சமையல் டிப்ஸ்

by **ayyasamy ram** Wed Apr 21, 2021 5:04 pm

• ரவா தோசை செய்யும்பொழுது இரண்டு ஸ்பூன்
கடலைமாவு சேர்த்து செய்தால் தோசை நன்கு
சிவந்து மொறுமொறுப்பாக இருக்கும்.

• கேசரி, பால் கோவா, தேங்காய் பர்பி போன்ற
இனிப்புகளை நான் ஸ்டிக் பாத்திரத்தில் செய்தால்
அடி பிடிக்காமல் எளிதாகக் கிளறலாம்.

• பாகற்காய் கசப்பு இல்லாமல் இருக்க:
அத்துடன் உப்பு, மஞ்சள் தூள், வெல்லம், எலுமிச்சை
சாறு ஆகியவற்றை சிறிதளவு சேர்த்து, நன்றாகக்
கலந்து அரைமணி நேரம் ஊற வைத்து பின்
சமைத்தால் கசப்பே இருக்காது.

• இட்லி பொடி தயாரிக்கும்பொழுது
வெள்ளை எள் சிறிதளவுடன் ஒரு ஸ்பூன் கொத்து
மல்லி விதையையும் வறுத்து மற்ற சாமான்களுடன்
பொடி செய்தால், பொடி வாசனையாக இருக்கும்.

• பூரிக்கு மாவு பிசையும்பொழுது தண்ணீருக்கு
பதிலாக 1 கப் பால் சேர்த்து பிசைந்தால் பூரி
ருசியாக இருப்பதுடன் மிருதுவாகவும் இருக்கும்.

• தோசைக்கு மாவு ஊற வைக்கும் பொழுது
சிறிது ஜவ்வரிசியையும் உளுந்துடன் ஊற
வைத்து அரைத்தால் தோசை நன்றாக மொறு
மொறுவென்று சுலபமாக எடுக்க வரும்.

• உருளைக்கிழங்கு வேகவைக்கும் பொழுது
சிறிது உப்புடன் சேர்த்து வேகவிட்டால் கிழங்கு
வெடிக்காமல் நல்ல பதமாக இருக்கும்.

• கலந்த சாதங்கள் செய்யும் பொழுது சாதத்தை
ஒரு தாம்பாளத்தில் போட்டு நல்லெண்ணெய்
விட்டு நன்றாகக் கிளறி ஆற வைத்து பின்னர்
செய்தால் உதிர் உதிராக வரும்.

• தக்காளி குருமா செய்யும்பொழுது சிறிது
வெங்காயத்தை பச்சையாக அரைத்து
ஊற்றினால் குருமா சுவை அதிகமாகும்.

• பருப்பு பொடி தயாரிக்க:
துவரம் பருப்புக்கு பதிலாக பொட்டுக்கடலை,
வரமிளகாய், கொப்பரைத் தேங்காய், பூண்டு
சேர்த்து தயாரித்தால் சுவையாக, வாசனையாக
இருக்கும்.
-
- மாலதி நாராயணன், சென்னை.
மங்கையர் மலர்-16-10-20202