நேபாளத்தில் இன்று அதிகாலையில் நிலநடுக்கம்

நேபாளத்தில் இன்று அதிகாலையில் நிலநடுக்கம் ஏற்பட்டதை தொடர்ந்து 20 முறை நில அதிர்வுகள் உருவாகியுள்ளன.


ஹைலைட்ஸ்:
நேபாளத்தில் இன்று அதிகாலையில் நிலநடுக்கம்
நிலநடுக்கத்துக்கு பின் 20 முறை நில அதிர்வு
நேபாளத்தில் உள்ள மத்திய லம்ஜுங் மாவட்டத்தில் இன்று ரிக்டர் அளவில் 5.8 நிலநடுக்கம் ஏற்பட்டுள்ளது. இதனால் சிலர் காயமடைந்துள்ளதாகவும், சில வீடுகள் சேதமடைந்துள்ளதாகவும் நேபாள அதிகாரிகள் தெரிவித்துள்ளனர்.

நிலநடுக்கத்தின் மையப்புள்ளி மர்ஷியங்டி நகராட்சியில் அதிகாலை 5.42 மணிக்கு உருவாகியுள்ளது. 5.8 ரிக்டர் அளவு கொண்ட இந்த நிலநடுக்கத்தால் சுமார் 10க்கும் மேற்பட்ட வீடுகள் சேதமடைந்துள்ளதாகவும், ஆற் பேர் காயமடைந்துள்ளதாகவும் தகவல் வெளியாகியுள்ளது.

அதிகாலையில் ஏற்பட்ட நிலநடுக்கத்துக்கு பின் காலை 8.16 மணிக்கு 4 ரிக்டர் அளவிலான நில அதிர்வும், காலை 8.26 மணிக்கு 5.3 ரிக்டர் அளவிலான நில அதிர்வும் ஏற்பட்டுள்ளதாக தேசிய நிலநடுக்க கண்காணிப்பு மையம் தகவல் வெளியிட்டுள்ளது.
அதன்பின் 10 மணி வரை சுமார் 20 நில அதிர்வுகள் ஏற்பட்டுள்ளதாக கூறப்படுகிறது. மொத்தம் ஆறு பேர் காயமடைந்துள்ளனர். வீடு இடிந்து விழுந்ததில் 3 பேரும், பயத்தில் ஓடியபோது மூன்று பேரும் காயமடைந்துள்ளதாக போலீசார் தெரிவித்துள்ளனர்.
காயமடைந்தவர்கள் அனைவரும் மருத்துவமனை களில் அனுமதிக்கப்பட்டுள்ளனர். மண், கல், ஷீட் வைத்து கட்டப்பட்ட வீடுகள் சேதமடைந்துள்ளதாக அதிகாரிகள் தெரிவித்துள்ளனர். அண்டை மாவட்டங்களிலும் நில அதிர்வு உணரப்பட்டுள்ளது.

நன்றி சமயம்