சென்னை அணிக்காக 200 போட்டிகள்; வயதானவன் என்ற உணர்வு ஏற்பட்டு உள்ளது: டோனி பேட்டி

**ayyasamy ram** · **ayyasamy ram** Sun 18 Apr 2021 - 8:23

-
மும்பை,

மும்பை வான்கடே மைதானத்தில் 14வது ஐ.பி.எல். கிரிக்கெட் தொடரின் 8வது லீக் ஆட்டம் நேற்று நடைபெற்றது. இதில், டோனி தலைமையிலான சென்னை சூப்பர் கிங்ஸ் மற்றும் லோகேஷ் ராகுல் தலைமையிலான பஞ்சாப் கிங்ஸ் அணிகள் விளையாடின.

பஞ்சாப் கிங்ஸ் அணிக்கெதிரான போட்டியில் பீல்டிங்கிற்காக டோனி களமிறங்கியது 200வது போட்டியாகும். இதுவரை ஐ.பி.எல்.லில் 206 போட்டிகளை விளையாடியுள்ள டோனி, சென்னை அணிக்காக 176 ஐ.பி.எல். போட்டிகளிலும் மற்றும் 24 சாம்பியன்ஸ் லீக் டி20 போட்டிகளிலும் விளையாடியுள்ளார்.

சென்னை அணிக்காக 200 போட்டிகளில் விளையாடியது பற்றி, போட்டி முடிந்ததும் பேட்டியளித்த டோனி, மிக வயதானவன் என்ற உணர்வை ஏற்படுத்தி உள்ளது. இது ஒரு மிக நீண்ட பயணம். கடந்த 2008ம் ஆண்டு இந்த பயணம் தொடங்கியது. தென்ஆப்பிரிக்கா, துபாய் மற்றும் திரும்ப இந்தியாவில் விளையாடினேன். 200வது போட்டியை மும்பையில் விளையாடுவேன் என நினைக்கவில்லை என்று கூறினார்.

இந்த போட்டியில் வலதுகை வேகப்பந்து வீச்சாளர் தீபக் சாஹர் 4 விக்கெட்டுகளை வீழ்த்தினார். இதுபற்றி கூறிய டோனி, சாஹர் தேர்ந்த பந்து வீச்சாளராகி விட்டார். பிராவோவும் தேவையான நேரத்தில் சிறந்த பந்து வீச்சை வெளிப்படுத்த கூடியவர் என்பதில் எந்த ரகசியமும் இல்லை என கூறினார்.

பஞ்சாப் அணி 20 ஓவர்களில் 8 விக்கெட்டுகளை இழந்து 106 ரன்கள் சேர்த்தது. அடுத்து விளையாடிய சென்னை அணி, 15.4 ஓவர்கள் முடிவில் 4 விக்கெட்டுகளை இழந்து, 107 ரன்கள் எடுத்தது. இதன் மூலம் சென்னை அணி 6 விக்கெட் வித்தியாசத்தில் வெற்றி பெற்றது. அடுத்த போட்டியை சென்னை அணி வருகிற திங்கட்கிழமை ராஜஸ்தான் ராயல்ஸ் அணியுடன் விளையாட உள்ளது.

தினத்தந்தி

**T.N.Balasubramanian** · **T.N.Balasubramanian** Sun 18 Apr 2021 - 15:15

தோணி தலை சிறந்த வீரராக இருக்கலாம். இருப்பினும்
சென்னை சூப்பர் கிங்ஸ் தலையாக இருந்தும்
தமிழ்நாட்டின் சிறந்த வீரர்களை CSK இல் சேர்த்துக்கொள்ளவில்லை
ஏன் ? தமிழன் என்றால் இளப்பமா இவருக்கு ?
யார்கர் நடராஜன் /வாஷிங்க்டன் சுந்தர் /முருகன் அஸ்வின்
ஷாரூக்கான் இவர்கள் ஏன் தவிர்க்கப்பட்டனர் ?
உலக பெயர்பெற்ற ரவிச்சந்திரன் அஸ்வின்னையே ஓரம்
கட்டியபிறகு இவர்கள் எல்லாம் சுண்டைக்காய் என்று பொருளோ?
ஒரு வேளை இவர்களால் தன் தலைமை பதவிக்கு பாதகம்
ஏற்படும் என்ற பயமா?
போகட்டும் IPL 2021 உடன் இவர் விடை பெறுகிறார்.

சென்னை அணிக்காக 200 போட்டிகள்; வயதானவன் என்ற உணர்வு ஏற்பட்டு உள்ளது: டோனி பேட்டி

சென்னை அணிக்காக 200 போட்டிகள்; வயதானவன் என்ற உணர்வு ஏற்பட்டு உள்ளது: டோனி பேட்டி

Re: சென்னை அணிக்காக 200 போட்டிகள்; வயதானவன் என்ற உணர்வு ஏற்பட்டு உள்ளது: டோனி பேட்டி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக