முக கவசம் ஏன் அணியவேண்டும், அதைச் சொல்ல நீங்கள் யார்?

கண்ணூரிலிருந்து சென்னை வந்த விமானம் நடுவானில் பறந்த நிலையில், அதில் பயணித்த பயணி ஒருவர் முகக்கவசம் அணியாமல் அதுகுறித்து எடுத்துச் சொன்ன விமானப்பணிப் பெண்களிடம் வாக்குவாதம் செய்து தகராறில் ஈடுபட்டார், சக பயணிகள் அவரை கண்டித்த நிலையில், விமானம் சென்னையில் தரையிறங்கியதை அடுத்து அவரை போலீஸாரிடம் ஊழியர்கள் ஒப்படைத்தனர்.

கேரளா மாநிலம் கண்ணணூரிலிருந்து சென்னை விமான நிலையம் நோக்கி இண்டிகோ ஏர்லைன்ஸ் விமானம் வந்தது. அந்த விமானத்தில் 49 பயணிகள் பயணித்துக் கொண்டிருந்தனர். அதில் கேரளா மாநிலம் கண்ணூரைச் சேர்ந்த பிரதீப் குமார்(46) என்கிற மென்பொறியாளரும் அந்த விமானத்தில் பயணம் செய்தார்.
கரோனா இரண்டாவது அலை இந்தியா முழுவதும் மிகவேகமாக பரவுவதால், விமான நிலையங்கள், ரயில் நிலையங்கள் உள்ளிட்ட பொதுமக்கள் அதிகமாக புழங்கும் இடங்களில் தனிமனித விலகல், சானிடைசர், வெப்ப பரிசோதனை, முகக்கவசம் உள்ளிட்ட அனைத்து பாதுகாப்பு அம்சங்களையும் கண்டிப்பாக கடைபிடிக்க அறிவுறுத்தப்பட்டுள்ளது.

விமானம் முழுவதும் குளிரூட்டப்பட்ட ஒன்று என்பதால் பயணிகள் அனைவரும் கண்டிப்பாக முகக்கவசம் அணிந்திருக்க வேண்டும், கழற்றக்கூடாது என்பது கட்டாயமாக கடைபிடிக்கப்படுகிறது. ஆனால் நேற்று வந்த விமானத்தில் பயணித்த கேரள மென்பொறியாளர் பிரதீப்குமாா் மட்டும் விமானத்திற்குள் முகக்கவசம் அணியாமல் பயணித்துள்ளார்.

இதுகுறித்து விமானப் பணிப்பெண்கள் அவரை எச்சரித்து முகக்கவசம் அணியும்படி கூறியுள்ளனர்.
ஆனால் அவர் நான் ஏன் அணியவேண்டும், அதைச் சொல்ல நீங்கள் யார் என்று வாக்குவாதத்தில் ஈடுபட்டுள்ளார். முகக்கவசம் அணிந்திருந்த சகப்பயணிகள் கூறியும் அணிய மறுத்துள்ளார். இதையடுத்து விமான கேப்டனிடம் விமானப்பணிப் பெண்கள் புகார் செய்தனர்.

விமான கேப்டன் விமானத்திலிருந்தே மென்பொறியாளர் பிரதீப் குமார் குறித்து சென்னை விமானநிலைய கட்டுப்பாட்டு அறைக்கு தகவல் கொடுத்தார். விமானம் இரவு 11.30 மணிக்கு சென்னை உள்நாட்டு விமான நிலையத்தில் வந்து தரையிறங்கியது. பயணிகள் ஒவ்வொருவராக இறங்கினர். உடனடியாக விமானநிலைய பாதுகாப்பு அதிகாரிகள் விமானத்திற்குள் சென்றனர்.

முகக்கவசம அணியாமல் விமானப்பணிப் பெண்களிடம் தகராறு செய்த பயணி பிரதீப்குமாரிடம் விசாரித்தனர். அப்போதும் அவர் நீங்கள் யார் என்னை முகக்கவசம் அணியச் சொல்வது என்று அதே தொனியில் பேசியுள்ளார். இதையடுத்து பயணி பிரதீப்குமாரை விமானத்தை விட்டு, கீழே இறக்கினர்.

பின்னர் அவரை இண்டிகோ ஏர்லைன்ஸ் பாதுகாப்பு அதிகாரிகள் புகார் அளித்து சென்னை விமான நிலைய போலீஸாரிடம் ஒப்படைத்தனர்.

அவர் மீது விமானத்திற்குள் முகக்கவசம் அணியாமல் பயணித்து கரோனா பாதுகாப்பு விதிமுறையை மீறியது, முகக்கவசம் அணிய கூறிய விமான ஊழியர்களை மிரட்டியதாக வழக்குப்பதிவு செய்தனர்.

நடுவானில் பறந்த விமானத்தில் முகக்கவசம் அணிய மறுத்த விமான பயணியை விமான ஊழியர்கள் போலீஸில் ஒப்படைத்த சம்பவம் சென்னை விமான நிலையத்தில் சிறிது நேரம் பரபரப்பை ஏற்படுத்தியது.

நன்றி தமிழ் ஹிந்து.

ஒரு அலுவலகத்தில் அங்கு வேலை செய்யும் ஊழியர் நலன் கருதி
நிர்வாகம் கொரோனா வேக்சின் எல்லோருக்கும் போட ஏற்பாடு செய்து இருந்தனர்.
மருத்துவ குழாம் வந்து முறையாக எல்லோருக்கும் வேக்சின் போட்டனர்.
ஒருவர் மட்டும் போட்டுக்க மாட்டேன் என ஆடம் பிடித்துள்ளார்.
அவரை ஒப்புக்கொள்ள வைக்க முயன்றும் பிரயோஜனம் இல்லை.
மெடிக்கல் டீமில் இருந்த ஒரு ஆபீசர் அவரை ஒப்புக்கொள்ள வைக்கும்
முயற்சியில், அவரிடம் ராமசாமி போட்டுக்கொண்டுள்ளார். லால்ஜி /யாதவ்/
க்ருனால் எல்லோரும் போட்டுக்கொண்டுள்ளனர். நீங்களும் போட்டுக்கொள்வது
நல்லது என்றார். முடியவில்லை அவர் பெயரை பார்த்து விட்டு , அய்யா எந்த மாநிலத்தை
சேர்ந்தவர் நீங்கள் என்றார். ஊழியரும் கேரளா என்று சொன்னவுடன், ஓ அப்பிடியா
உங்களுக்கு எல்லாம் வேக்சின் கிடையாது. மற்ற மாநில மக்களுக்குத்தான் இது என்றார்.
உடனே அந்த ஊழியர் அதெல்லாம் முடியாது. எங்களுக்கு ஏன் கிடையாது ? அநியாயம் .
எனக்கு இப்பவே போட்டாகணும் என்று கூச்சலிட்டார்.
அவருக்கும் வெற்றிகரமாக வேக்சின் போடப்பட்டது.

அதே போல் அந்த பிரயாணியிடமும் நீங்கள் எல்லாம் முகக்கவசம் அணியக்கூடாது
என்றால் போட்டுக்கொண்டு இருப்பர்.

பொதுவாக விமானத்தில் தகராறு செய்பவர்களை கவனிக்கும் விதமே தனி.
சிலர் அதிகம் குடித்திருப்பர்.சிலர் இது மாதிரி அடாவடி செய்பவர்கள். கேப்டன்
சொல்லியும் கேட்கவில்லை என்றால், விமானம் இறங்குவதற்கு முன் கண்ட்ரோல்
ரூமிற்கு கேப்டனிடம் இருந்து செய்தி போகும்.
விமானம் தரை இறங்கி ஏணி வைக்கப்பட்டவுடனோ அல்லது ஏரோ ப்ரிட்ஜுடன்
இணைக்கப்பட்டவுடன் போலீஸ் பிளேன் கதவருகே வந்தவுடன் தகவல் கேப்டனுக்கு
செய்தி போகும். விமான கதவு திறக்கப்பட்டவுடன் போலீஸ் உள்ளே நுழைய கேப்டன்
குறிப்பிட்ட ஆளை காண்பிக்க சகல மரியாதையுடன் அவர் இறக்கப்படுவார்.
உடன் வந்த பயணிகள் சில சமயம் கைதட்டி மகிழ்ச்சியை தெரிவிப்பதும் உண்டு.
அந்த விஐபி இறங்கியவுடன் மற்றவர்கள் இறங்குவார்கள்.

நாட்ல எவன் சட்டத்தை மதித்து நடக்க நினைக்கிறான், விஞ்ஞான ரீதியாக ஊல் செய்தே பிழைப்பு நடத்தி பொருளீட்ட வே நினைக்கிறான் .இந்நிலை மாற ராணுவ ஆட்சி கொஞ்ச நாள் தேவைதான் நாட்டுக்கு....மக்களாட்சி இலக்கணம் மனசாட்சியை விட்டு அப்பால் போய்விட்டது. நாட்டையே விலை கொடுத்துவாங்க கோடான கோடி சொத்து சேர்த்துவிட்டனர் ஊழல் கட்சி ஆசாமிகள் அதனால் சொல்கிறேன்....

சிவனாசான் wrote:நாட்ல  எவன்  சட்டத்தை மதித்து நடக்க நினைக்கிறான்,  விஞ்ஞான ரீதியாக ஊல் செய்தே  பிழைப்பு  நடத்தி பொருளீட்ட வே நினைக்கிறான் .இந்நிலை மாற ராணுவ ஆட்சி கொஞ்ச நாள் தேவைதான் நாட்டுக்கு....மக்களாட்சி இலக்கணம் மனசாட்சியை விட்டு  அப்பால் போய்விட்டது. நாட்டையே  விலை கொடுத்துவாங்க  கோடான கோடி சொத்து  சேர்த்துவிட்டனர் ஊழல் கட்சி ஆசாமிகள்  அதனால் சொல்கிறேன்....

மேற்கோள் செய்த பதிவு: 1344694

மியன்மாரைப் பார்த்துமா இந்த யோசனை.
வாழ்த்துகள்.