Latest topics

மராட்டியத்தில் ஒரே நாளில் 5 லட்சம் பேருக்கு தடுப்பூசி போட்டு சாதனை

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

மராட்டியத்தில் ஒரே நாளில் 5 லட்சம் பேருக்கு தடுப்பூசி போட்டு சாதனை

Post by ayyasamy ram Tue Apr 27, 2021 5:43 am

-
5 லட்சத்திற்கும் மேல்...

நாட்டிலேயே மராட்டியத்தில் தான் கொரோனா பாதிப்பு
அதிகளவில் உள்ளது. அதே நேரத்தில் மாநிலத்தில் தான்
அதிகளவு கொரோனா தடுப்பூசியும் போடப்பட்டு
வருகிறது.

இந்தநிலையில் நேற்று ஒரே நாளில் மாநிலத்தில்
5 லட்சத்திற்கு மேற்பட்டவர்களுக்கு கொரோனா தடுப்பூசி
போடப்பட்டுள்ளது.

இதுகுறித்து மாநில அரசு வெளியிட்டுள்ள செய்திக்
குறிப்பில் கூறப்பட்டு இருப்பதாவது:-

ஏப்ரல் 26-ந் தேதி (நேற்று) மாலை 6 மணி வரை
5 லட்சத்திற்கும் மேற்பட்டவர்கள் தடுப்பூசி போட்டுள்ளனர்.
மாநிலத்தில் இதுவரை 1.48 கோடி பேர் தடுப்பூசி போட்டு
உள்ளனர்.

6,155 மையங்கள்

தற்போது மாநிலம் முழுவதும் 6 ஆயிரத்து 155 மையங்களில்
தடுப்பூசி போடப்படுகிறது. இதில் 5 ஆயிரத்து 347 அரசு
மையங்கள் ஆகும். 808 தனியார் மையங்கள் உள்ளன.

மாநிலத்தில் அதிகபட்சமாக கடந்த ஏப்ரல் 3-ந் தேதி
4 லட்சத்து 62 ஆயிரத்து 735 பேருக்கு தடுப்பூசி போடப்பட்டு
இருந்தது.

இவ்வாறு அதில் கூறப்பட்டுள்ளது.

இதன் மூலம் தடுப்பூசி போடுவதில் மராட்டியம் புதிய
சாதனையை படைத்து உள்ளது. மராட்டியம் உள்பட நாடு
முழுவதும் கடந்த ஜனவரி 16-ந் தேதி முதல் கொரோனா
தடுப்பூசி போடப்பட்டு வருகிறது.

தினத்தந்தி

ayyasamy ram: வழிநடத்துனர்; பதிவுகள் : 82826
இணைந்தது : 30/09/2013