கொரோனா பரவல் காரணமாக உயர்நீதிமன்றத்தில் ஆன்லைன் மூலம் மட்டுமே வழக்கு விசாரணை

**ayyasamy ram** · **ayyasamy ram** Fri Apr 16, 2021 10:02 am

சென்னை,

மராட்டியம், உத்தரபிரதேசம், சத்தீஷ்கார் கர்நாடகம், கேரளா
உள்ளிட்ட சில மாநிலங்களில் கொரோனா பரவல் அதிகமாக
உள்ளது. இதன் காரணமாக பலர் உயிரிழக்கின்றனர்.

தமிழகத்தில் கடந்த ஆண்டு ஜூலை 27-ந்தேதி அதிகபட்சமாக
6,993 பேருக்கு தொற்று ஏற்பட்டு இருந்தது. நேற்று முன்தினம்
வரை இதுதான் ஒரு நாளில் ஏற்பட்ட அதிகபட்ச தொற்று
எண்ணிக்கையாக பதிவாகி இருந்தது.

ஆனால் இந்த எண்ணிக்கை தற்போது அதிகரித்து
7,819 ஆக உயர்ந்திருக்கிறது. சென்னையில் மட்டும் ஒரே
நாளில் 2,564 பேருக்கு தொற்று ஏற்பட்டது. இது மேலும் உயரக்
கூடும் என்ற அச்சம் ஏற்பட்டுள்ளது.

நாளொன்றுக்கு 10 சதவீத வளர்ச்சியில் கொரோனா பரவல்
உள்ளது.

கொரோனா பரவல் காரணமாக, சென்னை உயர்நீதிமன்றம்
மற்றும் உயர்நீதிமன்ற மதுரை கிளையில் நாளை முதல்
ஆன்லைன் மூலம் மட்டுமே வழக்கு விசாரணை நடைபெறும்
என தலைமை பதிவாளர் அறிவிப்பு வெளியிட்டுள்ளார்.

அதில், முக்கிய வழக்குகள் மற்றும் ஜாமீன் வழக்குகளில் மட்டும்
அரசு வழக்கறிஞர்கள் நேரடியாக ஆஜராக வேண்டும் என
தெரிவிக்கப்பட்டுள்ளது. மற்ற அனைத்து வழக்கு விசாரணையும்
ஆன்லைன் மூலம் மட்டுமே நடைபெறும் எனவும்
ஏப்ரல் 23 ஆம் தேதி வரை இந்த நடைமுறை தொடரும் எனவும்
கூறப்பட்டுள்ளது.

அதற்கு முந்தைய நாள் கொரோனா சூழல் குறித்து ஆய்வு செய்து
உரிய உத்தரவு பிறப்பிக்கப்படும் என உயர்நீதிமன்ற தலைமை
பதிவாளர் தெரிவித்துள்ளார்.

முன்னதாக, கொரோனா முன்னெச்சரிக்கை நடவடிக்கையாக
நீதிமன்றங்களில் பின்பற்ற வேண்டிய நடைமுறைகள் குறித்து
சென்னை உயர் நீதிமன்ற தலைமை நீதிபதி சஞ்ஜிப் பானர்ஜி
உடன் அரசு தலைமை வழக்கறிஞர் விஜய் நாராயண்,
சுகாதாரத்துறை செயலர் ஜெ.ராதாகிருஷ்ணன் ஆலோசனை
மேற்கொண்டனர்.

இந்த நிலையில் உயர்நீதிமன்ற தலைமை பதிவாளர் ப.தனபால்,
முன்னெச்சரிக்கை நடவடிக்கைகள் குறித்த அறிவிப்பாணை
வெளியிட்டுள்ளார்.

தினத்தந்தி

கொரோனா பரவல் காரணமாக உயர்நீதிமன்றத்தில் ஆன்லைன் மூலம் மட்டுமே வழக்கு விசாரணை

கொரோனா பரவல் காரணமாக உயர்நீதிமன்றத்தில் ஆன்லைன் மூலம் மட்டுமே வழக்கு விசாரணை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக