பொதுஅறிவு- சவால் - நினைவில் நின்றவை

by Guest Mon Apr 12, 2021 7:15 pm

கடந்த இரண்டு ஆண்டுகளில் அய்யாசாமி ராம் அவர்களால் ஈகரையில் பதிவிடப்பட்ட பதிவுகளில் (நேரடியான/மறைமுகமான) இருந்து சில கேள்விகள்.

1.எந்த ஆசிய நாடு அமைதியின் இல்லம் - Abode of Peace – என அழைக்கப்படுகிறது?
மலேசியா/புருணை/கம்போடியா/அமீரகம்/பூட்டான்
2.அசர்பைஜான் நாட்டின் தலைநகரம் எது?
அஷ்கபாத்/பக்கு/அஸ்தானா/பிஸ்கெக்
3.ரஷ்யாவின் வடக்கேயும் சீனாவின் தெற்கேயும் அமைந்துள்ள நாடு எது?
மலேசியா/ஜப்பான்/நேபாளம்/மொங்கோலியா
4.பிலிப்பைன்ஸ் நாட்டின் அதிகார சமயம் எது?
இந்து/பௌத்தம்/இஸ்லாம்/கிறிஸ்தவம்
5.பேர்சியா என முன்னர் அழைக்கப்பட்ட நாடு எது?
ஈரான்/த்தாய்லாந்து/கம்போடியா/ஈராக்
6.டார்வின் நகருக்கு அருகே உள்ள கடல் எது?
செங்கடல்/சாக்கடல்/கருங்கடல்/ரிமோர்கடல்
7.மிகப் பழமையான 1823 இல் அடிக்கல் நாட்டப்பட்டு 1825 இல் முடிக்கப்பட்ட எந்தப் பாலம், அவுஸ்திரேலியாவில் பாரம்பரிய சின்னமாக அங்கீகரிக்கப்பட்டு, இன்னமும் பாவனையில் உள்ளது?
சித்மௌவுத்/ரிச்மண்ட்/லௌன்செஸ்டன்/ரொஸ்
8.கலிபோர்னியாவின் தலைநகரம் எது?
சிக்காகோ/டெக்சாஸ்/சகிரமெண்டோ/ஜக்சன்
9.பொலோனியம் கண்டுபிடித்தவர்,1902 இல் பிரபலமானவர்,,நோபெல் பரிசு பெற்றவர் இவர் யார்?
10. ஏர்வேஸில் விமான உதவியாளராக பணி புரிந்த ஒருவரை மணம் புரிந்து ராணியாக்கிய மன்னர் யார்? எந்த நாடு?
11. triboelectric nanogenerator, அல்லது snow TENG. என்பது என்ன?
12.எகிப்தியர்களின் முதன்மை கடவுள் யார் ?
13.”ஒரு காலத்தில் அகிம்சை சிறந்த ஆயுதம்.
அகிம்சையால் எதையும் சாதிக்க முடியும் என்று நம்பினேன்.
ஆனால், இப்போது, எனக்கு அகிம்சையில் நம்பிக்கை இல்லை.
அமைதியான போராட்டம் என்று சொல்லி, நாம் தான், நம் அமைதியை இழக்கிறோம். ”
யார் யாருக்கு சொன்னது?
14.'ரபீந்திர சேது' என்றால் என்ன?
15.காஞ்சனபுரி மாநிலத்தில் மாநில மலராக இருக்கும் ஒரு பூ (மரம்), சங்ககாலத்தில் சேடல் மரம் என அழைக்கப்பட்ட மரத்தின் இன்றைய பெயர் என்ன?(நேற்றைய பதிவு)

by **T.N.Balasubramanian** Wed Apr 14, 2021 2:04 pm

நல்லதோர் பதிவு.
பல விஷயங்கள் நாம் படிக்கிறோம்.ஆனால் நினைவில் ஓரிரு நாட்கள் இருக்கின்றன.
பிறகு அன்றன்று வருகின்ற புதிய விஷயங்கள் மனதில் பாதிக்கின்றன.
பழையன கழிகின்றன புதியன புகுகின்றன.
இளம் வயதினருக்கு மற்றைய முக்கிய செய்திகளின் ஆக்ரமிப்பு.
(என்னை போன்ற) முதியோருக்கு ஞாபகமின்மை.
60 ஆண்டுகளுக்கு முன் பதிவான செய்திகள் இன்றும் LED விளக்கு போல்
பளிச்சிடுகின்றன. ஆனால் 2 வருட செய்திகள் என்னை பொறுத்த வரையில்
ட்யூப்லைட் தான்.
வேண்டுமானால் பதிவிட்டவருக்கு நினைவிருக்கலாம்.
நான் இந்த விளையாட்டில் இருந்து அய்யோ, நான் இல்லை

ஒரு சந்தேகம் --சவால் என்பது தமிழ் சொல்லா?

@சக்தி18

by Guest Wed Apr 14, 2021 11:31 pm

சென்ற ஆண்டு ராம் சாரின் நகைச்சுவை பதிவு ஒன்றில் இருந்து ’சவால்’ எடுக்கப்பட்டது. ..நிலமையை அட்டகாசமாக சமாளித்த கில்லாடி! ..கப்டன் சவாலை சமாளித்தார்.

சவால் ஒரு உருதுச்சொல். அதன் தமிழ் அறைகூவல்.

சவால் வேறு மொழிகளிலும் உண்டு. சென்ற ஆண்டு அமெரிக்க தேர்தல் பிரச்சாரத்தில் தொலைக்காட்சி ஒன்றில் பைடன் அந்தச் சொல்லை பாவித்திருந்தார்.அது ஒரு ஐரிஷ் வார்த்தை.பைடன் ஒரு ஐரிஷ்காரர்.சவால் என்பது ஐயர்லாந்தில் (Saval Beg Stakes ) நடைபெறும் ஒரு தட்டை இன 2 மைல்களுக்கு குறைவான தூரத்தை ஓடும் குதிரை ஓட்டப் பந்தயம். அந்தப் பந்தயத்தை வைத்து பைடன் ட்ரம்பை கேலி செய்து அப்போது பேசியிருந்தார்.

by Guest Thu Apr 15, 2021 12:06 am

பொதுஅறிவு - பதில்

1.புருணை
2.பக்கு
3.மொங்கோலியா
4.கிறிஸ்தவம்
5.ஈரான்
6.ரிமோர்கடல்
7.ரிச்மொண்ட்
8.சகிரமொண்டோ
9.மடம் கியுரி
10.வஜிரலங்கோன் தாய்லாந்து, தாய் ஏர்வெயிஸ்ல் உதவியாளராக பணிபுரிந்த -சுதிடா டித்ஜாய் ,மணம் புரிந்த ஆண்டு -2016
11. triboelectric nanogenerator, அல்லது snow TENG என்பது பனிப்பொழிவிலிருந்து மின்சாரம் தயாரிக்கும் முறை பொறி.
12.சூரியன்
13.சுபாஸ் சந்திரபோஸ் காந்தியிடம் சொன்னது.
14.கோல்கட்டாவின் பெருமைமேற்கு வங்க தலைநகர் கோல்கட்டாவின் அடையாளங்களில் ஒன்றாக திகழ்வது 'ஹவுரா பாலம்'. ஹூக்ளி ஆற்றின் குறுக்கே கட்டப்பட்டது.1936ல் பணி தொடங்கி 1942ல் நிறைவடைந்தது. பாலத்தின் நீளம் 705 மீட்டர். அகலம் 71 அடி. இதில் இரண்டு புறமும் 15 அடி நடந்து செல்பவர்களுக்காக ஒதுக்கப்பட்டு உள்ளது. நான்கு வழிச் சாலையாக அமைக்கப் பட்டு உள்ள இப்பாலத்தின் மீது தினமும் சராசரியாக 3 லட்சம் வாகனங்கள் கடக்கின்றன. மேலும் 4.5 லட்சம் பேர் நடந்தும் செல்கின்றனர்.
இதன் அங்கீகரிக்கப்பட்ட பெயர் 'ரபீந்திர சேது' பாலம்.
15.சேடல் மரம் சங்ககால மலர்கள் பட்டியலில் (99 மலர்கள் -ஈகரை சிவா பதிவு) உள்ளது. இப்போது பவளமல்லி எனவும் பாரிஜாதம் எனவும் அழைக்கப்படுகிறது.தனிச் சிறப்பான நறுமணம் கொண்ட இப்பூ குளிர் மாதங்களில் பின்னிரவில் பூத்து விடியற்காலையில் உதிரத்தொடங்கும்.

by **T.N.Balasubramanian** Thu Apr 15, 2021 2:00 pm

வினா விடைகள் அருமையான பதிவு.
ராம்/சக்தி நன்றி

by **T.N.Balasubramanian** Thu Apr 15, 2021 2:10 pm

Code:: சவால் ஒரு உருதுச்சொல். அதன் தமிழ் அறைகூவல். சவால் வேறு மொழிகளிலும் உண்டு. சென்ற ஆண்டு அமெரிக்க தேர்தல் பிரச்சாரத்தில் தொலைக்காட்சி ஒன்றில் பைடன் அந்தச் சொல்லை பாவித்திருந்தார்.அது ஒரு ஐரிஷ் வார்த்தை.பைடன் ஒரு ஐரிஷ்காரர்.சவால் என்பது ஐயர்லாந்தில் (Saval Beg Stakes ) நடைபெறும் ஒரு தட்டை இன 2 மைல்களுக்கு குறைவான தூரத்தை ஓடும் குதிரை ஓட்டப் பந்தயம். அந்தப் பந்தயத்தை வைத்து பைடன் ட்ரம்பை கேலி செய்து அப்போது பேசியிருந்தார். சக்தி18

ஏ சவால் கோ ஜவாப் தே தோ ! குஜராத்தில் இருந்த காலத்தே அதிகம் நடைமுறையில் கேட்ட சொற்றொடர் .
சவால் --கேள்வி
ஜவாப் --பதில்.
சவால் என்ற சொல் தமிழா என்றதற்கு சரியான
ஜவாப் கொடுக்கும்
சக்தி உம்மிடம் உண்டு என்பதை அறிவேன்.

@சக்தி18

by Sponsored content

பொதுஅறிவு- சவால் - நினைவில் நின்றவை

பொதுஅறிவு- சவால் - நினைவில் நின்றவை

Re: பொதுஅறிவு- சவால் - நினைவில் நின்றவை

Re: பொதுஅறிவு- சவால் - நினைவில் நின்றவை

Re: பொதுஅறிவு- சவால் - நினைவில் நின்றவை

Re: பொதுஅறிவு- சவால் - நினைவில் நின்றவை

Re: பொதுஅறிவு- சவால் - நினைவில் நின்றவை

Re: பொதுஅறிவு- சவால் - நினைவில் நின்றவை