ மன்னிப்பு ]
பாடியவர்: T.M.:சௌந்தரராஜன்

இந்த ” வந்த நாள் முதல் இந்த நாள் வரை “ பாடலின்
அமைப்பு முறயில் மிகவும் புதுமையைக் கையாண்டார்கள
மெல்லிசை மன்னர்கள்.

பாடலின் ஆரம்பத்தில் விசில் சத்தத்தைத் தொடர்ந்து
ஹம்மிங் பின்தொடர்ந்து முடிய, பாடல் ஆரம்பிக்கும்.
தொடர்ந்து விசில் சத்தத்தை பின்ணணி இசை
வாத்தியங்களில் ஒன்று போல பயன்படுத்தியிருப்பார்கள்.

இதில் புதுமையின் உச்சம் என்னவென்றால் இந்தப் பாடல்
அமைக்கப்பட்ட ராகம். தமிழ் செவ்வியலிசையில் மிக
முக்கிய ராகங்களில் ஒன்றான மோகனம்.

மோகன ராகத்தில் இப்படியும் இசையமைக்க முடியுமா ?
என்று எண்ண வைக்கும் வகையில் , முற்றிலும் புதிய , யாரும்
எதிர் பார்க்காத கோணத்தில் அமைக்கப்பட்ட பாடல் இதுவாகும்.

ஹம்மிங் , விசில் போன்றவற்றோடு கமகங்கள் குறைக்கப்பட்ட
மோகன ராகத்தின் வலிமையும் , கண்ணதாசனின் கவித்துவம்
அழுத்தாத எளிமையான வரிகளாலும் அமைக்கப்பட்ட இந்தப்
பாடல் இன்னும் ஒரு நூற்றாண்டைக் கடந்து செல்லும் வல்லமை
கொண்ட புதுமையான பாடலாகும் , என்பது ஒவ்வொரு முறையும்
கேட்கும் போதுஆனந்திக்கும் எனது அனுபவமாகும்.

ஆச்சர்யமான முறையில் மோகன ராகத்தைக் கையாண்ட
அவர்களது மேதமையை எவ்வளவு பாராட்டினாலும் தகும்.

மெல்லிசை மன்னர்கள் பற்றி பின்னணிப்பாடகர்
பி .பி. ஸ்ரீனிவாஸ் சொல்வார்.. ” இவர்களது வருகையால் இசை
இனிய திசைக்குச் சென்றது.” என்று.
--

**ayyasamy ram** · **ayyasamy ram** Tue Jun 22, 2021 5:03 pm

படம்: பாவ மன்னிப்பு
உணர்வு: வேதனை
ஆக்கம்: கவிஞர் கண்ணதாசன்

வந்த நாள் முதல் இந்த நாள் வரை
வந்த நாள் முதல் இந்த நாள் வரை
வானம் மாறவில்லை
வான் மதியும் மீனும் கடல் காற்றும்
மலரும் மண்ணும் கொடியும் சோலையும்
நதியும் மாறவில்லை
மனிதன் மாறிவிட்டான்

நிலை மாறினால் குணம் மாறுவான்
பொய் நீதியும் நேர்மையும் பேசுவான்
தினம் ஜாதியும் பேதமும் கூறுவான்
அது வேதன் விதி என்றோதுவான்
மனிதன் மாறிவிட்டான் மதத்தில் ஏறிவிட்டான்

பறவையை கண்டான் விமானம் படைத்தான்
பறவையை கண்டான் விமானம் படைத்தான்
பாயும் மீன்களில் படகினை கண்டான்
எதிரொலி கேட்டான் வானொலி படைத்தான்
எதனை கண்டான் பணம்தனை படைத்தான்
எதனை கண்டான் பணம்தனை படைத்தான்
மனிதன் மாறிவிட்டான் மதத்தில் ஏறிவிட்டான்

இன்பமும் காதலும் இயற்கையின் நீதி
ஏற்ற தாழ்வுகள் மனிதனின் ஜாதி
பாரில் இயற்கை படைத்ததை எல்லாம்
பாவி மனிதன் பிரித்து வைத்தானே
மனிதன் மாறிவிட்டான் மதத்தில் ஏறிவிட்டான்

வந்த நாள் முதல் இந்த நாள் வரை
வானம் மாறவில்லை
வான் மதியும் மீனும் கடல் காற்றும்
மலரும் மண்ணும் கொடியும் சோலையும்
நதியும் மாறவில்லை
மனிதன் மாறிவிட்டான்
-

Sponsored content · Sponsored content

வந்த நாள் முதல் இந்த நாள் வரை

வந்த நாள் முதல் இந்த நாள் வரை

Re: வந்த நாள் முதல் இந்த நாள் வரை

Re: வந்த நாள் முதல் இந்த நாள் வரை

Re: வந்த நாள் முதல் இந்த நாள் வரை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக