மண்ணின் கேள்வி - (விந்தன் குட்டிக் கதைகள்)

**ayyasamy ram** · **ayyasamy ram** Tue Apr 27, 2021 2:46 pm

'எனக்கு மட்டும் ஒரு காணி நிலம் சொந்தமா யிருந்தால்
கஞ்சிக்கு ஏன் காற்றாய்ப் பறக்கப் போகி றேன்?' என்று
தன்னைப் பார்க்கும் போதெல்லாம் குடியானவர்கள் பலர்
பெருமூச்சு விடுவதைக் கண்ட மண்ணுக்கு அதன் காரணம்
என்னவென்று விளங்க வில்லை.
-
ஒரு நாள் அது காற்றை நோக்கி, ' காற்றே, காற்றே!
நீ எல்லோருக்கும் சொந்தமாயிருக்கிறாயே, நான் ஏன்
சிலருக்கு மட்டும் சொந்தமாயிருக்கிறேன்?" என்று கேட்டது.
-
'அது என்னவோ போ, எனக்கு வேலை தலைக்கு மேல்
கிடக்கிறது!' என்று சொல்லிவிட்டுக் காற்று மேலே சென்று
விட்டது.
-
அடுத்தாற்போல் நெருப்பை நோக்கி, 'நெருப்பே, நெருப்பே!
நீ எல்லாருக்கும் சொந்தமாயிருக்கிறாயே,
நான் ஏன் சிலருக்கு மட்டும் சொந்தமாயிருக்கிறேன்" என்று
கேட்டது மண்.
-
'அது என்னவோ போ, உனக்குப் பதில் சொல்ல என்னால்
முடியாது!’ என்று சொல்லிவிட்டு நெருப்பு சாம்பலாகி
விட்டது
-
. 'சரி, நீரையாவது கேட்டுப் பார்ப்போம் என்று எண்ணி,
நீரே நீரே! நீ எல்லாருக்கும் சொந்தமா யிருக்கிறாயே, நான்
ஏன் சிலருக்கு மட்டும் சொந்தமா யிருக்கிறேன்?' என்று
கேட்டது மண்.
-
‘'என்னைக் கேட்காதே; உன் கணவனைக் கேள்!" என்று நிற்க
நேரமில்லாமல் நீர் ஓடிவிட்டது. கடைசியாக விண்ணை
நோக்கி, “இங்கே பாருங்கள், உங்களைத்தான்! நீங்கள்
எல்லாருக்கும் சொந்தமாயிருக்கிறீர்களே, நான் ஏன் சிலருக்கு
மட்டும் சொந்தமாயிருக்கிறேன்?' என்று கேட்டது மண்.
-
'போடி, பைத்தியமே! உன்னிடம் இருக்கும் பொன்னை நீ ஏன்
மனிதனுக்குக் காட்டினாய்?
அதனால் தான் எங்களைப்போல் உன்னால் எல்லாருக்கும்
சொந்த மாயிருக்க முடியவில்லை!" என்றது வானம்.
-
-----------------------
நன்றி- விக்கிமூலம்

மண்ணின் கேள்வி - (விந்தன் குட்டிக் கதைகள்)

மண்ணின் கேள்வி - (விந்தன் குட்டிக் கதைகள்)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக